Շատախոս կոշիկը

koshikԿար-չկար, մի շատախոս կոշիկ կար։ Աջ ու ձախ նա անընդհատ պատմում էր այն ճանապարհների մասին, որտեղով անցնում էր։ Բայց շատախոս լինելուց բացի, նա նաև մի քիչ գլուխգովան էր։ Միայն գեղեցիկ ճանապարհների մասին էր պատմում։
Մի օր էլ, քարերը որոշեցին պատժել նրան, քանի որ իրենց մասին նա չէր պատմում երբեք։ Քարքարոտ մի ճանապարհի վրա կոշիկի թաթը սոսնձից պոկվեց։ Հերիք չի որ շատախոսությունից բերանը հազիվ էր հասցնում փակել, հիմա արդեն դա էլ չէր կարողանում։ Հենց լռում էր, բաց բերանը փոշի ու կեղտ էր լցվում։ Կոշիկը հասկացավ, որ պետք պետք է բերանը փակ պահի ու չխոսա, որ մաքուր մնա։ Նա դադարեց խոսելը։ Հիմա միայն անհրաժեշտության դեպքում էր ինչ-որ բաներ ասում։ Մի քանի օր շատախոս կոշիկը պարապ մնաց, ոչ մի ճանապարհ չգնաց, մինչև նրա տերը որոշեց նրան տանել «բժշկի»՝ կոշկակարի մոտ։
Կոշկակարը խնամքով մաքրեց կոշիկը, սոսնձեց այն ու գերազանց վիճակում վերադարձրեց տիրոջը։ Կոշկի տերը ուրախ-ուրախ հագավ իր փայլփլուն կոշիկները և ճանապարհ ընկավ։
Այս անգամ արդեն ամբողջ ճանապարհին կոշիկը միայն քթի տակ ճռճռում էր։ Ու արդեն, երբ տուն հասան, կոշիկը սկսեց պատմել ոչ միայն սիրուն ու մաքուր ճանապարհների, այլ նաև քարքարոտ ու փոշոտ ճամփաների մասին։

Վ. Բուռնուչյան

Կիսվել Share on Facebook4Share on Google+0Tweet about this on TwitterShare on VKEmail this to someone

| 

2 մեկնաբանություն

Մեկնաբանել
  1. Pingback: Ամառային ուսումնական բաց ճամբարի 9-րդ փուլ | 3-րդ դասարանի ուսումնական բլոգ, Դասվար՝ Կարինե Խառատյան 04/08/2017

    […] ու Բարակ Պոչիկը», հեղինակ՝ Ներսես Ներսիսյան։   Շատախոս կոշիկը։ Միջավայրի խնամք։ Մուլտֆիլմի դիտում։ Երաժշտական խաղեր […]

  2. Pingback: Ամառային ճամբար Հյուսիսային դպրոց-պարտեզում/օրակարգ — Ուսումնական բաց ճամբար 2017-2018 05/08/2017

    […] ու Բարակ Պոչիկը», հեղինակ՝ Ներսես Ներսիսյան։   Շատախոս կոշիկը։ Միջավայրի խնամք։ Մուլտֆիլմի դիտում։ Երաժշտական խաղեր […]

Մեկնաբանել

Գրեք պակասող թիվը Time limit is exhausted. Please reload CAPTCHA.