Զարգացնող խաղեր քնից առաջ


1331137478_546_Շատ երեխաներ տհաճությամբ են ընդունում քնելու փաստն անգամ այն դեպքում, երբ հոգնածությունից աչուկները փակվում են: Նրանք, կարծես, վախենում են որևէ հետաքրքիր իրադարձություն բաց թողնելուց: Այնինչ, երեկոյան հաճելի արարողությունը կարող է օգնել երեխային հանգստանալ և անհամբերությամբ սպասել օրվա հենց այն վայրկյաններին, որը անցկացնելու է Ձեզ հետ, որպեսզի Ձեզանից ստանա իրեն անհրաժեշտ ուշադրությունն ու ջերմությունը:
Մինչ լույսն անջատելը և երեխային բարի գիշեր մաղթելը, նրան մի փոքր ժամանակ հատկացրեք և այնպես արեք որպեսզի Ձեզ ոչ ոք չխանգարի: Դա կօգնի երեխային լիարժեքորեն վայելել Ձեր ուշադրությունը և հոգատարությունը:
Դուք կարող եք գրկախառնվել, երգել, պատմել հին և սիրելի հեքիաթները կամ հորինել նորերը: Ստեղծեք այնպիսի մթնոլորտ, որպեսզի երեխան կարողանա պատմել իր տպավորությունների, երևակայությունների, իրեն անհանգստացնող հարցերի մասին: Այս ամենից հետո, սենյակից դուրս գալով՝ Դուք երեխային թողնում եք հեքիաթային աշխարհում:
Այնպես արեք, որ այն ժամանակը, որն անցկացնում եք Ձեր երեխայի հետ, Ձեզ համար ևս հաճելի լինի: Շատ կարևոր է, երբ երեխայի հետ հաղորդակցումը ճնշող չէ:

Կախարդական գորգ

Սենյակում առանձնացրեք մի տեղ, որտեղ ամենահարմարն է հետաքրքիր և զվարճալի պատմություններ պատմելու համար:
Առանձնացրեք մի փոքրիկ գորգ և այն անվանեք կախարդական: Միասին նստեք գորգի վրա: Երեխան թող փակի աչքերն ու պատկերացնի, որ ճանապարհորդում է հրաշքների աշխարհում, ընդ որում, ինքն այդ պատմության գլխավոր հերոսներից մեկն է: Պատմությունը սկսեք այս խոսքերով. «Այսօր մեր ինքնաթիռ-գորգը թռչում է դեպի…»: Երեխան ինքն է անվանում այն վայրը, որտեղ այդ երեկո միասին պետք է ուղևորվեք: Դուք միայն օգնում եք այն դեպքում, երբ դրա կարիքը կա: Պատմությունը շարունակեք այնքան ժամանակ մինչև երեխան չհանգստանա: Այնպես արեք, որ կախարդական գորգը վերադառնա անկողին, իսկ հաջորդ երեկո շարունակի իր ճանապարհորդությունը:

Երեկոյան օրագիր

Այս առաջադրանքի համար անհրաժեշտ է փոքրիկ գրքույկ կամ պարզապես թղթե թերթիկներ:
Երեխայի հետ գրեք օրվա հրաշալի իրադարձությունները: Հարցրե՛ք և գրի առեք երեխայի մոտ ամենավառ տպավորություններ ստեղծած qun1իրադարձությունների մասին: Լինում են դեպքեր, երբ երեխաները բավականին հաճույքով և մանրամասնորեն պատմում են այն իրադարձությունների մասին, որոնք իրենք կցանկանային գրի առնել: Իսկ որոշ երեխաներ էլ, պարզապես մտքեր առաջացնող հարցերի կարիք են ունենում, ինչպիսիք են, օրինակ. «Այսօր հատկապես ի՞նչը քեզ դուր եկավ», «Այսօր քեզ ինչ-որ բան տխրեցրե՞ց», «Փորձիր հիշել որևէ զվարճալի պատմություն», «Կցանկանա՞ս վաղն էլ այս ամենով զբաղվել», «Պատմիր, թե ի՞նչ նոր բան ես այսօր սովորել», «Այդ ամենը քեզ հետաքրքի՞ր էր», «Ի՞նչը հատկապես կցանկանայիր օրագրի մեջ գրել»:

Զրույց կենդանիների մասին

Լույսն անջատելուց հետո երեխային խնդրեք, որպեսզի պատմի իր օրվա մասին: Փորձեք նրան այսպիսի հարց տալ. «Ի՞նչ ես կարծում, քո այս օրը նմա՞ն է որևէ կենդանու»: Այս հարցին դրական պատասխան ստանալուց հետո խնդրեք, որպեսզի երեխան անվանի այդ կենդանու անունը: Այս խաղը հիանալի հնարավորություն է տալիս երեխայի հետ կենդանական աշխարհի մասին խոսելու համար: Դուք բավականին մեծ հաճույք կստանաք Ձեր երեխայի հետ տարբեր կենդանիների, թռչունների կամ միջատների մասին քննարկումներ կատարելիս: Դուք կարող եք ամառային շոգ և երկար օրը համեմատել դանդաղաշարժ կրիայի հետ, իսկ ձանձրույթով կամ շտապողականությամբ հագեցած օրը՝ կապիկի, մողեսի կամ աղվեսի հետ: Հիշեք, որ նախ ինքներդ պետք է ասեք, թե ինչ կենդանու էր նման Ձեր օրը, օրինակ. «Ես այսօր մրջյունի նման ջանասիրաբար աշխատել եմ և շատ եմ հոգնել»: Միայն դրանից հետո երեխային հարցրեք. « Իսկ ինչի՞ էր նման քո օրը»:

Պատմություն խաղալիքի մասին

Երեխաների մեծամասնությունը խաղալիք կենդանիներ ունեն: Պառկելիս նրանք իրենց պաշտպանված են զգում, երբ սիրելի գազանիկը կամ տիկնիկն qun2իրենց կողքին է լինում: Հենց դրա համար էլ երեկոյան հեքիաթի գլխավոր հերոս դարձրեք այդ գազանիկներից որևիցե մեկին: Թույլ տվեք, որպեսզի երեխան ինքն ընտրի տվյալ խաղալիքին և հեքիաթ պատմի նրա մասին: Անպայման պետք է երեխային աջակցել:
Ինքներդ սկսեք պատմությունը և հետո առաջարկեք երեխային շարունակել այն: Օրինակ. «Կար, չկար …. անունով առյուծ կար…. Առյուծն ապրում էր…. Նա շատ էր սիրում ուտել… »: Այնուհետև հարցրեք երեխային. «Ի՞նչ ես կարծում, ով էր առյուծի ընկերը»: Սա երեխային հնարավորություն կտա արթնացնել երևակայությունը: Հետաքրքրվեք, թե որտե՞ղ էր սիրում առյուծը զբոսնել, ինչի՞ մասին էր մտածում առավոտյան արթնանալիս և այլն: Փորձեք հասկանալ այն ամենը, ինչ երեխան ցանկանում է ասել և օգնեք նրան հետաքրքիր պատմություն հորինելու համար:

Կարդանք միասինqun3

Բոլոր ծնողներն էլ գիտեն, թե իրենց երեխաների զարգացման գործընթացում ինչքան կարևոր է ընթերցանության դերը: Այն հանդիսանում էավանդական մեթոդ, որն արդիական է բոլոր ժամանակների համար: Համաձայն իրականացված հետազոտությունների, այն երեխաները, ում համար հաճախակի են գիրք ընթերցել, նրանք ավելի շուտ են սկսում ինքնուրույն կարդալ: Երեխաների մի մասը շատ է սիրում պարբերաբար վերադառնալ ծանոթ պատմություններին, իսկ ոմանք էլ նախընտրում են միայն նորերը:

Պատրաստեց՝ Նարին Մուրադյանը
(«Այբ Բեն Գիմ» զարգացման ակումբի
Էրգոթերապիստ, հատուկ հոգեբան)

Կիսվել Share on Facebook75Share on Google+0Tweet about this on TwitterShare on VKEmail this to someone

| 

1 մեկնաբանություն

Մեկնաբանել
  1. հետաքրքիր էր
    15/10/2014 Reply

Մեկնաբանել

Գրեք պակասող թիվը Time limit is exhausted. Please reload CAPTCHA.