Օճառապղպջակներ մեր ձեռքերով

4Ո՞վ մանուկ հասակում չի սիրել օճառապղպջակներով խաղալ։ Սա երեխաների ամենատարածված խաղերից է։ Ծնող դառնալով, մենք հաճույքով ենք հիշում պղպջակներ փչելն ու մեր երեխաներին ծանոթացնում օճառապղպջակների հետ։ Սկզբում նրանք լայն բացած աչքերով զարմացած նայում են օդում պարող թափանցիկ գնդերին, հետո փորձում դրանք բռնել, իսկ որոշ ժամանակ անց իրենք են սովորում փչել օճառապղպջակներ։ Օճառապղպջակ վաճառվում է գրեթե ամենուր, սակայն այն կարելի է հեշտությամբ պատրաստել տանը՝ մեր ձեռքերով.

Բաղադրատոմսեր.

1. Դասական բաղադրատոմս.
Օճառապղպջակների լուծույթը կարելի է պատրաստել ջրից և օճառից։ Դրա համար անհրաժեշտ է ամենահասարակ տնտեսական օճառ։ Պետք է օճառը մանրացնել և լցնել եռաման ջրի մեջ ու խառնել, մինչև լրիվ լուծվի։ Որպեսզի օճառն արագ լուծվի, կարելի է զանգվածն անընդհատ խառնելով տաքացնել թույլ կրակի վրա։

2. Պարզ մեթոդ.
Մեկ բաժակ ջուրը խառնել մեկ բաժակ ամանի հեղուկի հետ, ավելացնել 1 թ. գդ. շաքարավազ և 2 թ. գդ. գլիցերին (վերջինը վաճառվում է դեղատներում)։

3. Մեծ քանակությամբ.
3 բաժակ ջուրը խառնել 1 բաժակ ամանի հեղուկի հետ, ավելացնել կես բաժակ գլիցերին։

4. Բարդ մեթոդ.
3 բաժակ տաք ջուրը խառնել 2 ճ. գդ. լցավքի փոքշու հետ, ավելացնել 20 կաթիլ անուշադրի սպիրտ։ 3-4 օրից ստացված զանգվածը շերտավորվում է։ Այն անհրաժեշտ է ֆիլտրել և պատրաստ է օգտագործման։

5. Գունավոր պղպջակներ.
Կես բաժակ մանկական շամպունը խառնել 2 բաժակ ջրով, ավելացնել 2 թ. գդ. շաքարավազ և փոքր քանակությամբ սննդային գունանյութեր։

Ցանկացած օճառապղպջակի լուծույթ մինչ օգտագործելը, ցանկալի է 12 ժամ թողնել սառնարանում։ Դրանից հետո այն «ենթակա է օգտագործման»։Summer joy

Օճառապղպջակի որակը ստուգելու համար վերցրեք հյութի ձողիկ և մտցրեք այն լուծույթի մեջ։ Ձողիկի եզրին պետք է առաջանա հեղուկ թաղանթ։ Զգուշորեն փչեք ձողիկը։ Եթե տան պայմաններում պատրաստած օճառապղպջակները շատ փոքր ու ջրալի ստացվեն և մատի թեթև հպումից պայթեն, անհրաժեշտ է լուծույթի վրա էլի օճառ (լվացող հեղուկ) և մի քանի կաթիլ գլիցերին ավելացնել։ Այսպիսի փորձնական ճանապարհով կստանաք գեղեցիկ, մեծ ու որակյալ օճառապղպջակներ։

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.