Ինչպե՞ս կավճով նկարել կատու

Երեխաների ամառային խաղերի մեջ իր յուրահատուկ տեղն ունի կավճով նկարչությունը։ Սովորենք նկարել կատվիկ կավճով.

Նախ և առաջ սովորենք նկարել կատվի աչքերը։

1. Կատվի աչքերը նկարելու համար նկարենք շրջան, այնուհետ նրա շուրջը 3 մուգ եռանկյուն.

2. Կենտրոնում նկարենք մուգ սրված օվալ (ձվաձև) և սպիտակ փոքրիկ կետ (օղակի տեսքով)։

3. Սկսենք նկարել կատուն հետևյալ հերթականությամբ։ Նախ նկարենք 2 եռանկյուններ, որոնք կլինեն մեր կատվի ականջները։

4.Դրանք միացնենք օվալով (ձվաձևով), և այն կդառնա կատվի գլուխը։ Ներքևի մասում նկարում ենք կատվի մռութը, ինչպես ցույց է տրված նկարում։

5. Սև կավճով նկարում ենք կատվի աչքերը, քիթն ու բերանը։ Աչքերը ներկենք դեղին ու կանաչ գույներով։

6. Եթե կավճի կողային հատվածով նկարենք, գծերը կստացվեն հաստ, իսկ եզրով նկարելու դեպքում՝ բարակ։

7. Ներկենք կատվիկին սպիտակ կավճի կողային կողմով՝ առանց դիպչելու ականջներին, աչքերին ու բերանի հատվածը (ներկելուց հետո որևէ լաթի կտորով սպիտակ ներկվածը «լղոզենք»), իսկ վարդագույն կավճով ներկենք կատվի ականջները ու մի քանի գիծ տանենք քթի, աչքերի ու բերանի շուրջը։

8. Սպիտակ կավճի եզրային հատվածով բարակ գծերով պատենք կատվիկին։