Շփման կանոնները

Սիրելի փոքրիկ, հիմա մենք կզրուցենք հասարակական վայրերում ճիշտ պահվածքի մասին։

Երբ դու տանից (քո փոքրիկ աշխարհից) դուրս ես գալիս դեպի մեծ աշխարհ (փողոց, մշակութային վայրեր և այլն), որտեղ շատ մարդ կա, պետք է որոշ կանոնների հետևես։
Օրինակ.
– Չի կարելի թույլ տալ, որպեսզի ոտքի վրա հազիվ կանգնող ծերունին տրանսպորտի մեջ կանգնի այն դեպքում, երբ երիտասարդ, առողջ մարդիկ իրենց համար նստած են։
– Սրճարան, ռեստորան այցելելիս չի կարելի թխվածք կտրած դանակը լպստել։
– Տգեղ է, երբ հասարակական վայրում ատամի փայտիկով ատամդ ես մաքրում։
– Հաճելի չէ, երբ ընկերներիդ ականջը տանում ես որևէ բան քննարկելով՝ առանց հետաքրքրվելու, արդյո՞ք այդ թեման ցանկալի է զրուցակցիդ։
– Սխալ է, երբ մայրիկդ խանութից վերադառնում է ծանր տոպրակները ձեռքին, իսկ դու կողք կանգած պարզապես հետևում ես նրան։

Նման վարվեցողությամբ դու քո անհարգալից վերաբերմունքն ես ցույց տալիս շրջապատի նկատմամբ։ Նման պարագայում պետք չէ ակնկալել փոխադարձ հարգանք։ Սխալ է նա, ով կարծում է, որ լավ վարվեցողության կանոնները անհրաժեշտ են միայն այն ժամանակ, երբ համերգ կամ հյուր գնալիս, գեղեցիկ հագուկապի դեպքում, իսկ առօրյա կյանքում դրանք պետք չեն։ Իսկ կիրթ, ուշադիր ու հաճելի մարդ պետք է լինել ոչ միայն օտարների ներկայությամբ, այլ նախ և առաջ տանը՝ ընտանիքի անդամների հետ ու դպրոցում։

Նման հոդվածներ

Մեկնաբանություններ

Մեկնաբանել

խնդրում ենք մուտքագրել Ձեր մեկնաբանությունը!
խնդրում ենք մուտքագրել ձեր անունը այստեղ

Գովազդ

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասինկը։

Նոր հոդվածներ