1

Անհնազանդ փղիկը

Ինչպես գիտեք, աշխարհի ամենամեծ կենդանիները՝ փղերը, ապրում են Աֆրիկայում։ Նրանք ոչ միայն հայտնի են իրենց մեծությամբ, այլև սավաննայում ամենաբարեկիրթ ու հնազանդ զավակներն են։ Փղիկները, որպեսզի չկորչեն և մայրիկին ու հայրիկին չանհանգստացնեն, զբոսանքի ժամանակ իրենց փոքրիկ կնճիթով միշտ բռնում են մայրիկի պոչից։

Բայց այսօր մենք կպատմենք մի անհնազանդ փղիկի մասին։

Մի անգամ փղերը ողջ ընտանիքով դուրս եկան զբոսանքի։

— Հանկարծ հեռու չգնաս,- փղիկին ասաց մայրիկը։ Նա գիտեր իր զավակի անհնազանդ բնավորության մասին ու շատ անհանգիստ էր այդ պատճառով։ — Դու դեռ շատ փոքր ես, կմոլորվես։

— Լավ,- համաձայնեց փղիկն ու սկսեց վայելել բանանները, որոնք հայր փիղն իր երկար կնճիթով քաղում էր։

Հանկարծ ասես մի փոքրիկ ծիածան հայտնվեց նրա առաջ։ Փղիկը բարձրացրեց գլուխը։ Այդ ճպուռի թևերն էին ծիածանի նման շողշողում արևի ճառագայթների տակ։ Մոռանալով ամեն ինչի մասին, չլսելով ծնողների անհանգիստ կանչերը` փղիկը վազեց ճպուռի հետևից։ Նա շատ էր ուզում բռնել այդ «արևային նապաստակին»։ Իսկ ճպուռը թռչկոտելով անհետացավ բարձր խոտերի մեջ։ Փղիկը ստիպված կանգ առավ։

«Ինչո՞ւ ես երբեք չեմ լսում մայրիկին,- մտածեց նա` մացառուտների մեջ առաջ գնալով։ — Ինչպե՞ս հիմա գտնեմ այն արահետը, որով վազում էի։ Ինչպե՞ս վերադառնամ հայրիկի ու մայրիկի մոտ։»

Փղիկն արդեն պատրաստվում էր լաց լինել, երբ թփերի հետևից աղիողորմ ճիչ լսեց։ Մոռանալով իր դժբախտության մասին` վազեց դեպի թփերը՝ իմանալու, թե ի՞նչ է պատահել։ Ու ծառի տակ տեսավ փոքրիկ թութակին։

— Ի՞նչ է պատահել,- հարցրեց փղիկը։

— Մայրիկն ինձ թույլ չի տալիս թռչել, բայց երբ նա տանը չէր, ես փորձեցի…

— Ու չլսեցիր մայրիկին,- փղիկն իր կնճիթի օգնությամբ զգուշորեն բարձրացրեց փոքրիկ թութակին ու տեղավորեց բնի մեջ։

— Շնորհակալ եմ, — ասաց թութակը։

— Ես եմ քեզ շնորհակալ,- պատասխանեց փղիկը։

Փղիկը թփերի արանքում արահետ տեսավ։ Արահետով նա առաջ վազեց` հույս ունենալով, որ ի վերջո կգտնի հայրիկին ու մայրիկին։ Արահետը ձգվում էր թփերի ու ծառերի միջով։ Թվում էր, թե ուր որ է` կհասնի ծնողներին, բայց դրա փոխարեն փղիկը հասավ մարգագետնին։

Փղիկն էլ չդիմացավ ու սկսեց լաց լինել։ Նա քայլում էր` չիմանալով թե ուր, ինքն իրեն կշտամբելով, որ չի լսել մայրիկին։ Հանկարծ ինչ-որ մեկի լացի ձայնը լսեց։

«Մի՞թե, բացի թութակից, ինձ նման ուրիշ մեկն էլի չի լսել ծնողներին»,- մտածեց փղիկը։

Մի քիչ առաջ գնալով` հանդիպեց կորյունին։

— Ինչո՞ւ ես լաց լինում,- հարցրեց փղիկը։ — Մոլորվե՞լ ես։

— Չէ, չեմ մոլորվել,- արցունքների միջից պատասխանեց կորյունը։ — Ծնողներս ինձ թույլ չեն տալիս վազել մացառախոզերի հետևից։ Իսկ ես նրանց չլսեցի ու վազեցի։  Մացառախոզն իր երկար ու սուր փշերով ծակեց իմ երկու թաթերը, ու հիմա ես չեմ կարող վերադառնալ տուն։

Փղիկն անմիջապես մոռացավ իր դժբախտության մասին։

— Մի՛ լացիր, ես քեզ կօգնեմ։

Նա ծնկի իջավ, կորյունը բարձրացավ նրա մեջքին։ Փղիկը նորից կանգնեց։

— Հրաշալի է, — ուրախացավ կորյունը։ — Վերևից լավ է երևում ճանապարհը։

Նրանք արագ հասան առյուծների տուն, և կորյունը պառկեց հանգստանալու։

— Շատ շնորհակալություն, փղի՛կ, դու ինձ շա՜տ օգնեցիր։

— Խնդրե՜մ,- տխուր պատասխանեց փղիկը։ — Կարևորը` արդեն տանն ես։ Ո՜նց կուզեի ես էլ տանը լինել… Վա՜յ, արահետ…

Եվ իրոք, ճյուղերի մեջ արահետ երևաց։ Այս անգամ այն լավ տրորված ճանապարհ էր։ Այն չէր ոլորվում, այլ ձգվում էր ուղիղ-ուղիղ ու կարծես փղիկին ասում. «Մի վախեցիր, ես քեզ կտանեմ քո ծնողների մոտ»։

Փղիկն այնպես ոգևորված առաջ նետվեց, որ հազիվ հասցրեց կանգ առնել առջևում բացված լճակի մոտ։ Լճակի մեջ հուսահատ շարժվում էր փոքրիկ ռնգեղջյուրը՝ փորձելով ափ դուրս գալ։ Նրան հետևից գետաձիուկն էր հրում, բայց նրանց ոչինչ չէր հաջողվում. ափը շատ լպրծուն էր։

Առանց մտածելու փղիկն իր կնճիթով բռնեց ռնգեղջյուրի եղջյուրից ու ամբողջ ուժով հետ գնաց։ Գետաձին շարունակում էր հետևից հրել։ Վերջապես հաջողվեց ռնգեղջյուրին ափ հանել։

Շունչը տեղը բերելով` փղիկը հարցրեց փոքրիկ ռնգեղջյուրին.

— Ինչո՞ւ էիր մտել լճակը, եթե լողալ չգիտես։ Կարող էիր խեղդվել…

— Մայրիկս թույլ չի տալիս առանց իրեն լճի մոտ գամ, բայց մենք գետաձիու հետ վիճեցինք, թե մեզնից ով է ավելի արագ վազում։ Վազեցինք այն արահետով, որով գետաձիերն ու ռնգեղջյուրները գնում են լողալու։ Ես չհասցրեցի ժամանակին կանգ առնել ու ընկա ջուրը։ Լավ է, որ գետաձիուկը լողալ գիտեր։ Բայց եթե դու չգայիր լողալու…

— Ես լողալ չեմ ուզում,- տխուր պատասխանեց փղիկը։ — Ես մոլորվել եմ։ Չլսեցի ծնողներիս, վազեցի ճպուռի հետևից ու հիմա չգիտեմ` որտեղ փնտրեմ նրանց։

— Տեսնո՞ւմ ես, լճի կողքով արահետ է գնում,- ասաց գետաձիուկը։ — Այն բարձրանում է դեպի բլուր։ Քիչ առաջ այն կողմից փղերի ձայներ էին լսվում։ Ինձ թվում է` քեզ էին կանչում։

— Իրո՞ք։ Շնորհակա՜լ եմ, գետաձիուկ։ Ցտեսությո՜ւն,- ու փղիկը նետվեց դեպի արահետը։ Բարձարանալով բլուրի վրա` նա տեսավ ծնողներին։

— Մայրիկ, հայրիկ, վերջապես գտա ձեզ։ Հիմա ես միշտ կլսեմ ձեզ։

— Իսկ ինչպե՞ս գտար մեզ,- հարցրեց հայրիկը։

— Ես ամբողջ ժամանակ օգնում էի նրանց, ովքեր ևս հայտնվել էին դժբախտության մեջ՝ իրենց անհնազանդության պատճառով։ Եվ ամեն անգամ իմ առաջ արահետ էր բացվում։ Այն ինձ հեռացնում էր, բայց նաև բերում ձեզ մոտ։ Բայց քանի դեռ ձեզ էի փնտրում, սովորեցի օգնել ուրիշներին։ Իսկ նրանք օգնեցին ինձ ձեզ գտնել։

 

Թարգմանությունը ռուսերենից՝ Վ. Բուռնուչյանի




Փոքրիկ Իշխանը

Սիրելի փոքրիկ, սիրով քո ուշադրությանն ենք ներկայացնում Անտուան դը Սենտ Էքզյուպերիի հանրահայտ «Փոքրիկ Իշխանը» ստեղծագործության հիման վրա ստեղծված անիմացիոն մուլտֆիլմ՝ հայերեն թարգմանությամբ։

http://poqrik.am/wp-content/video/poqrik%20ishxan.webm




Դիդակտիկ քարտեր «Երկնքում, ցամաքում, ջրում»

Ձեզ ենք ներկայացնում «Երկնքում, ցամաքում, ջրում» դիդակտիկ քարտերով խաղը։ Խաղը բաղկացած է երեք մեծ և բազմաթիվ փոքր քարտերից։ Մեծ քարտերի վրա պատկերված են երկինքը, ցամաքն ու ջրային միջավայր։Փոքր քարտերի վրա բազմազան պատկերներ են, որոնք բնակվում են երկնքում, ցամաքի վրա կամ ջրում։ Երեխային ցույց տվեք փոքր քարտերը և առաջարկեք, որպեսզի երեխան ցույց տա, թե ո՞ր միջավայրին է պատկանում տվյալ քարտը, ինչպե՞ս է դրսևորում իրեն այդ միջավայրում։ 

Փոքր քարտեր՝

ngg_shortcode_0_placeholderԱռաջարկում ենք նաև տվյալ քարտերի տպագրության համար նախատեսված տարբերակը՝ pdf տարբերակով։ 




Ինչ առարկայի մաս է

Զարգացնում ենք փոքրիկի տրամաբանությունը։ Առաջարկեք երեխային այս հարցերը, թող փորձի տրամաբանել.

Օրինակ
Ի՞նչ առարկայի մաս է պտուտակը։
Պատասխան — Ուղղաթիռ

Ի՞նչ առարկայի մաս է վագոնը։
գնացք

Ի՞նչ առարկայի մաս է ճյուղը
ծառ

Ի՞նչ առարկայի մաս է բաշը։
ձի

Ի՞նչ առարկայի մաս է դուռը։
տուն

Ի՞նչ առարկայի մաս է կրունկը։
ոտք, կոշիկ

Ի՞նչ առարկայի մաս է գրպանը։
հագուստ

Ի՞նչ առարկայի մաս է ստեղնաշարը։
համակարգիչ

Ի՞նչ առարկայի մաս է կտուցը։
թռչուն

Ի՞նչ առարկայի մաս է կտուրը։
տուն

Ի՞նչ առարկայի մաս է ծաղկաթերթը։
ծաղիկ

Ի՞նչ առարկայի մաս է պատյանը։
կրիա

Ի՞նչ առարկայի մաս է առագաստը։
նավ

Ի՞նչ առարկայի մաս է փետուրը։
թռչուն

Ի՞նչ առարկայի մաս է լողակը։
ձուկ

Ի՞նչ առարկայի մաս է ղեկը։
ավտոմեքենա

Ի՞նչ առարկայի մաս է էջը։
գիրք

Ի՞նչ առարկայի մաս է սլաքը։
ժամացույց

Ի՞նչ առարկայի մաս է պոչը։
կենդանի




Լաբիրինթոսներ

Լաբիրինթոսներ ամենափոքրիկների համար։

ngg_shortcode_1_placeholder




Լաբիրինթոսներ

Լաբիրինթոսներ փոքրիկների համար։

ngg_shortcode_2_placeholder” order_by=”sortorder” order_direction=”ASC” returns=”included” maximum_entity_count=”500″]




Ձմեռ Պապիկի շնորհավորանք-նամակը փոքրիկներին

dzmer papՍիրելի փոքրիկ,

Ձմեռ Պապիկը Փոքրիկ.am կայքի միջոցով իր շնորհավորանք-նամակն է հղել քեզ։ 

Փոքրիկ.am կայքը միանում է Ձմեռ Պապիկի շնորհավորանքին։ Թող 2015թ.-ը լինի նորանոր հմտություններ և գիտելիքներ ձեռք բերելու տարի։




Դաստիարակության 6 սխալ

060914Դաստիարակությունը պետք է խելամիտ լինի։ Եվ, այնուհանդերձ, ծնողները հաճախ ծայրահեղությունից ծայրահեղության են դիմում, արդյունքում թույլ տալով սխալներ, որոնք անդառնալի վնաս են հասցնում երեխայի հոգեբանության, երբեմն էլ ֆիզիկական առողջության վրա։

Սխալ 1. Ֆիզիկական բռնություն. «Ջարդդ կտամ»
Ֆիզիկական ուժի կիրառումը ոչ միայն կապտուկների ու այլ վնասվածքների պատճառ կարող է դառնալ, այլ նաև հոգեբանական լուրջ վնաս հասցնել երեխային. քեզ չեն սիրում, դու պետք չես, քո գոյությունը սխալմունք է։
Դաժանությունը դաժանություն է ծնում։ Մտածեք այս մասին, մինչ հաջորդ անգամ երեխայի վրա ձեռք բարձրացնելը։загруженное

Սխալ 2. Հուզական կապի խզում. «Հեռացիր, ինձ հանգիստ թող»
Ցավոք սրտի այս սխալը ներկայիս ընտանիքներում հանդիպող ծնող-երեխա հարաբերությունների ամենատարածված դեպքերից է։ Հաճախ, երբ երեխանծնողի հետ խաղալու ցանկություն է հայտնում, ստանում է պատասխան. «Գնա քո սենյակը, քո ժամանակը չունեմ»։
Նման վերաբերմունքի սովորելով, երեխան դադարում է ծնողների հետ շփման կարիք զգալ, դառնում է ինքնամփոփ, մտախոհ, կամ, հակառակը՝ ագրեսիվ։ Մերժված երեխաները շփում են փնտրում ընտանիքից դուրս և, հաճախ, այն գտնում են հասարակության կողմից դատապարտվող փոքր խմբերում։

Սխալ 3. Անհետևողական ղեկավարում. «Հայրիկն է քեզ թույլ տվել, իսկ ես արգելում եմ»։
91Սովորաբար, այս սխալը ծագում է խառը դաստիարակության դեպքում։ Դա առաջ է գալիս ծնողների մոտ միասնական կարծիքի բացակայության ժամանակ։ Նրանք հակասում են իրենց գործողություները և երեխայի համար բարդ է նրանց ցանկությունները բավարարելը։ Փոքրիկին ոչինչ չի մնում անելու, քան յուրաքանչյուր ծնողի ցանկությունն առանձին-առանձին կատարելը։

Սխալ 4. Անտարբերություն. «Ինչ ուզում ես՝ արա, ինձ համար միևնույնն է»։
Մեծահասակի կողմից չղեկավարվելը նպաստում է մանկավարժական բացթողումների զարգացման, որի արդյունքում երեխան կարող է վատ շրջապատ ընկնել։ Նման դեպքում երեխաները ոչ ոքի չեն հավատում և վստահում, սկսում են «ապրել իրենց համար»։

ostanovite-nasilie-nad-detmiՍխալ 5. Բռնակալություն. «Ասել եմ անհրաժեշտ է, ուրեմն անհրաժեշտ է»
Չափազանց խիստ դաստիարակության դեպքում, երբ առկա է մշտական մերժում և արգելք, երեխայի մոտ ի հայտ է բերում հուզական անհանգստություն։ Փոքրիկը չի հասկանում, թե ինչո՞ւ են իրեն միշտ մերժում, թե իր ո՞ր արարքն է սխալ։ Արդյունքում մեծանում է մի անձնավորություն, որը չի կարող օբյեկտիվ գնահատական տալ իրավիճակին։ Որպես կանոն, այդպիսի մարդիկ կյանքում չշփվող են, ղեկավարվող, խուսափում են պատասխանատու պաշտոններից ու հանձնարարություններից։

Սխալ 6. Գերխնամք. «Ես քեզ գդալից կերակրեմ, քիթիկդ սրբեմ…»
Իսկ հետագայում կգա ժամանակը «քո փոխարեն դասերը անեմ, քո փոխարեն հարսնացու ընտրեմ, աշխատանքի տեղավորեմ» և այլն։ Նման ուժեղ հոգածության ու դաստիարակության արդյունքում կձևավորվի մի անձնավորություն, որն ընդունակ չէ ինքնուրույն որոշումներ կայացնել։

Սերը «երես տալ» չէ

1298054625_325_naughtyԾնողների առաջին և հիմնական խնդիրը երեխայի մոտ այնպիսի հավատ ներշնչելն է, որ իրեն սիրում են և իր մասին հոգ են տանում։ Իհարկե, բոլոր ծնողներն էլ սիրում են իրենց զավակներին, բայց շատ քչերն են մտածում, թե ինչպես պետք է սիրել։ Սակայն պետք է այդ մասին մտածել, քանի որ այդ սերը երեխայի վրա բավականին մեծ ազդեցություն է թողնում։
Ռոսս Քեմփբելն առաջարկում է ծնողական սիրո արտահայտման հետևյալ ձևերը.
Տեսողական շփում. Բարեսիրտ, բաց և բնական հայացք երեխայի աչքերի մեջ։ Վաղ զարգացման փուլում տեսողական շփումը ծնողի սիրո փոխանցման միակ դրսևորումն է։ Պետք է շատ հաճախ նայել փոքրիկին սիրով լի հայացքով։
Ֆիզիկական շփում. քնքշություն, գրկախառնություն, երեխայի գլուխը շոյելը։ Կարևոր է, որ այսպիսի շփումը լինի բնական և անկեղծ, ցուցադրական ու չափազանցված չլինի։
Բևեռված ուշադրություն. երեխայի և նրա արարքների վրա լիովին կենտրոնացումը փոքրիկին թույլ է տալիս զգալ իր կարևորությունն ու արժեքը, որը շատ կարևոր է դրական ինքնագնահատականի ձևավորման համար։
Կարգապահություն. այս դեպքում որպես դաստիարակության մեթոդ ծառայում են ծնողների կարգուկանոն պահպանելու հմտությունները, այլ ոչ թե պատիժները։ Շատ կարևոր է, որ ծնողները հասկանան, որ կարգուկանոնը պետք է լինի ոչ թե ծնողների հարմարավետության միջոց, այլ երեխային կարգապահություն սովորեցնելու եղանակ։




Նկարում ենք պանդա

tumbՄիասին սովորենք նկարել պանդա։

Անհրաժեշտ են՝ սպիտակ թուղթ, մատիտներ, ռետին։

Հետևեք բերված քայլերի հաջորդականությանը և կրկնեք դրանք։

1 2 3 4 5 6

 

 




Անվանիր մեկ բառով

Բերված են պատկերների խմբեր։

Ցույց տվեք նկարները փոքրիկներին և հարցրեք պատկերների ընդհանուր անվանումը։ararkaneri xmber_01

ararkaneri xmber_02

ararkaneri xmber_03

ararkaneri xmber_04

ararkaneri xmber_05

ararkaneri xmber_06

ararkaneri xmber_07

ararkaneri xmber_08

ararkaneri xmber_09

ararkaneri xmber_10