Վահեն ու Արամն ապրում են միմյանցից ոչ շատ հեռու՝ մի քաղաքում։ Նրանցից յուրաքանչյուրն ունի միայն պատի ժամացույց, որոնք գտնվում են նրանց տներում։ Մի անգամ Վահեն մոռացավ լարել իր ժամացույցը և այն կանգ առավ։ Նա հյուր գնաց Արամին, որպեսզի ժամը ճշտի։ Որոշ ժամանակ մնալով Արամենց տանը, նա վերադարձավ և ճշտորեն ուղղեց իր ժամացույցը։ Ինչպե՞ս նա դա արեց։
Վահեն լարեց իր տան ժամացույցը և տնից դուրս գալուց հիշեց նրա ցույց տված ժամը, որը ենթադրենք a է։ Գալով Արամենց տուն նա անմիջապես նայեց ժամացույցին, որը ցույց էր տալիս b ժամը։ Գնալուց առաջ նա կրկին նայեց ժամացույցին և մտապահեց ժամը՝ c։ Տուն հասնելով, Վահեն տեսավ, որ իր ժամացույցը ցույց է տալիս d ժամը։ (d-a) տարբերությունը ցույց է տալիս նրա տնից բացակայած ժամանակը։ (c-b) տաբրերությունը այն ժամանակն է, որ նա անց է կացրել Արամենց տանը։ Առաջին և երկրորդ ժամանակների տարբերությունը՝ (d-a)-(c-b), ճանապարհի վրա ծախսած ժամանակն է։ Այդ ժամանակի կեսը նա անցել է գնալու, իսկ մյուս կեսը՝ հետդարձի ճանապարհին ((d-a)-(c-b))/2։ Երբ Վահեն տուն էր վերադառնում, ինչպես նշվեց, Արամի ժամացույցը ցույց էր տալիս ժամը c։ Եթե դրան ավելացնենք այն ժամանակը, որ Վահեն ծախսել է հետդարձի ճանապարհին, ապա կստանանք ժամացույցի ճիշտ ցուցմունքը նրա վերադարձի պահին՝ ((d-a)-(c-b))/2+(c=b+d-a-c)/2+c=(b+c+d-a)/2
