Այս փիղը պատրաստվում է շատ հեշտությամբ։ Նախատեսված է նախադպրոցական տարիքի երեխաների համար։

Անհրաժեշտ են՝ մոխրագույն և սպիտակ գույնի բարակ ստվարաթղթեր, նարնջագույն կրեպ թուղթ, ինքնակպչուն փոքրիկ շրջաններ կարմիր գույնի, կանաչ գույնի ինքնակպչուն աստղ, սպիտակ և սև գույնի մատիտներ, չոր սոսինձ (ստիկ), մկրատ, քանոն։

1. Մոխրագույն ստվարաթղթի վրանկարեք և կտրեք ուղղանկյուն, որը կունենա 2 ելուստ։ Մի ելուստի ծայրին կտրվածքներ արեք, դա կլինի փղի պոչը, իսկ մյուսը պետք է համեմատաբար հաստ լինի։ Դրա վրա պետք է սոսնձվի գլուխը։

2. Ուղղանկյան խայրերը ծալիր, ինչպես պատկերված է նկարում։ Մատիտով նկարիր փղի ոտքերը։ Պոչի ծայրը մատիտով ներկիր։

3. Ուղղանկյան ծալված ծայրերը սոսնձիր իրար։ Կստանաս փղի մարմինը։

4. Մոխրագույն թղթի վրա նկարիր և կտրիր փղի գլուխը։ Նրա վրա նկարիր աչքերը, կնճիթի ծալքերը, իսկ կնճիթի մոտ սոսնձիր սպիտակ ստվարաթղթից կտրված ժանիքները։ Գլուխը սոսնձիր մարմնին։

5. Ծածկոցի համար նարնջագույն կրեպ թղթից կտրիր ուղղանկյուն, նրա ծայրերին ծոպքեր կտրատիր (կտրվածքներ արա) և զարդարիր այն ինքնակպչուն շրջանակներով ու աստղով։

6. Ծածկոցը սոսնձիր փղի մեջքին։

Բարակ ստվարաթղթից պատրաստենք խնձոր։

Անհրաժեշտ են
Կարմիր, դեղին և կանաչ գույնի բարակ ստվարաթղթեր, նարնջագույն կրեպ թուղթ, կամրի և կանաչ մատիտներ, սև գույնի ֆլոմաստեր, թափանցիկ ինքնակպչուն ժապավեն (սկոչ), մկրատ, քանոն, բիզ

1. Կարմիր բարակ ստվարաթղթից կտրատեք 4 իրար հավազար երիզներ և դրանցից յուրաքանչյուրի կենտրոնում բզի օգնությամբ անցքեր բացեք։

2. Բացված անցքերի միջով անց կացրեք նարնջագույն կրեպ թղթից պատրաստված քուղը (որը ստացվում է թուղթը իրար վրա փաթաթելու միջոցով) և ներսի կողմից այն ամրացրեք ինքնակպչուն ժապավենի միջոցով։

3. Եթե բոլոր երիզների ծայրերը իրար միացնես ինքնակպչուն ժապավենով, կստանաս գունդ՝ խնձորը։

4. Կանաչ ստվարաթղթի վրա նկարիր տերևը և կտրիր այն։

5. Դեղին բարակ ստվարաթղթի վրա նկարիր և կտրիր որդը։ Տերևը սոսնձիր խնձորի պոչին, իսկ որդը ամրացրու խնձորի կարմիր երիզների արանքում։

Խնձորը պատրաստ է.

Այս հեշտ և արագ պատրաստվող տակդիրները կարող են պատրաստել նույնիսկ նախադպրոցական տարիքի երեխաները։ Անհրաժեշտ են՝ ստվարաթղթե գլանակ, գունավոր թուղթ, մկրատ և սոսինձ։

Ստվարաթղթե գլանակը բաժանում ենք 3 հավասար մասերի՝

Վերցնում ենք գունավոր թղթի կեսը (A5 չափս), նրա մի երիզը մոտ 1սմ լայնությամբ կտրում պոչի համար, իսկ մնացած թղթի վրա ստացված գլանների բարձրության չափով նշում ենք անում։

Թղթի վրա 0.7սմ լայնությամբ ծոպքեր ենք կտրատում՝ մինչև նշման գիծը.

Չկտրված հատվածի վրա սոսինձ քսում և այդ հատվածն ամրացնում ենք գլանին.

Ծոպքերի ծայրին սոսնձի կաթիլ ենք կաթեցնում և այն ամրացնում գլանե հիմքին.

Բոլոր ծոպքերը ամրացնելուց հետո սոսնձի օգնությամբ կպցնում ենք պոչը.

Տակդիրը պատրաստ է.

Զուգարանի թղթի գլաններից կարելի է պատրաստել գեղեցիկ ավտոմեքենաներ։
Այսօր կսովորենք պատրաստել այդպիսի ավտոմեքենա։

Նման ավտոմեքենա պատրաստելու համար անհրաժեշտ են. զուգարանի թղթի գլան, ստվարաթուղթ, ներկեր, սոսինձ, մկրատ, կարկին, մատիտ։

Ներկերի օգնությամբ ներկում ենք գլանը.

Մինչ գլանների վրայի ներկի չորանալը պատրաստենք անիվներն ու ղեկերը։ Անիվների համար ստվարաթղթի վրա կարկինի օգնությամբ գծում ենք մոտ 2սմ շառավղով 4 շրջանագծեր, ապա դրանց մեջ՝ 1սմ շառավղով շրջանագծեր.

Մկրատի օգնությամբ կտրում ենք արտաքին շրջանագծերը, ապա ներկում դրանք.

Թողնում ենք անիվները չորանան։

Ղեկի համար կարկինի օգնությամբ ստվարաթղթի վրա գծում ենք մոտ 7մմ շառավղով շրջանագիծ, ապա դրա ներսում, մի քիչ փոքր շրջանագիծ։ Կտրում ենք և ներկում.

Արդեն չորացած գլաններից պատրաստում ենք ավտոմեքենայի իրանը։

Մատիտի օգնությամբ գլանի վրա գծում ենք 2×1 սմ չափսերով ուղղանկյուն։ Զգուշությամբ կտրում ենք ուղղանկյան կողմերը բացի մի լայնական կողմից։ Ստացված ուղղանկյունը ծալում ենք դեպի դուրս, ապա մեջտեղից ծալելով հավասար մասերի, սոսնձով ամրացնում ենք։ Ստանում ենք վարորդի թիկնակը։

Թիկնակի հանդիպակաց կողմը սոսնձով ամրացնում ենք ղեկը, ապա ներկերով ձևավորում ավտոմեքենան։

Սոսնձի օգնությամբ անիվներն ամրացնում ենք ավտոմեքենայի իրանին։

Ավտոմեքենան պատրաստ է։

Շատ գեղեցիկ և հեշտ պատրաստվող տոնածառի խաղալիքներ կարելի է ստանալ զուգարանի թղթի և խոհանոցային սրբիչների ստվարաթղթե գլանակներից։

Նման խաղալիք պատրաստելու համար անհրաժեշտ է ստվարաթղթե գլանակ, մկրատ, սոսինձ, վրձին և փայլ։

Ստվարաթղթե գլանակը թեթև սեղմելով տափակեցնում ենք, ապա մկրատով  1սմ հաստությամբ օղեր կտրատում։

Սոսնձի օգնությամբ օղերով հինգ թերթանի ծաղիկ ենք պատրաստում.

Վրձնի օգնությամբ ծաղկի թերթիկները ամբողջությամբ պատում ենք սոսնձով, ապա գդալի օգնությամբ ամբող մակերեսի վրա փայլ ենք շաղ տալիս. 

Ամբողջ մակերեսը ծածկելուց հետո թողում ենք պատրաստվածքը չորանա։ Չորանալուց հետո ավելորդ փայլը վրայից կթափվի։ Մի ծաղկաթերթիկի միջով թել ենք անց կացնում։ Տոնածառի խաղալիքը պատրաստ է.

Պատրաստենք գլխարկ Ձմեռ Պապիկի կամ տիկնիկների համար։

Անհրաժեշտ են. ստվարաթղթե գլանակ, կարմիր թել, մկրատ, քանոն, գրասենյակային դանակ, մատիտ։

1. Ստվարաթղթե գլանակի վրա մատիտի օգնությամբ նշելով 15մմ, գրասենյակային դանակով զգուշությամբ կտրում ենք այդ օղը.

2.  Պատրաստում ենք 15-17 սմ երկարությամբ թելի կտորներ.

3. Թելը ծալած վիճակում մտցնում ենք օղի մեջ, ապա թելի ծայրերը ստվարաթղթի վրայով անց ենք կացնում թելի օղի միջով.

4. Նման ձևով անց ենք կացնում այնքան թել, քանի դեռ ստվարաթղթե օղը ամբողջովին չի ծածկվել.

5. Թելի կտորով կապում ենք թելերի ծայրերը։ Գլխարկը պատրաստ է.

Այս գլխարկերից թել կապելով կարելի է դրանք կախել տոնածառի վրա որպես խաղալիք։ Տարբեր երանգների նմանատիպ գլխարկներ պատրաստելով կարելի է տոնական շղթա պատրաստել։

Այս խաղալիքը բավական հեշտ է պատրաստվում և շատ քիչ ժամանակ է պահանջվում պատաստելու համար։

Այսպիսի խաղալիքներ պատրաստելու համար անհրաժեշտ է՝հաստ ստվարաթուղթ, մկրատ, գունավոր մատիտներ, ժապավեններ, թելեր, հուլունքներ և այլն։

Նման ձևով կարող եք պատրաստել կենդանիներ, մուլտհերոսներ և նույնիսկ երեխայի երևակայության հերոսին, որն ինքը կնկարի թղթի վրա՝ հաստ ստվարաթղթի վրա։

Հաստ ստվարաթղթի վրա նկարեքշաբլոնը, ներկեք։ Կարելի է խաղալիքը զարդարել հուլունքներով ու ժապավեններով, թելերից ու մորթուց պատրաստել մազերը։

Ձեզ ենք ներկայացնում այս խաղալիքների մի քանի շաբլոններ.

Տղա երեխաների ամենասիրելի խաղալիքներից մեկը ինքնաթիռն է։ Այժմ սովորենք ամենաքիչ նյութերով ինքնաթիռ պատրաստել.

Անհրաժեշտ է. ստվարաթուղթ, լուցկու տուփ և սոսինձ։

1. Ստվարաթղթի 1-2սմ լայնությամբ և մոտ 20սմ երկարությամբ երիզը ծալում ենք հավասար մասերի և սոսնձում լուցկու տուփին։ (Կարելի է վերցնել սպիտակ ստվարաթուղթ և վրան գունավոր թուղթ կպցնել կամ էլ ներկել ջրաներկով)։

2. Կտրում ենք թևերը մոտ 10սմ երկարությամբ և էլի սոսնձում լուցկու տուփին.

3.Պատրաստում ենք ինքնաթիռի պոչը.

4. Ավելացնում ենք ինքնաթիռի պտուտակաթևերը և գունավոր աստղերի օգնությամբ զարդարում ինքնաթիռը