Խմբակային խաղեր (մաս 1)

Փուչիկներով խաղ փակ տարածության մեջ

2Ամենափոքրիկների համար. Երեխաները շրջան են կազմում: Կենտրոնում կանգնում է փուչիկները թելից բռնած խաղավարը: Նա տալիս է երեխաներից մեկի անունը և փուչիկը բաց թողնում: Երեխան, ում անունը տրվել էր, պետք է հասցնի բռնել փուչիկը, քանի դեռ այն չի կպել հատակին (կամ առաստաղին՝ եթե լցված է հելիումով): Եթե երեխան կարողանում է բռնել փուչիկը, ապա նա փուչիկը ձեռքին
միանում է շրջան կազմած իր ընկերներին, իսկ եթե նրան չի հաջողվում «որսալ» փուչիկը, ապա նա դառնում է այդ խաղի խաղավարը: Կանոնները կարելի է փոխել հակառակը:
Մեծ երեխաների համար. Խաղի մասնակիցը պետք է կզրողանա ինքնուրույն փչել փուչիկը: Պատի վրա նշանակետ է ամրացվում և յուրաքանչյուր մասնակիցն տրվում է չփչած փուչիկ: Երեխաները մի շարքով կանգնում են նշանակետի դիմաց: Խաղի մեկնարկը տրվելուց անմիջապես հետո մասնակիցները պետք է փչեն փուչիկները և բաց թողեն դրանք՝ աշխատելով դիպչել նշանակետին: Այս մրցույթին կարող են մասնակցել 2 թիմ: Յուրաքանչյուր թիմ պետք է ունենա մի գույնի փուչիկ:

Գուշակիր մասնագիտությունը

Մասնակիցները շրջանաձև նստում են և, մինչև խաղավարի սենյակ մտնելը որոշում, թե «ո՞վ է մասնագիտությամբ խաղավարը»: Խաղավարը յուրաքանչյուր մասնակցին հարցնում է թե ի՞նչ պետք է ինքն ունենա, և նրանց պատասխանների հիման վրա պետք է գուշակի մասնագիտությունը: Օրինակ, եթե մասնակիցները որոշել են, որ խաղավարը երգիչ է, ապա իրենց պատասխաններում նրանք պետք է նշեն, որ խաղավարը ունի բարձրախոս, կիթառ և այլն: Եթե խաղավարը չի գուշակում պահված մասնագիտւթյունը, ապա նա կրկին դուրս է գալիս սենյակից և մասնակիցներն ուրիշ մասնագիտություն են ընտրում:

Գուշակիր ո՞վ էchildren_in_a_circle

Երեխաները նստում են շրջանաձև դասավորված աթոռների վրա: Խաղավարը կանգնում է կենտրոնում և կապում աչքերը: Երեխաները անձայն
փոխվում են տեղերով: Խաղավարը նստում է մասնակիցներից մեկի գիրկը և առանց նրա հետ խոսելու, փորձում գուշակել, թե ո՞վ է:

Խաղ «Կատուներ և մկներ»

Անհրաժեշտ են աթոռներ:
Աթոռները շարվում են շրջանաձև՝ նստատեղերով դեպի ներս: Երեխաների մի մասը նստում է աթոռներին, մյուս մասը՝ կանգնում աթոռների հետևում: Նստած երեխաները մկներն են, իսկ նրանց ետևում կանգնածները՝ կատուները: Մի կատվի մոտ մուկ չկա, այսինքն աթոռը դատարկ է: Այդ կատուն աչքով է անում մկներից մեկին, և այդ մկնիկը պետք է փախչի իր աթոռից և գա աչքով անող կատվի մոտի աթոռին նստի: Մկնիկի աթոռի ետևը կանգնած կատուն պետք է բռնի մկնիկին և թույլ չտա հեռանալ իր մոտից: Եթե կատվին չի հաջողվում իր մոտ պահել մկնիկին, ապա ինքն է աչքով անում ուրիշ մկնիկի: Որոշ ժամանակ անց կատուներն ու մկները տեղերով փոխվում են:

Խաղ «Երիցուկ»0a0ca02bf93e049e45b9fdf0229878e0

Անհրաժեշտ է թուղթ, մկրատ, գրիչ և ուրախ առաջադրանքներ:
Նախօրոք պետք է թղթից երիցուկ կտրել: Ծաղիկը պետք է ունենա այնքան թերթիկ, ինչքան մասնակից կա: Երիցուկի թերթիկների հակառակ կողմում
գրվում են զվարճալի առաջադրանքներ: Երեխաները պետք է պոկեն թերթիկը և կատարեն նրա վրա գրված առաջադրանքը (օրինակ՝ թռչկոտել մեկ ոտքի վրա, ծուղրուղու կանչել, ինչ-որ կենդանու նման քայլել, շուտասելուկը կրկնել և այլն):

Շարունակելի

Կիսվել Share on Facebook68Share on Google+0Tweet about this on TwitterShare on VKEmail this to someone

| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.