1

Ինչպես նկարել կրիա

|

0

Այսօր կսովորենք ջրաներկով նկարել կրիա՝ 2 տարբեր եղանակներով։

Անհրաժեշտ են՝ ջրաներկ կամ գուաշ, վրձիններ, գունավոր մատիտներ, ֆլոմաստերներ, փոքրիկ տարայով ջուր, անձեռոցիկներ, և նկարչական թուղթ։

 

Տարբերակ 1

1. Նկարում ենք կրիայի պատյանը կիսաշրջանի կամ կիսաձվաձևի տեսքով (տեսքը կողքից)։

1.1

2. Նկարում ենք պատյանի տակից երևացող ոտքերն ու գլուխը։

1.2

3. Պատյանը զարդարում ենք գեղեցիկ նախշերով։

1.3

Տարբերակ 2

1. Շրջանի կամ ձվաձևի տեսքով նկարում ենք կրիայի պատյանը (տեսքը վերևից)։

2.1

2. Կրիային նայում ենք վերևից ու նկարում գլուխն ու 4 ոտքերը։

2.2

3. Զարդարում ենք կրիայի պատյանը շրջանի կենտրոնից համաչափ տարբեր նախշեր նկարելով։

2.3



Ոսկե ձկնիկներն ու ծովը

|

0Այսօր փայլաթիթեղից կպատրաստենք փայլփլուն ձկնիկներ և դրանց բաց կթողնենք մեր նկարած ծովի մեջ։

Անհրաժեշտ են՝ ջրաներկ, ֆլոմաստերներ, ստվարաթուղթ, աղ, փայլաթիթեղ, ցանցավոր կտոր։

1. Ծով ստանալու համար ստվարաթուղթը ներկենք երկնագույն, ապա դրա վրա շաղ տանք կապույտ ջրաներկ, և, քանի դեռ թուղթը թաց է, թղթի վրա շաղ տանք խոշոր աղ։

1

2. Երկինք ստանալու համար մեկ ուրիշ ստվարաթուղթը ներկենք բաց երկնագույն ջրաներկով, ապա մի քանի կետում կաթեցնենք համեմատաբար մուգ երկնագույնը։ Այնուհետև այդ հատվածները «սրբենք» անձեռոցիկով։

2

3. Քանի դեռ ներկը չորանում է, փայլաթիթեղի վրա նկարենք ձկան ուրվագիծը, իսկ այնուհետև փայլաթիթեղի տակ տեղադրենք ցանցավոր կտորը։

3

4. Եղունգը թեթևակի սեղմելով տանենք-բերենք փայլաթիթեղի վրա։ Արդյունքում կստանանք ձկան թեփուկների տեսքով նախշ։

4

5. Ձկնիկը ներկենք ֆլոմաստերներով։ Օրինակ՝ ձկան մեջքը կարող է լինել կանաչ գույն, իսկ փորը՝ դեղին։ Պատրաստի ձկնիկներին կտրատենք մկրատով։

5

6. Այն թղթի վրայից, որի վրա նկարված էր ծովը, թափ տանք աղը և անկյունագծով ալիքաձև գիծ գծենք։ Այդ գծով կտրենք թուղթը։ «Ծովը» և ձկնիկները սոսնձենք երկնքի վրա։

6

Աշխատանքը պատրաստ է.

dzuk