Մեկը մյուսից մեկ մետր հեռավորության վրա շարքով դրված է հարյուր խնձոր, և առաջին խնձորից մեկ մետր հեռավորության վրա այդ նույն շարքում այգեպանը բերեց ու դրեց զամբյուղը։ Հարց է ծագում, թե ի՞նչ երկարությամբ ճանապարհ կանցնի նա, եթե մտադրվի հավաքել այդ խնձորները, ընդ որում խնձորները վերցնի հաջորդաբար, մեկը մյուսի հետևից և ամեն մեկը առանձին տանի դնի զամբյուղը, որը միշտ մնալու է իր տեղում։
Պետք է մոտենալ յուրաքանչյուր խնձորին և վերադառնալ զամբյուղի մոտ։ Նշանակում է, անցած մետրերի թիվը հավասար կլինի առաջին հարյուր թվերի գումարի կրկնապատիկին, կամ հարյուր անգամ 101, այսինքն 10100, որը կազմում է մոտավորապես տասը կիլոմետր։ Ինչպես տեսնում ենք, հավաքելու այդ եղանակը բավական հոգնեցուցիչ է։
