Սովորենք նկարել փիսիկներ.
1. Իրար կողք մեկը մյուսից փոքր-ինչ բարձր նկարում ենք 2 ձվաձև.
2. Վերին ձվաձևի վրա նկարում ենք առաջին փիսիկի եռանկյունաձև ականջները, իսկ ներքևի ձվաձևի վրա՝ երկրորդ փիսիկի ժապավենը.
3. Նկարում ենք վերևի փիսիկի աչքերը, քիթն ու բեղերը.
4. Այժմ նկարում ենք ներքևի փիսիկի ականջները և ձվաձևի տակ փոքրիկ շրջանների տեսք ունեցող թաթերը.
5. Ավելացնում ենք վերևի փիսիկի թաթերը և նկարում ներքևի փիսիկի մռութը.
6. Մգեցնում ենք ուրվագծերը։
Փիսիկները պատրաստ են.
Գունավոր աղով նկարչությունը երեխաների մոտ զարգացնում է մանր մոտորիկան, երևակայությունն ու գունային համադրումը։
Գունավոր աղ պատրաստելու համար անհրաժեշտ է աղ, գուաշ ու փոքրիկ տարաներ գունավոր աղը պահելու համար։
1. Աղը լցնում ենք որևէ ամանի մեջ ու մի փոքր գուաշի հետ խառնում, մինչև միատարր զանգված ստանալը։
2. Նման կերպ ստանում ենք տարբեր գույներ.
3. Թողնում ենք զանգվածը մի քանի ժամ չորանա, ապա լցնում տարրաների մեջ.
Չորանալուց հետո այն արդեն պատրաստ է նկարչության համար։
Վերցնում ենք պատրաստի նկարը, ապա վրան մի կաթիլ սոսինձ կաթացնելով ու տարածելով, վրան լցնում համապատասխան գույնի աղը.
Երբ բոլոր գույները լցված են, թողում ենք, որ սոսինձը չորանա և թափ տալիս նկարը՝ ավելորդ աղը թափելու համար։ Նկարը պատրաստ է.
Հանելուկների օգնությամբ ծանոթանանք մասնագիտություններին։
1.
Սպիտակ սիրուն գլխարկներով,
Ճերմակ մաքուր գոգնոցներով,
Խոհանոցում են աշխատում
Համեղ-համեղ ապուր սարքում։
2.
Երեխաները մեր շնորհիվ
կարդալ-գրել են սովորում,
դպրոցում ու դասարանում
հաշվել, պատմել են սովորում։
Պատասխան
3.
Քարը-քարին շարելով,
Ցեխ-ավազ շաղախելով,
Սիրուն տներ են սարքում
Բարձր շենքեր կառուցում։
Պատասխան
4.
Սանր ու մկրատը ձեռքին,
Հրաշքներ է նա գործում,
Ու մազերով գեղեցիկ
Սանրվածքներ է անում։
Պատասխան
5.
Արթնանում ենք, երբ քնած եք,
Ալյուր ու ջուր շաղախում,
Անուշաբույր հաց ենք թխում,
Արթնանում եք ու ուտում։
Պատասխան
6.
Երբ հիվանդ ենք, շտապ հասնում է
Ու դեղեր նշանակում
Բոլոր մարդկանց նա բուժում է,
Ու ոտքի է կանգնացնում։
Պատասխան
7.
Սպիտակ խալաթ է նա հագնում,
Ու հիվանդներ ընդունում,
Բայց հիվանդներն արի ու տես
կենդանիներն են լինում։
Պատասխան
8.
Ղեկը ձեռքին ամբողջ օրը
Ճամփաներն է չափչփում,
Լուսակրի լույսին նայում
Ու ճանապարհ է զիջում։
Պատասխան
9.
Սավառնում է ինքնաթիռը
Երկնքում ասես թռչուն
Տեսնես ո՞վ է բռնել ղեկը՝
Նա է հմուտ՝…
Պատասխան
10.
Նա պաշտպան է հայրենիքի
Համազգեստ է միշտ կրում
Գիշեր-ցերեկ զենքը ձեռքին
Թշնամուց է պաշտպանում։
Պատասխան
11.
Կարմիր-կանաչ իրար խառնում
Շքեզ գույներ է ստանում
Վրձինն առած թղթի վրա
Հրաշք պատկեր նկարում։
Պատասխան
12.
Վրձին չունի, ոչ էլ ներկ
Բայց նկար է նկարում,
Սիրուն պատկեր հենց տեսնում է
Ապարատն է նա հանում։
Պատասխան
13.
Նա բոլորից լավ է վազում
Մեծ թռիչքներ կատարում
Մրցույթների է մասնակցում
Ոսկի, արծաթ մեդալ ստանում։
Պատասխան
14.
Կրակի հետ ենք պայքարում,
Մարդկանց այրվող տներ փրկում։
Պատասխան
15.
Նա հսկում է կարգ ու կանոն
Միշտ աչալուրջ է լինում,
Հենց տեսնում է անկարգ մարդկանց,
Շտապ օգնության է հասնում։
Պատասխան
Արամը շատ էր ուզում խաղալ համակարգչով։ Հայրիկը նրան առաջադրանք տվեց, ասելով, որ եթե ճիշտ լուծումը գտնի, ապա համակարգչով խաղի հնարավորություն կստանա։
Ահա խնդիրը.
Քառակուսում միջի թվերը երկու գծերով բաժանիր մասերի այնպես, որ մասերից յուրաքանչյուրում ստանաս թվանշանների նույն գումարը։
