Երեխաների համար, երեխաների մասին

Ինչպե՞ս զարգացնել երեխայի ինքնուրույնությունն ըստ Մարիա Մոնտեսորիի

montesori1Մարիա Մոնտեսորին գտնում էր, որ կյանքի համար կարևոր երևույթ հանդիսացող ինքնասպասարկման հմտություններն ավելի արագ են զարգանում, երբ երեխան վաղ տարիքից սկսած  շրջապատված է լինում հարմարեցված միջավայրով: Ստորև կներկայացվեն Մարիա Մոնտեսորիի մի քանի խորհուրդներ երեխայի ինքնուրույնությունը զարգացնելու համար:

  1. Երեխայի համար պետք է այնպիսի հագուստ գնել, որ նա կարողանա դրանք ինքնուրույն՝ առանց որևէ մեկի օգնության, հագնել և հանել:
  2. Փոքրիկի սենյակի համար խաղալիք կահույք գնեք. օրինակ փոքրիկ աթոռներ, փոքրիկ սեղան, սենյակում նրա հասակին համապատասխան հայելի փակցրեք: Աթոռները պետք է լինեն թեթև, որպեսզի նա կարողանա դրանք հեշտությամբ մի տեղից մյուսը տեղափոխել: Լոգասենյակում սրբիչի կախիչները ևս նրա հասակին համապատասխան պետք է լինեն: Կարևոր է նաև տանն ունենալ ծալվող աթոռակ, որի շնորհիվ երեխան կկարողանա ինքնուրույն լվացվել, գրապահարանից վերցնել իր սիրելի գիրքը և այլն:montesori2
  3. Մանկական սենյակը պետք է լինի լուսավոր, գրավիչ և պարզ: Հեռացրեք Ձեր փոքրիկի միջավայրից բոլոր այն առարկանները, որոնք նա կարող է կոտրել, ինչպես նաև որոնք կարող են նրան վախեցնել և վնասել: Հնարավորինս անվնաս դարձրեք նրա միջավայրը:
  4. Լոգասենյակում առանձին տեղ հատկացրեք նրա անձնական իրերի համար: Այնպես արեք, որպեսզի փոքրիկն այդ ամենն ինքնուրույն կարողանա վերցնել: Այդ իրերը նաև պետք է նրա համար ճանաչելի լինեն: Նման դեպքերում օգնության են հասնում հատուկ վառ գույներով մանկական սպասքը, խոզանակները և այլն: Կարելի է նաև դրանք ընդգծել վառ պիտակներով:
  5. Երեխային տվեք փոքրիկ ավել, գոգաթիակ, փոքրիկ սպունգ, ինչպես նաև փոշին մաքրելու համար փոքրիկ կտոր: Հենց այս պարագաների շնորհիվ երեխան կկարողանա ինքնուրույն մաքրել իր սենյակը:

 

Պատրաստեց՝ Նարին Մուրադյանը
(«Այբ Բեն Գիմ» զարգացման ակումբի
Էրգոթերապիստ, հատուկ հոգեբան)

Leave a Reply

Your email address will not be published. Required fields are marked *

Փոքրիկը սոց. ցանցերում
facebook youtube telegram