Բնավորությունների ծիածան

tsiatsan0Դուք երբևէ նկատե՞լ եք, որ ձեր երեխան կյանքի տարբեր փուլերում նախընտրում է տարբեր գույներ: Եթե ուշադրություն դարձնեք, ապա ինքներդ էլ կհամոզվեք, որ առաջինը միշտ վերջանում է միևնույն նրբերանգ ունեցող ներկը կամ պլաստիլինը: Երեխաներն անգամ հագուստը, կոշիկները, խաղալիքներն են հենց այդ գույնի ընտրում: Ըստ հոգեբանների` երեխայի նախընտրած գույնով կարելի է որոշել նաև երեխայի բնավորությունը կամ տվյալ շրջանին բնորոշ հոգեվիճակը: 

Այսպիսով, տեսնենք թե ինչ կարող է մեզ հուշել մեր փոքրիկների գունային հակվածությունը:

Կարմիր

Կրակի գույնի փոքրիկ սիրահարները, սովորաբար, կենսուրախ են և անկախ: Նրանք ամեն ինչում ձգտում են լիդերության: Նրանց համար կարևոր նշանակություն ունի մեծահասակների գովասանքը: Այսպիսի երեխաները բաց են նորի համար, հեշտ են յուրացնում, շուտ են սկսում կարդալ և գրել:

Սակայն, եթե երեխան իր պատկերացումներով աշխարհը նկարում է կարմիր և շագանակագույն նրբերանգներով, ապա հնարավոր է, որ նա հանգստի կարիք ունի:

Վարդագույն

Հոգեբաններն այն անվանում են կանացի գույն: Եվ բավականին բնականոն է, երբ ձեր աղջնակը նախընտրում է այս նրբերանգի հագուստներ, մազակալներ, անկողնային պարագաներ և այլն:

Եթե վարդագույն նրբերանգները  դարձել  են ձեր տղայի մշտական ուղեկիցները, ապա զգուշացեք. սովորաբար, նման բան լինում է այն դեպքում, երբ ձեր երեխան զգում է շրջապատող միջավայրի նկատմամբ իր անհամապատասխանելիությունը, թշնամանք, ինչպես նաև` օտարացում:

tsiatsanԴեղին

Արևային գույնը հաղթողների, հաղթանակի գույնն է:  Հանրաճանաչ քաղաքական գործիչներն ու հաջողակ գործարարներն իրենց ինքնակենսագրականներում բազմիցս նշել են` մանկության շրջանում այս գույնի նկատմամբ ունեցած յուրահատուկ սիրո մասին: Եթե ձեր փոքրիկը նախընտրում է հենց այս գույնը, ապա ընտանիքում ամեն ինչ կարգին է: Իսկ եթե ոչ, ապա հավանաբար կարիք կա մտածելու ընտանիքում առկա հնարավոր խնդիրների մասին:

Կապույտ

Խորհրդանշում է խաղաղություն և հավասարակշռություն: Սակայն մուգ երանգների նկատմամբ հակվածությունը ենթադրում է մելանխոլիա, ավելորդ մտածկոտություն, թաքնված տխրություն:

Ծիրանագույն

Լավատեսության գույնն է: Ծիրանագույնի սիրահարները բաց են ընկերների համար: Նրանք կենսուրախ են, հաղորդակցվող, հեշտ են ծանոթանում: Այս փոքրիկները ունենում են ամենատարբեր հոբբիներ, նրանց բնորոշ է նաև սերը` սպորտի հանդեպ: Մեծամասամբ այսպիսի երեխաներն օժտված են լինում հիանալի ֆիզիկական առողջությամբ, սակայն նրանք հակվածություն ունեն նևրոզի նկատմամբ:

Մանուշակագույն

Ձեր երեխան նախընտրում է հենց ա՞յս գույնը: Ուշադրություն դարձրեք, քանզի հնարավոր է, որ ձեր տանը մեծանում է ապագա դերասան: Մանուշակագույնը նախընտրող երեխաները տաղանդավոր են և ստեղծագործող, իսկ երբեմն էլ` հնարամիտ և խորամանկ:

Կանաչ

Ընդհանուր առմամբ խթանում է իդեալիզմը, մեծահոգությունը և ինքնակառավարումը: Այս գույնը նախընտրող երեխաները երբեմն վախենում են սխալվելուց:

Սա այնքան էլ հեշտ գույն չէ, ինչպիսին երևում է առաջին հայացքից: Բաց կանաչը վկայում է  լավատեսություն, ինքնավստահություն, ինչպես նաև` հանգստություն: Այս երեխաներն օժտված են հիանալի զարգացած ինտելեկտով և ստեղծագործական ձիրքով:

Մյուս կողմից, կանաչի մուգ նրբերանգները կարող են ազդանշել պարփակվածություն, մեկուսացում արտաքին աշխարհից, ծնողների և երեխայի միջև փոխհամաձայնության բացակայություն: Այս երեխաները վախենում են փոփոխություններից և իրենց հանգստությունը գտնում են հենց կանաչ նրբերանգներում:

Սպիտակ

Հիմքերի հիմքը՝ մաքուր թուղթը: Այս գույնը նախընտրում են այն երեխաները, ովքեր յուրաքանչյուր հարցի համար ունեն իրենց սեփական տեսակետը և չեն ցանկանում ենթարկվել ուրիշների կարծիքներին կամ կարծրատիպերին: Սովորաբար նրանք ուշադիր, ստեղծագործող, հոգևոր զարգացում ունեցող, սակայն մի փոքր ամաչկոտ փոքրիկներ են: Սպիտակը խորհրդանշում է փիլիսոփայական մտածողությունը:

Սպիտակի մերժումը կարող է վկայել  երեխայի համար ամենամտերիմ և հարազատ մարդկանց հետ  փոխըմբռնման բացակայությունը:

Պատրաստեց՝ Նարին Մուրադյանը
(«Այբ Բեն Գիմ» զարգացման ակումբի
Էրգոթերապիստ,   հատուկ հոգեբան)

Կիսվել Share on Facebook8Share on Google+0Tweet about this on TwitterShare on VKEmail this to someone

| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.