Պատրաստենք Նոր տարվա ամենասպասված ու ամենասիրելի հյուրին՝ Ձմեռ Պապիկ։

Անհրաժեշտ են. պենոպլաստե կամ պլաստպասսե ձու (կամ ձվի զանգվածից դատարկված կճեպ, որն իրականցվում է ասեղի ծայրով իրար հանդիպակաց կողմերը ծակելու միջոցով), բամբակ, ներկանյութեր, սոսինձ, կարմիր կտոր։ 

1. Ձվիկը ներկում ենք բաց ծիրանագույն և թողնում ենք չորանա։ Ծիրանագույն ստանալու համար ներկապնակի վրա իրար խառնեք կարմիր, դեղին և սպիտակ ներկերը։

2. Չորանալուց հետո նկարում ենք աչքերը, քիթը,  բերանն ու վարդագույն այտերը.

3. Երբ ներկանյութն ամբողջությամբ չորանա, սոսնձի օգնությամբ պատրաստվածքի վրա ամրացնում ենք բամբակե ունքերը, մորուքն ու մազերը.

4. Ձմեռ Պապիկին գլխարկ ենք հագցնում։

Ձմեռ Պապիկի գլխարկից կարելի է թել կապել և այն կախել տոնածառի վրա, որպես զարդ։

Գեղեցիկ ծովափնյա մայրամուտ նկարելու համար անհրաժեշտ է՝
Գուաշ, թուղթ, վրձիններ։
1. Սեղանը ծածկենք թերթով կամ մոմլաթե սփռոցով։ Սպիտակ թղթի վրա մի քանի գույնով (կարմիր, դեղին…) երիզներ տանենք։

2. Թույլ չտալով ներկերը չորանալ, լայն վրձինով տարածում ենք ներկերը՝ վրձինը միայն աջից ձախ տանելով։

3. Արդյունքում ստացվելու է գունային գեղեցիկ ացնումները մի գույնից մյուսը։

4. Թղթի կենտրոնական հավտածում սև գույնով նկարում ենք հորիզոնի գիծը, իսկ նրա վերևում արև։ Հորիզոնի գծից ներքև նկարում ենք արևի արտացոլանքը ջրում հետքերից բաղկացած շրջանի տեսքով։ Ուշադրություն դարձրեք, որ ջրում արտացոլանքը միշտ նույն չափսերն ունի, ինչ արտացոլվող իրը և արտացոլանքն ու իրը հորիզոնի գծից գտնվում են նույն հեռավորության վրա։

5. Բարակ վրձնի օգնությամբ հորիզոնի գծի վրա նկարում ենք արևադարձային ծառերի ու խոտերի պատկերներ։ Արևադարձային ծառերի տերևները զգուշությամբ նկարում ենք վրձնի մազմզուկների օգնությամբ։

6. Նկարն ավարտին հասցնելու համար ջրի մեջ պետք է նկարել ծառերի ու խոտերի արտացոլանքները։ Եթե ծովը խաղաղ է, ապա հորիզոնից նույն հեռավորության վրա նկարենք ծառերի ու խոտերի արտացոլանքը, իսկ եթե ջուրը անհանգիստ է, ապա այդ պատկերները պետք է ընդհատվող տեսք ունենան։