Նվերներով լի արկղը
Այս ֆոկուսը հարմար է ցուցադրել տոնական երեկոներին։
Սեղանի վրա դրվում է արկղը։ Իլյուզիոնիստը բռնակների օգնությամբ բարձրացնում է նկարազարդ կափարիչը և հանդիսատեսին ցույց տալիս թափանցիկ դատարկ արկղը (որը նման է ակվարիումի)։ Այունհետև այն կրկին ծածկում է կափարիչով, ապա նորից բարձրացնում կափարիչը։ Թափանցիկ արկղը լի է լինում բազմազան նվերներով, որոնք իլյուզիոնիստը բաժանում է հանդիսատեսին։
Ֆոկուսի գաղտնիքը հետևյալն է։
Թափանցիկ արկղը բաղկացած է թափանցիկ արկղից և նրա մեջ դրվող ներդիրից։ Ներդիրի վրա լցված են նվերները։ Իլյուզիոնիստը առաջին անգամ կափարիչը բարձրացնելիս բարձրացնում է նաև նվերներով լի ներդիրը և հանդիսատեսը տեսնում է դատարկ արկղը։ Երկրորդ անգամ արկղի կափարիչը բարձրացնելիս իլյուզիոնիստը պետք է հասցնի պտտել բռնակները և նվերներով լի ներդիրը կմնա դատարկ արկղի մեջ։ Հանդիսատեսը տեսնում է նվերները։
Թափանցիկ արկղ կարելի է պատրաստել օրգանական ապակու օգնությամբ կամ որևէ թափանցիկ պլաստմասսայից։
Ինչո՞վ է երեխան տարբերվում մեծահասակից։ Նրանով, որ փոքրիկը հավատում է հրաշքներին։ Իսկ ինչքա՞ն երջանիկ կլինի փոքրիկը, երբ ինքը դառնա հրաշագործ ու զարմացնի հանդիսատեսին։ Հագցրեք Ձեր փոքրիկին հրաշագործի հագուստներ, սովորեցրեք նրան այս ֆոկուսները և տեսեք, թե ինչքան երջանիկ ու գոհ է նա։
Սեղանին բաժակ է դրված։ Բաժակը աճպարարը ծածկում է փայլաթիթեղի շերտով, փայլաթիթեղը այնպես սեղմում, որ այն բաժակի տեսքն ընդունի։ Այնուհետև բաժակը դեպի իրեն է շարժում՝ ցույց տալու համար, որ սեղանի վրա որևէ անցք չկա, և վերադարձնում տեղը։ Դրանից հետո նա ձեռքով ուժեղ հարվածում է բաժակին և, օ հրաշք, ճմրթված փայլաթիթեղի տակ ոչինչ չկա, իսկ սեղանի տակից ընկնող բաժակի ձայն է գալիս։ Բաժակը սեղանի միջով ընկավ ցած։
Ֆոկուսը. Հրաշագործը վերցնում է թափանցիկ տարա, նրա մեջ լցնում սովորական ջուր ու փակում կափարիչով։ Այնուհետև վերցնում է տարան, արտասանում կախարդական բառերը և տարան ցնցելով խառնում միջի ջուրը։ Ջուրը դառնում է այն գույնի, որն աճպարարն ասել է կախարդական բառերն արտասանելիս։
կախարդական բառերը։ Այնուհետև, բարձրացնում է թաշկինակը, իսկ նրա տակ նարինջը խնձոր է դարձել։ Հանդիսատեսը նույնիսկ կարող է համտեսել այն։