Սովորենք նկարել սպիտակ արջ։

Նկարելու համար անհրաժեշտ են՝ սպիտակ թուղթ, մատիտ և ռետին։

Հետևեք բերված քայլերին և հերթականությամբ կրկնեք դրանք։

Ջնջում ենք ավելորդ գծերը։

Ստվերաներկում արջի մարմնի ներքևի հատվածը։

Սպիտակ արջն ամենախոշոր գիշատիչն է։ Որոշ արուների մարմինը կարող է հասնել մինչև երեք մետր բարձրության, իսկ քաշը՝ մինչև մեկ տոննա։
Չնայած այսքան մեծ չափերի և թվացյալ դանդալոշության, ցամաքի վրա սպիտակ արջերը բավական արագաշարժ ու ճարպիկ են, իսկ ջրում՝ հիանալի լողորդներ են։
Սպիտակ արջի մորթին լավ է պահպանում ջերմությունը։ Իսկ սպիտակ մորթու տակ սև մաշկն է, որը կլանում է արևի ջերմությունը։ Շատ լավ ջերմամեկուսացում է ապահովում նաև մաշկի տակ գտնվող մոտ 10սմ հաստություն ունեցող ճարպային շերտը։ Առանց դրանց արջերը դժվար թե կարողանային լողալ 80 կմ՝ արկտիկական սառցե ջրերում։
Ձմռան քուն են մտնում ոչ բոլոր սպիտակ արջերը։ Ձմեռային քունը բնորոշ է այն արջերին, որոնք պատրաստվում են մայրանալ և ծեր արու արջերին, որոնք անհամբեր սպասում են ավելի տաք եղանակի։
Սպիտակ արջերի հիմնական սնունդը արկտիկական փոկերն են։ Հուլիսին, սպիտակ արջերը «ճամփորդելով»սառցաբեկորների վրայով, վերջապես հասնում են մայրցամաքի կամ կղզիների ափերին։ Ցամաքի վրա նրանք սնվում են հացահատիկներով, հատապտուղներով ու ճանճերով։ Երբ արջը շատ հատապտուղ է գտնում, նա կարող է շաբաթներով ուրիշ սնունդ չուտել։
Մեծ արջերը շրջում են միայնակ։ Կուշտ կենդանիներն իրար հանդիպելուց միմյանց վրա ուշադրություն չեն դարձնում։ Ձագերի հետ շրջող էգ արջերը ձգտում են հեռու մնալ արու արջերից։ Եթե հանկարծ հանդիպում են, ապա մայր արջերն հուսահատորեն պաշտպանում են իրենց ձագերին։
Մեծ արջերը կարող են փոքր արջերից խլել նրանց ավարը և, նույնիսկ փորձեն սպանել ու ուտել նրանց։
Բայց միաժամանակ, ծովից դուրս նետված կետի մարմնի մոտ կարող են հավաքվել տասնյակ արջեր՝ առանց միմյանց նկատմամբ որևէ ագրեսիա ցուցաբերելու։
Վտանգավո՞ր է արդյոք հանդիպումը սպիտակ արջերի հետ։
Հիմնականում վտանգավոր է վրանային հանգստի վայրերում, երբ արջերին գրավում է սննդի բույրը։ Գիշատիչը սննդի համար ամեն պատահած բան մասնատում է ու համտեսում, այդ թվում նաև հանդիպող մարդկանց։