Մկրտիչ Կորյուն, Հանելուկներ. Ժամանակ, տարվա չորս եղանակ

***
Պապը շինեց մի կամուրջ,
Ոչ փայտ ուներ, ոչ էլ մուրճ։
Ձմեռ, սառած գետ

***
Ձեռքեր չունի,
Ներկեր չունի,
Դաշտն է ներկում
Հազար գույնի։
Աշուն

***
Ի՞նչ ամիս է, ի՞նչ ամիս,
Ձնծաղիկով է գալիս,
Մեկ բուք-բորան է անում,
Մեկ տաք օրեր է տալիս։
մարտ

***
Ի՞նչն է հագած ոսկի ու հուր,
Երեք ամսով գալիս մեզ հյուր,
Ծիլ ու ծաղկունք չորս կողմ փռում,
Թևին տալով թռչում, գնում։
գարուն

***
Մի մեծ սիրամարգ
Չորս բույն է գործել,
Ամեն բնի մեջ
Երեք ձու ածել։
տարի

***
Տարին մի անգամ ի՞նչն է կյանք առնում,
Ամբողջ տարվա մեջ մեզ ընկեր դառնում,
Ամեն օր հրաժեշտ տալով իր էջին,
Մահանում է նա ճիշտ տարեվերջին։
օրացույց

***
Գիտե՞ք դուք արդյոք
Յոթ սիրուն քույրեր,
Հասակով նման,
Անունով՝ տարբեր։
շաբաթվա օրեր

***
Իր սփռոցով սպիտակ
Պապս ծածկեց գյուղ, քաղաք,
Սակայն պապիս սփռոցով
Չծածկվեց ոչ մի ծով։
ձմեռ, ձյուն

***
Ձմռանն ամենուր եմ,
Ձեր սիրելի հյուրն եմ,
Մեծի համար պաղ եմ,
Մանուկներին խաղ եմ։
սառույց

***
Կլոր է, սիսեռ չի,
Թռչում է, թիթեռ չի,
Ջրի մեջ ջուր է նա,
Սառույցին քույր է նա։
կարկուտ

***
Ի՞նչը դու կորցնես,
Չի գտնի ոչ ոք,
Իսկ դու մեծապես
Կտուժես իրոք։
ժամանակ

***
Հողմ ու բքին կանգնած դրսում,
Թեև մերկ է, բայց չի մրսում,
Հաստանում է փաթիլներից,
Եվ մաշվում է արեգակից։
ձնեմարդ

***
Ի՞նչն է որպես հսկա թռչուն
Լուռ ու անձայն ներքև իջնում,
Եվ մեծ ու սև իր թևերով
Ծածկում է ողջ ցամաք ու ծով։
գիշեր

***
Ի՞նչն է թիկ-թակ երգելիս
Ժամանակն է ցույց տալիս,
Գնում, գալիս է արագ,
Բայց իր տեղն է շարունակ։
ժամացույցի ճոճանակ

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.