Ավազով նկարչությունը ստեղծագործական հետաքրքիր ուղղություններից մեկն է։ Երեխաները ավազի վրա հրաշքներ են արարում։ Ավազով նկարչությունն աշխատում է լույս-ստվեր սկզբունքով և լավ արտացոլում է երեխաների հույզերը, մտքերն ու ձգտումները։
* Ավազով նկարչությունը բավականին պարզ ստեղծագործական միջոց է։ Նրանով զբաղվելու համար անհրաժեշտ չեն թանկարժեք նյութեր։ Բավական է միայն մաքուր մանր ավազ, լույսի աղբյուր (լամպ) և օրգանական ապակի։ Ավազի փոխարեն կարելի է օգտագործել ցանկացած ավազանման զանգված, օրինակ սպիտակաձավարը (манная крупа) կամ սուրճը։
Ավազով նկարչությամբ կարող են զբաղվել նույնիսկ փոքր երեխաները։ Այս նկարչության ընթացքում շատ լավ զարգանում է մանր մոտորիկան։
* Ավազով նկարչությունը բավականին գեղեցիկ արվեստ է։ Մինչ երեխային այս արվեստի հետ ծանոթացնելը ցույց տվեք նրան ավազով նկարչության գեղեցիկ հոլովակներ։
* Այս արվեստը բավականին ճկուն է։ Ավազի օգնությամբ բավականին հեշտ է ձևափոխել նկարի որևէ դետալ, չօգտագործելով ռետին, իսկ աշխատանքային մակերեսը օգտագործվում է բազմիցս։
Պատրաստենք ավազով նկարչության սեղան տնային պայմաններում։
Անհրաժեշտ է՝ փայտյա արկղ, օրգանական ապակի, լամպ և ավազ։
1. Փայտյա արկղի վրա պատուհան ենք բացում.
2. Պատուհանը փակում ենք օրգանական ապակիով։
3. Օրգանական ապակու մակերեսին դնում ենք սպիտակ թուղթ և ամրացնում այն ինքնակպչուն ժապավենի օգնությամբ։
4. Արկղը տեղադրում ենք հենակների վրա այնպես, որ տակը հնարավոր լինի լույս վառել։
5. Արկղի մեջ լցնում ենք ավազը և մնում է սպասել մթնշաղին։
