Կիրակի օրը առավոտյան ժամը 6-ին թրթուրը սկսեց սողալ ծառն ի վեր։ Օրվա ընթացքում, այսինքն մինչև ժամը 18-ը, նա բարձրանում էր 5մ, իսկ գիշերը ցած իջնում երկու մետր։ Ո՞ր օրը և ո՞ր ժամին նա կհասնի 9մ բարձրության։
Հաճախ նման խնդիրները լուծելիս դատում են այսպես. թրթուրը մեկ օրում, այսինքն 24 ժամում վերև է սողում 5մ, առանց 2 մետրի։ Նշանակում է, մեկ օրում նա վերև է սողում ընդամենը 3մ։ Հետևաբար, նա 9մ բարձրության կհասնի 3 օր հետո, այսինքն նա այդ բարձրությանը կհասնի չորեքշաբթի առավոտյան ժամը 6-ին։ Սակայն, ակնհայտ է, որ այդ պատասխանը սխալ է. երկրորդ օրվա վերջում, այսինքն երեքշաբթի առավոտյան ժամը 6-ին, թրթուրը կլինի 6մ բարձրության վրա, բայց հենց նույն օրը, սկսելով առավոտյան ժամը 6-ին, նա մինչև ժամը 18-ը կարող է վերև սողալ ևս 5մ։ Հետևաբար, 9մ բարձրության նա կհասնի երեքշաբթի ժամը 13-ն անց 12 րոպե։ (Բնական է, պետք է ընդունել, որ թրթուրը միշտ շարժվում է հավասարաչափ)։
