Շարունակենք երեխաներին հետաքրքիր զբաղեցնելու հոդվածը։
Խաղեր լույսի հետ
Ուղղանկյուն ստվարաթղթի վրա որևէ նկար ուրվագծեք, ապա հաստ ասեղով նկարի եզրագծերի վրա անցքեր բացեք։ Ստվարաթղթե ուղղանկյանը գլանի տեսք հաղորդեք, եզրերը սոսնձեք։ Նրա մեջ տեղավորեք փոքրիկ լամպ։ Այժմ կարելի է վառել լույսը և հիանալ գեղեցիկ լուսային նախշերից։
Մեկ այլ հետաքրքիր լուսային էֆեկտ կարելի է ստանալ, եթե նկարը կտրվի կլոր ստվարաթղթի վրա, որի չափսերը համապատասխանում են լապտերիկի ապակու չափերին։ Այժմ այդ ստվարաթուղթը տեղադրեք լապտերի ապակու վրա, անջատեք սենյակի լույսն ու միացրեք լապտերիկը։ Եվ ո՞վ է ասել, որ ստվերներն անհնար է կենդանացնել։
Բանջարեղենային կնիքներ
Բանջարեղենները կարող են ոչ միայն սնունդ լինել, այլ դրանց օգնությամբ կարելի է նաև նկարներ նկարել։
Կարտոֆիլից կարելի է կտրատել տարբեր կնիքների, դրանք ներկի մեջ մտցնել և տպել թղթի վրա։
Նեխուրի պոչերից կարելի է գեղեցիկ վարդ ստանալ։
Զարդեր մակարոններից
Մակարոնները ևս կարելի է օգտագործել ստեղծագործելու համար։ Հաշվի առնելով, որ դրանք ունեն զանազան ձևեր, դրանցից կարելի է պատրաստել գեղեցիկ վզնոցներ, զարդեր և տոնածառի խաղալիքներ։
Դետալները կարելի է ներկել ինչպես մինչև կպցնելը, այնպես էլ իրար կպցնելուց հետո։ Կարևորը, թողել, որպեսզի դրանք լավ չորանան։
Երբ դուք խոհանոցային գործեր եք անում, իսկ երեխան խնդրում է խաղալ նրա հետ, նստեցրեք նրան սեղանի մոտ, նրան տվեք թել ու մակարոններ և ցույց տվեք, ինչպես շղթա պատրաստել։ Այսպիսի խաղերը հոյակապ զարգացնում են մատների մանր մոտորիկան։
Սառցե գնդեր
Վերցրեք մի քանի փուչիկ, դրանց մեջ լցրեք սննդային գունանյութերի տարբեր երանգներով ներկված ջուր, ապա դրեք սառցախցիկը՝ սառելու։
Մի քան ժամից կունենաք բազմագույն սառցե գնդեր, որոնցով կարելի է խաղալ փողոցում, կամ օգտագործել որպես բակի զարդարանք կամ ձնե ձևանմուշ։
Կերակրաման թռչունների համար
Մեկ այլ հետաքրքիր և միաժամանակ օգտակար զբաղմունք է թռչունների համար կերակրամաններ պատրաստելը։ Սրանք կարելի է պատրաստել դատարկ շշերից կամ նրբատախտակից։
Չմոռանաք հանգույց սարքել կերակրամանը կախելու համար, ինչպես նաև մշակել կերակրամանի եզրերը, որ թռչունները չվնասեն իրենց ոտքերը։
