Նամակներ ապագայի համար

namak1 Տարին մեկ անգամ Ձեր փոքրիկների համար մեկ նամակ գրեք, որը կկարդա այն օրը, երբ մեծանա: Նամակներում նրան պատմեք այդ տարվա ընթացքում նրա հետ տեղի ունեցած զվարճալի իրադարձությունների, դժվարությունների և ուրախությունների, ինչպես նաև Ձեր և նրա համար կարևորագույն երևույթների, ապագայի մասին Ձեր պատկերացումների և այլնի մասին: Նամակին նաև կցեք լուսանկարներ, բացիկներ և այլ հուշ-իրեր, որոնք հակառակ դեպքում ժամանակի ընթացքում կկորչեն: Եվ, իհարկե, չմոռանաք գրել, թե որքան շատ եք նրան սիրում:

Դնելով դրանք թղթապանակի մեջ՝ երկար տարիներ մոռացեք դրանց մասին: Անհրաժեշտ է ամեն տարի համալրել այդ թղթապանակը նոր namak2նամակներով: Չափահասության օրը այն մատուցեք որպես յուրահատուկ անակնկալ: Հավատացեք, որ այն նրա համար կդառնա ծնողական սիրո և մանկության մասին հիշողությունների անգին պահոցը: Ե՛վ դժվարության, և՛ երջանկության ժամանակ թղթապանակը կծառայի որպես հիշեցում այն ամենի մասին, որ Ձեր սերը նրան միշտ կպաշտպանի:

Պատրաստեց՝ Նարին Մուրադյանը
(«Այբ Բեն Գիմ» զարգացման ակումբի
էրգոթերապիստ, հատուկ հոգեբան)

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.