Պատրաստենք լապտերիկ լիմոնից.
Անհրաժեշտ է՝
Լավ լվացած ու չորացրած լիմոն, 10սմ երկարությամբ և 0.2-0.5մմ կտրվածքով պղնձե մեկուսացված մետաղալարի 2 կտոր, թղթի պողպատե ամրան (скреп), գրպանի լապտերիկի փոքրիկ լամպ։
Փորձի անցկացումը.
Մոտ 2-3 սմ երկարությամբ մաքրիր մետաղալարի ծայրերը մեկուսիչ ժապավենից։ Լիմոնի մեջ մտցրու ամրանը և նրան փաթաթի մետաղալարի մի ծայրը։ Ամրանից մոտ 1-1.5սմ հեռավորության վրա լիմոնի մեջ մտցրու մյուս մետաղալարի ծայրը։ Դրա համար նախևառաջ լիմոնի այդ մասը ծակիր ասեղով։ Վերցրու մետաղալարերի ազատ ծայրերը և դրանք դիր լամպի կոնտակտների վրա։
Ի՞նչ պետք է տեղի ունենա.
Լամպը վառվում է։ Եթե լամպը չվառվի, ապա վերցրու մի քանի լիմոն և դրանք իրար միացրու, ինչպես ցույց է տրված նկարում։ Արդյունքն անպայման կստանաս։
