Ինչպե՞ս դիտել ստերեոգրամման

Ի սկզբանե ստերեոգրամմայի վրա ոչ մի տարածական նկար տեսնել հնարավոր չէ։ Երբեմն նույնիսկ մտածում են, որ այնտեղ ոչ մի նկար չկա, կամ հնարավոր չէ տեսնել։ Մենք կսովորեցնենք ձեզ ստերեոգրամման դիտելու տեխնիկա ն։ Այն նման է հեծանիվ քշելուն. եթե մեկ անգամ սովորես, այլևս երբեք չես մոռանա։ Կարևորը զինվեք համբերությամբ և չհանձնվեք։
Նախևառաջ անհրաժեշտ է ուղիղ նստել նկարի առաջ և կենտրոնանալ, ցանկալի է լռության և հանգստության մեջ, որպեսզի խանգարող ոչինչ չլինի։
Ստերեոգրամմայի վրա նկարը հայտնաբերելու համար անհրաժեշտ է նրան նայել ոչ այնպես, ինչպես սովորաբար նայում ու տեսնում ենք առարկաներ, այլ որոշակի եղանակով։

Տարբերակ 1
Վերցրեք պարզ ստերեոգրամմա՝ վառ արտահայտված կրկնվող նախշերով, որի վրա վստահ եք, որ նկար կա «թաքնված»։ Նկարը պահեք աչքերից 25-30սմ հեռավորության վրա։ Կարելի է փոքր-ինչ հեռավորությունը փոփոխել։ Այժմ հայացքը «ֆոկուսից գցեք»։ Այսինքն նայեք ոչ թե անմիջապես նկարին, այլ նայեք «նկարի միջով», կարծես այն թափանցիկ լինի։ Իհարկե սկզբում ձեր աչքերը ձեզ չեն ենթարկվի, սակայն հանձնվել պետք չէ։ Շարունակեք նայել և չտեսնել։ Հենց հաջողվի նկարի միջով նայելը, անցեք ստերեոգրամման դիտելու մյուս էտապին, այսինքն նկարը պահեք այնպիսի հեռավորության վրա, որ սկսվի նկարի վրա ուրվագծվել թեկուզ ոչ պարզ, խավար, բայց տարածական պատկերը։ Դրա համար նկարը սահուն կերպով մի քիչ հեռացրեք ու մոտեցրեք աչքերին։ Որոշակի պահի կզգաք, կարծես ինչ-որ բան է կատարվում. ասես նկարի ֆոնը ետ է քաշվում ու սկսում են պատկերի ուրվածգեր ի հայտ գալ։ Ոչ մի վայրկյան մի մոռացեք, որ աչքերը պետք է չլարել (ֆոկուսից ընկած վիճակում պահել). հենց աչքերը կենտրոնանան նկարի կամ նրա էլեմենտների վրա, տարածական պատկերը կրկին կանհետանա։

Տարբերակ 2
Նկարը մոտեցրեք մինչև քթի ծայրը։ Ապակենտրոնացրեք տեսողությունը և նայեք անմիջապես ձեր առաջ։ Այժմ նկարը աստիճանաբար հետ տեղաշարժեք, քանի դեռ չեք հասցրել այնպիսի հեռավորության, որով սովորաբար կարդալիս պահում եք գիրքը։ Սկզբում նկարը ձեր աչքի առաջ «կպարի»։ Սակայն բավական է ավելի ուշադիր նայել նկարին և շուտով ձեր տեսողության առաջ պարզ կհայտնվի եռաչափ պատկերը։

Տարբերակ 3
Ցանկալի է, որ նկարը տպված տարբերակով լինի։ Կենտրոնացրեք հայացքը ինչ-որ հեռավոր կետի։ Այնուհետ նկարը տեղադրեք ձեր տեսողության սահմաններում։ Նկարը «կպարի» ձեր աչքերի առաջ, սակայն եթե հայացքը կենտրոնացնեք, ապա կտեսնեք եռաչափ պատկերը։

Ոչ մի դեպքում մի լարվեք։ Թույլ տվեք, որ աչքերը հանգստանան։ Եթե ձեր աչքերը ոչ մի կերպ չեն տեսնում եռաչափ պատկերը, ուրիշ ստերեոգրամմայով փորձեք։ Մի քանի փորձից հետո ամենայն հավանականությամբ ձեր մոտ ամեն ինչ կստացվի։