Ինչպե՞ս նկարել մրգեր և բանջարեղեն

Սովորում ենք նկարել մրգեր և բանջարեղեն, ծանոթանում դրանց հիմնական հատկություններին։

1. Ձմերուկը դդմազգիներին պատկանող բույս է։ Ձմերուկն ունի մարդկանց համար դուրեկան համ, սննդարար հատկություն, պարունակում է մեծ քանակությամբ ջուր (90 %-ը ջուր է)։

2. Գազարը նեխուրազգիների ընտանիքի երկամյա բույս է։ Գազարի արմատը հաստ է, մսալի, կոնուսաձև կամ գլանաձև։ Գազարը լինում է դեղին, կարմիր կամ սև գույնի։

3. Վարունգը դդմազգիների ընտանիքին պատկանող բանջարեղեն է։ Այն համարվում է ամենատարածված և հնագույն աղցանային բանջարեղեններից մեկը։ Վարունգի պտուղների 94-96%-ը ջուր է, իսկ մոտ 1-2%-ը՝ շաքար։ Պարունակում է A և C վիտամիններ։

4. Ելակը  վարդազգիների ընտանիքի բազմամյա խոտաբույսերի կամ թփերի ցեղից է։ Այն  քաղցր, անանասահամ և յուրահատուկ բուրմունքով, բաց վարդագույնից մինչև մուգ վարդագույն հյութալի հատապտուղ է։ Հարուստ է վիտամիններով, թթուներով, շաքարներով և այլն։

Տարբերակ 1

Տարբերակ 2

5. Հաղարջը պատկանում է կոկռոշազգիների ընտանիքի բույսերի ցեղին։  Ծաղկաբույլը՝ ողկույզ է, պտուղը հատապտուղ է՝ սև, կարմիր և այլ գույնի, թթվաշ։ Պտուղները բուրավետ են, պարունակում են շաքարներ, թթուներ, վիտամիններ, պեկտինային նյութեր, ներկանյութեր, օգտագործվում է ինչպես թարմ այնպես էլ վերամշակված վիճակում։

6. Բալը Սալոր ցեղի  բույս է։ Բալի պտուղները թթվաքաղցր համ ունեն։ Բալի պտուղները օրգանական թթուներ են պարունակում՝ (լիմոնաթթու, խնձորաթթու, սաթաթթու,սալիցիլաթթու), միկրոէլեմենտներ (պղինձ, երկաթ, ցինկ, յոդ, մարգանեց, քրոմ, ֆտոր, մոլիբդեն, բոր, վանադիում, կոբալտ, նիկել, ռուբիդիում),մակրոէլեմենտներ (կալիում, կալցիում, ֆոսֆոր, մագնիում), ինչպես նաև պեկտինային նյութեր, շաքար, վիտամին А , С, Е, В1, В2, РР, ֆոլաթթու։ 

7. Տանձենին վարդազգիների ընտանիքի պտղատու ծառերի ցեղից է: Հայտնի է տանձի 60 տեսակ, Հայաստանում՝ 20:

8. Խնձորը խնձորենու պտուղն է, որը երկիր մոլորակի ամենատարեց բնակիչներից է։ Այն հայտնի է դարձել մարդուն ավելի վաղ, քան մյուս բերքատու ծառերը։ Խնձորենու հայրենիքը համարվում է Կենտրոնական Ասիան։ Մեծ տարածում է գտել տնային խնձորենին։ Ներկայումս գոյություն ունեն խնձորենիների բազում տեսակներ, որոնք աճում են տարբեր կլիմայական պայմաններում։ Խնձորենու պտուղը՝ խնձորը հարուստ է կալիումով, կալցիումով, ֆոսֆորով, նատրիումով, երկաթով, մոլիբդենով, ցինկով, բարիումով։

9. Սալորը վարդազգիների ընտանիքի պտղատու կորիզապտղավոր բույսերի ցեղից է։ Պտուղը մսալի, միասերմ կորիզապտուղ է, ձվաձև կամ կլոր։ Պտուղների զանգվածը 6-100 գ է, դեղին, կանաչ, կարմիր կամ կապտասև՝ երկնագույն մոմային փառով։