Դիսնեյի «Սառածը» (Frozen) մուլտֆիլմի հերոսուհի Էլզայի տարածական թղթե մոդելը պատրաստելու համար անհրաժեշտ է ներբեռնել և տպել շաբլոնը, այնուհետ, հետևելով հրահանգներին, քայլ առ քայլ կատարել դրանք։

1. Գրասենյակային թղթի կամ ստվարաթղթի վրա տպիր շաբլոնը։ Յուրաքանչյուր կտորը կտրատիր մկրատով կամ գրասենյակային դանակով։ Գծիկավոր հատվածները (–) չկտրես։ Դրանք ծալքի գծերն են։
2. Էլզայի հետևի հատվածն ու իրանը սոսնձիր իրար։ Սոսինձը չորանալուց հետո սպիտակ գծիկավոր հատվածից (կրծքի մասում) Էլզայի իրանը ծալիր դեպի քեզ։ Այնուհետև, ուսերի մոտ առկա գծիկավոր գծից Էլզայի գլուխը ծալիր դեպի հետ։
3. Վերցրու Էլզայի կրծքավանդակի կտորը և գծիկավոր հատվածները ծալիր դեպի հետ։ Սոսնձիր Էլզայի հետևի «Է» և «Զ» հատվածները կրծքավանդակի համապատասխան հատվածների հետ։
4. Սոսինձ լցրու Էլզայի կրծքավանդակի «Ը» հատվածի վրա և այն ամուր սեղմից իրանի «Ը» հատվածին։ Ուշադիր եղիր, որ ուսերը ճիշտ դիրքում լինեն։
5. Երբ սոսնձված հատվածը չորանա, սոսինձ քսիր «Թ», «Ժ», «Ի» և «Լ» հատվածների վրա ու սեղմիր համապատասխան հատվածներին այնքան, մինչև սոսինձը չորանա։ Մատիտի կամ գրիչի օգնությամբ ներսի կողմից սեղմիր, որպեսզի կրծքավանդակը ճիշտ դիրքի գա։
6. Ծալիր Էլզայի ձեռքերը և սոսնձի օգնությամբ իրար միացրու ձեռքի երկու հատվածները։ Էլզայի ձեռքերն ամրացրու ուսերի մոտ՝ «Ե» հատվածը սոսնձելով «Ե»-ին, «Դ» հատվածը՝ «Դ»-ին։
7. Կտրիր շրջազգեստի վրա «Ա» տառով նշված հատվածների սպիտակ գծերը։ Գծիկավոր գծերից «Ա» հատվածները ծալիր դեպի հետ։ Ձախից դեպի աջ գնալով «Ա» հատվածները սոսնձով միացրու շրջազգեստի հարևան կտորին, Վերջում կստացվի կլոր շրջազգեստը։
8. «Ա» հատվածները սոսնձելուց հետո նախ սոսնձով ամրացրու «Գ» հատվածը շրջազգեստի մյուս եզրին, ապա նոր «Բ» հատվածը։
9. Ամրացրու Էլզայի իրանի ելուստները շրջազգեստի «Խ» և «Ծ» հատվածներին։ Շրջազգեստի «կարը» պետք է գտնվի հետևի մասում։
10. Ծալիր և իրար կպցրու փաթիլներն այնպես, որ դառնա երկկողմանի։ Նրա մի ծայրը սոսնձով ամրացրու Էլզայի ձեռքին։

Այսօր միասին կպատրաստենք ճուտիկ՝ ձվիկի մեջ։ 

Անհրաժեշտ են՝ գրասենյակային թուղթ, տպիչ, բութ ծայրով իր, գրասենյակային դանակ, սոսինձ։

Այս գեղեցիկ պատրաստվածքը պատրաստելու համար անհրաժեշտ է ներբեռնել և տպել շաբլոնները գրասենյակային թղթի վրա, ապա, հետևելով հրահանգներին՝ կատարել քայլերի հաջորդականություն։

Շաբլոնները

Շաբլոններն իրական չափերով տպելու համար ակտիվացրեք նկարները։

Աշխատանքի ընթացքը

1. Որևէ բութ ծայր ունեցող իրով (օրինակ թանաքը վերջացած գրիչ) եզրագծեք բերված շաբլոնի գծերը։

2. Գրասենյակային դանակի օգնությամբ կտրեք բոլոր հոծ գծերը։ Կտրված դետալների հետևի մասում նշեք դրանց համապատասխան համարները՝ հետագայում խառնաշփոթից խուսափելու համար։

3. Ծալեք և սոսնձեք E09 և E10 կտորները։

4. Ծալեք և սոսնձեք C01, C02, C03, C04, C05 և C06 կտորները։

5. Ծալեք և սոսնձեք C01 կտորը C08 կտորին։ Ճուտիկը պատրաստ է։

6. Եվ վերջապես սոսնձեք ճուտիկին ձվին ներսի կողմը։

Նյութի հեղինակային իրավունքները պատկանում են Epson կայքին։

Թղթից պատրաստենք շատ երեխաների սիրած մուլտֆիլմի հերոսուհի ջրահարս Արիելի տարածական պատկերը թղթից։

Անհրաժեշտ են՝ գունավոր տպիչ, մկրատ կամ գրասենյակային դանակ, սոսինձ։

Շաբլոնը.

1. Ներբեռնեք և տպեք շաբլոնը հասարակ գրասենյակային սպիտակ թղթի կամ ստվարաթղթի վրա։ Գրասենյակային դանակի կամ մկրատի օգնությամբ կտրատեք հատվածները։ Գծիկավոր հատվածները պետք չէ կտրել։ Այդ գծերով թուղթը ծալվելու է։
2. Պատրաստում ենք գլուխն ու ուսերը։ Գլխի հատվածի դիմային մասը ծալենք դեպի դուրս, իսկ ներքևի մասը՝ դեպի ներս։ Գլխի մազերի կտորի վերին հատվածը ծալենք դեպի ներս, իսկ ուսերի հատվածը՝ դեպի դուրս։ Գլխի երկու կտորները սոսնձենք իրար այնպես, որ եզրերը համընկնեն և ստանանք երկկողմանի գլուխ։
3. Կրծքավանդակի յուրաքանչյուր կտոր ծալենք դեպի ներս, ապա սոսնձի միջոցով սոսնձման հատվածները ամրացնենք գլխի վրա համապատասխան նշում ունեցող հատվածներին։
4. Կտրում ենք պոչի հատվածը և ծալելով սոսնձման հատվածները, սոսնձի օգնությամբ պոչն ամրացնում ենք մարմնի համապատասխան նշում ունեցող հատվածներին։ Համանման ձևով պատրաստում ենք ձեռքերը։
5. Պատրաստում ենք ժայռը, որի վրա նստած է ջրահարսը։ Գծիկավոր հատվածները ծալում ենք դեպի դուրս,, սոսնձման հատվածները սոսնձի օգնությամբ ամրացնում ենք հարևան կողի հետին մասին։
6. Արիելին նստեցնում ենք ժայռի վրա։

Պատրաստենք «Գեղեցկուհին և Հրեշը» մուլտֆիլմի հերոսուհի Բելլի տարածական թղթե տիկնիկը։

Տիկնիկը պատրաստելու համար անհրաժեշտ է՝

գրասենյակային սպիտակ թուղթ կամ ստվարաթուղթ, գունավոր տպիչ, մկրատ, սոսինձ։

1. Ներբեռնեք և տպեք շաբլոնը հասարակ գրասենյակային սպիտակ թղթի կամ ստվարաթղթի վրա։ Գծիկավոր հատվածները պետք չէ կտրել։ Այդ գծերով թուղթը ծալվելու է։
2. Կտրեք Բելլի գլխի առջևի և հետևի հատվածները։ Սոսնձի օգնությամբ դրանք կպցրեք իրար։ Բելլի դիմային հատվածի ներքին կտորը գծիկավոր մասից ծալեք դեպի ձեզ, իսկ գլուխը վերևի գծիկավոր հատվածից ծալեք ետ՝ դեպի ուսերը։
3. Բելլի կրծքավանդակի վրա գծիկավոր հատվածներում ծալքեր արեք դեպի ետ, ապա Զ և Է կտորների փոքրիկ հատվածները մկրատի օգնությամբ առանձնացրեք կրծքավանդակից։
4. Կրծքավանդակի Ը կտորը սոսնձի օգնությամբ ամրացրեք գլխի Ը կտորին։ Ստուգեք, որ ուսերը համաչափ լինեն։ Համապատասխանաբար սոսնձեք գլխի և կրծքավանդակի Թ, Ժ, Ի և Լ հատվածները։
5. Ծալեք յուրաքանչյուր ձեռքը գծիկավոր գծից դեպի ետ, կստանաք երկկողմանի ձեռքեր։ Մինչ սոսնձով դրանք կպցնելը համոզվեք, որ կտրվածքը համաչափ եք արել։ Ձեռքերի Դ և Ե կտորները սոսնձեք մարմնի համապատասխան Դ և Ե հատվածներին։
6. Կտրեք և սոսնձի օգնությամբ միմյանց միացրեք թիկնոցի առջևի և հետևի կտորները։ Ուսի հետևի հատվածում միմյանց վրա բերեք մազերի կտորը և սոսնձով ամրացրեք։ Ուսերի վերին հատվածը սոսնձեք համապատասխան հատվածում՝ համոզվելով, որ մազերի կտորները համընկել են։ Այսինքն, պետք է ուսերի հատվածը սոսնձի միջոցով ամրացնել գլխին այնպես, կարծես օձիքը պարուրել է ուսերը։
7. Կտրեք շրջազգեստը և յուրաքանչյուր Ա կտորը ծալելով դեպի դուրս սոսնձի միջոցով ամրացրեք կողքի կտրվածքին։
8. Ա կտորներն ամրացնելուց հետո շրջազգեստը վերջնական տեսքի բերեք Բ և Գ հատվածները սոսնձով ամրացնելով շրջազգեստի մյուս ծայրին։ Հեշտության համար առաջինը սոսնձեք Գ հատվածները։
9.  Վերջում սոսնձի օգնությամբ իրար միացրեք արդեն պատրաստի գլուխ- կրծքավանդակ-թիկնոց հատվածը շրջազգեստին՝ Ի և Լ հատվածները սոսնձելու օգնությամբ։ Շրջազգեստի «կարի հատվածը» պետք է լինի հետևի մասում։

Արդյունքում կստանանք ահա այսպիսի տիկնիկ.

Շաբլոնները իրական չափով տպելու համար ակտիվացրեք նկարները։