Հանելուկներ նվիրված Նոր տարվա տոնին

dzmer papik1_1

Մենք սպասում ենք անհամբեր,
Պապիկին այդ ալեհեր,
Նվերներ է նա բերում,
Մեզ հետ երգում ու պարում։
Ձմեռ Պապիկ

***
Շատ գեղեցիկ տոն է այսօր
Լույս ու զարդ է շուրջբոլոր,
Երբ որ սկսվի մի նոր օր,
Ասելու ենք՝ շնորհավոր։
Նոր տարի

***
Զմրուխտ կանաչ շոր է հագել,
Փայլուն սիրուն զարդեր կապել,
Գլխավոր զարդն է նոր տարվա
Դե, ո՞վ կասի, թե ի՞նչն է դա։
Տոնածառ

***
Կանաչ ու շքեղ այդ ճյուղերի տակ
Ձմեռ պապիկը նվեր է դնում,
Հենց ժամացույցի զարկերն են խփում,
Գույնզգույն, սիրուն լույսեր են վառվում։
Տոնածառ

***
Սպիտակ փափուկ ձյունից ծնված
Երեք գնդակ իրար վրա դրված,
Քիթը գազար է, աչքը՝ ապակի,
Նամակատարն է Ձմեռ Պապիկի։
Ձնեմարդ

***
Մեծ ու փոքր, տղա, աղջիկ,
Սիրում են տոնն այս գեղեցիկ,
Տոնածառ են միշտ զարդարում
Երգում, պարում, ուրախանում։
Նոր տարի

***
Պապիկը այդ ալեհեր ուժեղ է շատ ու բարի,
Սահնակ նստած ողջ գիշեր ուրախ-զվարթ ժպիտով,
նվերներ է բաժանում մանուկներին աշխարհի։
Ձմեռ Պապիկ

***
Ձմռան տոնին ցուրտ անտառից
Հյուր կգա մեզ ասեղով լի
Կանաչ հագած գեղեցկուհի
Ո՞ր ծառն է դա, ո՞վ կասի։
Եղևնի

***
Կանաչ եղևնին հենց տուն է մտնում
Երեխաները ուրախ մոտ վազում
Դրանց օգնությամբ սիրուն եղևնուն
Շքեղ տոնածառ են դարձնում։
Խաղալիքներ, զարդեր

***
Ձմեռ պապի փոքրիկ թոռնիկ,
Սիրուն աղջիկ կարմրաթուշիկ,
Իսկ անունը այդ աղջկա
Գեղեցկուհի՝…
Ձյունանուշիկ

tonatsar zardarel_1

Հանելուկների հեղինակ Վերոնիկա Բուռնուչյան: Հանելուկներն ուրիշ կայքերում տեղադրելուց հղումը Փոքրիկ.am կայքին պարտադիր է։

Կիսվել Share on Facebook25Share on Google+0Tweet about this on TwitterShare on VKEmail this to someone
| 

2 մեկնաբանություն

Մեկնաբանել
  1. http://poqrik.am/wp-content/plugins/wp-monalisa/icons/wpml_wacko.gifhttp://poqrik.am/wp-content/plugins/wp-monalisa/icons/wpml_wacko.gifhttp://poqrik.am/wp-content/plugins/wp-monalisa/icons/wpml_wacko.gif
    22/12/2015 Reply
  2. Shat lav hanelukner en, mersi shat☺☺👍👍👏👏http://poqrik.am/wp-content/plugins/wp-monalisa/icons/wpml_good.gifhttp://poqrik.am/wp-content/plugins/wp-monalisa/icons/wpml_yes.gifhttp://poqrik.am/wp-content/plugins/wp-monalisa/icons/wpml_wink.gif
    30/01/2017 Reply

Մեկնաբանել

Գրեք պակասող թիվը Time limit is exhausted. Please reload CAPTCHA.