Սիրելի ծնողներ, ներբեռնեք և տվեք այս նկարները փոքրիկին, որ ներկի նա այս գեղեցիկ ձնեմարդուկներին.

Անհրաժեշտ է նույնությամբ կրկնել պատկերը։ Այս առաջադրանքը կզարգացնի երեխայի տրամաբանությունը, ուշադրությունն ու երևակայությունը։

Հետևեք բերված քայլերի հերթականությանը և նկարեք ձնեմարդ։

Սիրելի՛ փոքրիկ. 

Քեզ ենք ներկայացնում «Ներկիր ինքդ» բացիկների շարք։ Անհրաժեշտ է ներբեռնել, տպել բացիկները և ներկել դրանք։

Լաբիրինթոսներ ձմեռային թեմաներով.

Ամանորը բարձր տրամադրություն, խինդ ու ծիծաղ ապահովող հեքիաթային տոն է։ Հետաքրքիր խաղերը երեխաների տոնը կդարձնեն առավել հիշվող ու գեղեցիկ։ Խաղերին կարող են մասնակցել ինչպես երեխաները, այնպես էլ մեծահասակները։

«Փչում ենք փաթիլների վրա»

Պատրաստեք մի մեծ սկուտեղ՝ վրան մանրացված սպիտակ թղթերով։ Երեխաներին ասեք, որ Ձմեռ Պապը սիրում է սառնամանիք ու ձյուն։ Առաջարկեք երեխաներին փչել սկուտեղի վրա այնպես, որպեսզի բոլոր փաթիլները թռչեն (կարելի է փչել հերթով կամ ամբողջ խմբով միասին)։

«Բռնիր փաթիլը»

Նախապես պատրաստեք գեղեցիկ գունավոր փաթիլներ թղթից։ Այդ փաթիլները մի քանի հատով անհրաժեշտ է նետել օդ, իսկ երեխաները պետք է դրանք բռնեն։ Կհաղթի այն երեխան, ով ավելի շատ փաթիլ կհավաքի։

«Հավաքիր ձնագնդերը»

Գետնին լիքը ձնագնդեր են լցված (պատրաստված թղթից, սպիտակ կտորից կամ բամբակից)։ Երաժշտության ներքո երեխաներն իրենց մոտգի գեղեցիկ տուփերի մեջ պետք է արագորեն հավաքեն ձնագնդերը։ Կհաղթի նա, ով ավելի շատ փաթիլ կհավաքի։
Որպես խաղի շարունակություն կարելի է այդ ձնագնդերըերը նետել միմյանց վրա։

«Ձնագնդերը հասնում են նշանակետին»

Որպես նախորդ խաղի շարունակություն, կարելի է երեխաների դիպուկությունը ստուգել։ Դրա համար մի քանի քայլ հեռավորության վրա տեղադրում եք զամբյուղ կամ արկղ, իսկ փոքրիկները պետք է այդ հեռավորությունից ձնագնդերը նետեն տարաների մեջ։

«Տոնածառեր»

Երեխաներն իրար ձեռք բռնած շրջան են կազմում։ Երեխաներին պատմեք, որ տոնածառները լինում են բարձր և կարճ, լայն և նեղ։ Երբ դուք ասում եք «բարձր տոնածառ», փոքրիկները պետք է ձեռքերը վեր բարձրացնեն, երբ ասում եք «կարճ տոնածառ», փոքրիկները կքանստում են, «լայն տոնածառի» դեպքում պետք է առանց միմյանց ձեռքերը բաց թողնելու մեկ քայլ հետ գնան՝ լայնացնելով շրջանը, իսկ «նեղ տոնածառի» դեպքում՝ հակառակը (մեկ քայլ առաջ)։ Երբ երեխաները խաղի կանոնները լավ յուրացնեն, կարելի է երեխաներին շփոթեցնել խաղի ընթացքում։

«Որտե՞ղ է իմ կոշիկը»

Իտալիայում Բեֆինա փերին երեխաների նվերները տեղադրում է նրանց կոշիկների մեջ։ Երեխաներին առաջարկեք հանել կոշիկները, ապա բոլոր կոշիկները խառնեք իրար։ Հրահանգի ժամանակ երեխաները վազքով մոտենում են կոշիկների կույտին և փորձում գտնել ու հագնել իրենց կոշիկները։ Կհաղթի նա, ով առաջինը կհագնի իր կոշիկները։

«Ծիծաղիր-ծիծաղիր»

Ձմեռ Պապիկը սիրում է, երբ երեխաները ծիծաղում են։ Դուք փուչիկը նետում եք օդ և երեխաները պետք է ծիծաղեն այնքան, քանի դեռ փուչիկն օդում է։ Հենց փուչիկը դիպչի գետնին, ծիծաղը պետք է դադարի։ Խաղից դուրս է մնում այն մասնակիցը, ով չի կարողանում դադարեցնել ծիծաղը։

«Կսառեցնեմ-կսառեցնեմ»

Ձմեռ Պապիկի գլխարկով մեծահասակը փորձում է բռնել երեխաներին, ասելով. «Կսառեցնեմ-կսառեցնեմ քիթիկը», երեխաները պետք է փախչեն՝ ձեռքերով թաքցնելով իրենց քիթը։ Այնուհետ մեծահասակն ասում է. «կսառեցնեմ-կսառեցնեմ այտերը», այս դեպքում երեխաները փախչում են ձեռքերը դնելով իրենց այտերի վրա։

«Նոր տարվա տոնածառ»

Երկու երեխաների (որոնք կլինեն «տոնածառները») հագուստների վրա ամրացրեք 5-7 հատ լվացքի գունավոր կախիչներ։ Դրանք կլինեն տոնածառի զարդերը։ Կապեք փոքրիկների աչքերը։ Երեխաների խնդիրն է հնարավորինս արագ միմյանց վրայից պոկել կախիչները։

«Բռնիր ձնագնդերը»

Երեխաները բաժանվում են զույգերի։ Նրանցից մեկի ձեռքը զաբյուղ է (փոքրիկ տուփ կամ դույլ), իսկ մյուսի մոտ՝ պարկի մեջ լցված ձնագնդեր (պատրաստված ճմրթած թղթերից կամ բամբակից)։ Յուրաքանչյուր երեխա իր զույգին նետում է ձնագունդը, իսկ նրա ընկերը պետք է փորձի այն բռնել իր զամբյուղով։ Եթե ձնագունդը զամբյուղի կողքով է անցնում, ուրեմն այլևս այն խաղի մեջ չէ։ Հաղթում է այն զույգը, ով ավելի շատ ձնագունդ է հավաքել (որոշակի ժամանակահատվածում, օրինակ որևէ երաժշտության ներքո)։

«Գտիր ձմռան վերաբերող բառերը»

Երեխաների մոտ արտասանեք խառը բառեր։ Երեխաները պետք է ծափ տան, երբ լսեն ձմռան վերաբերող բառեր (օրինակ՝ ձյուն, երկուշաբթի, տոնածառ, ծով, սահնակ, Ձմեռ Պապ, աշնանային տերևներ, ձնեմարդ, դելֆին, սառույց, փաթիլ, մկրատ և այլն)։

«Նկարիր ձնեմարդ»

Երեխաների աչքերը կապում եք, և նրանք մեծ թղթի վրա ֆլոմաստերով պետք է նկարեն ձնեմարդ։ Խաղն ավելի հետաքրքիր կդառնա, եթե երեխաները բաժանվեն խմբերի և խմբի երեխաներից յուրաքանչյուրը պետք է նկարի ձնեմարդու մի հատվածը։ Կարելի է առաջարկել նկարել տոնածառ։

«Փաթեթավորիր նվերը»

Խաղին մասնակցելու համար անհրաժեշտ են 2-3 երեխա՝ յուրաքանչյուր խմբում։ Նրանք պետք է զուգարանի թղթով փաթեթավորեն որևէ փոքրիկ արկղ։

«Հաստլիկը»

Երկու երեխա կանգնում են իրար կողք և ձեռքով գրկում մեկը մյուսի գոտկատեղը։ Ստացվում է երկգլխանի հաստլիկ հերոս։ Այդ հերոսին առաջադրանքներ է տրվում, որոնք նա պետք է կատարի՝ օգտագործելով մի երեխայի աջ ձեռքը, իսկ մյուսի ձախ ձեռքը։ Առաջադրանքների օրինակներ են՝ թուղթը մեջտեղից ծալել 2 մասի, պլաստիլինից խնձոր ծեփել, հագուստ հագնել և այլն։

Փոքրիկների նկարներով փաթիլները յուրահատուկ տեսք կհաղորդեն զարդարված տանը։ Այս փաթիլները պատրաստելու համար անհրաժեշտ են.
գրասենյակային սպիտակ թուղթ, հաստ ստվարաթուղթ (օրինակ կոշիկի կամ այլ իրի տուփի թուղթը), սև հասարակ մատիտ, մկրատ, սոսինձ, գրասենյակային դանակ, ներկեր, փաթիլը զարդարելու համար թելեր, փայլեր, և ամենակարևորը՝ լուսանկար։

Գրասենյակային սպիտակ թղթից պատրաստենք փաթիլի շաբլոնը։ Դրա համար ուղղանկյուն թուղթը դարձնում ենք քառակուսի, ապա անկյունագծով ծալում.

Ներքևի անկյուններն իրար վրա բերելով գտնում ենք ներքևի կողմի կենտրոնը (միայն կենտրոնի հատվածն է անհրաժեշտ թեթևակի սեղմել).

Այժմ եռանկյան անկյունները ծալում ենք դեպի դիմացի կողմը.

Վերին ավելորդ հատվածները կտրելով, ստանում ենք եռանկյուն.

Եռանկյան կողերի վրա ուրվագծում ենք այն պատկերների կեսերը, որոնք ուզում ենք ստանալ։ Մեր օրինակում կնկարենք եղևնու և ձնեմարդու կեսերը, կամ նապաստակի կեսը, ապա մկրատով կտրում ուրվագծերով։ Անհրաժեշտ է հիշել, որ մեզ անհրաժեշտ է կենտրոնում չկտրված հատված։ Դրա համար ուրվագծերը նկարվում են եռանկյան վերին հատվածում.

Ստվարաթղթի վրա շաբլոնի օգնությամբ ուրվագծում ենք ստացված փաթիլները.

Գրասենյակային դանակի օգնությամբ զգուշորեն կտրում և հեռացնում ենք ավելորդ մասերը։ Չմոռանաք աշխատել կարծր մակերեսի վրա, որպեսզի աշխատանքային սեղանը չվնասեք։

Ներկերի օգնությամբ համապատասխան պատկերները գունազարդում ենք և թողնում ենք, որ ներկը չորանա։

Աշխատանքի հաջորդ հատվածը փաթիլի վերջնական ձևավորման փուլն է։

Եթե փաթիլի հակառակ կողմը գեղեցիկ պատկեր է, ապա այն կարելի է այդպես էլ թողնել։ Իսկ եթե հակառակ կողմը ակնահաճո չէ, ապա կարելի է նկարազարդ անձեռոցիկից համապատասխան կտոր կտրել և փակցնել այդ մակերեսին.

Վերցնում ենք լուսանկարը և այն կտրում փաթիլի կենտրոնական հատվածին համաչափ։

Ստացված պատկերը սոսնձում ենք փաթիլի կենտրոնական հատվածին։

Գեղեցիկ թելերի, բամբակի կամ փայլերի օգնությամբ զարդարում ենք նկարի եզրերը.

Փաթիլը պատրաստ է։ Մնում է միայն ասեղի օգնությամբ զգուշորեն ծակել փաթիլի վերին հատվածը և թել անցկացնել.

Այսպիսի փաթիլներ կարելի է պատրաստել յուրաքանչյուր տարի և դրանք կախել տոնածառի վրա, որպես խաղալիք։ Տարիների ընթացքում նմանատիպ խաղալիքները կշատանան և ձեր տոնածառը կլինի յուրահատուկ իր զարդարանքի մեջ։

Ներբեռնիր, տպիր նկարը։ Գունազարդիր այն և գտիր տարբերությունները.

Պատրաստենք բացիկ՝ օգտագործելով տարբեր տեխնոլոգիաներ։

Բացիկը պատրաստելու համար անհրաժեշտ են. կանաչ երանգներով թղթեր, գրասենյակային սպիտակ թուղթ, ստվարաթուղթ (բացիկի հիմքը), սոսինձ, մկրատ, գունավոր մատիտներ, բամբակ, փայլ։

Կանաչ թղթերից կտրատում ենք եղևնիներ և որպես ապլիկացիա փակցնում երկտակ ծալված ստվարաթղթի ներսի մակերեսին։ Կարելի է ստվարաթղթի եզրերը ձևավոր մկրատով կտրատել։

Համաչափ եղևնիներ ստանալու համար կանաչ թուղթը ծալում ենք երկտակ և վրան ուրվագծում եղևնու մի կեսը, ապա ծալված վիճակում կտրում պատկերը։

Վերցնում ենք գրասենյակային սպիտակ թուղթ, այն լայնությամբ երկտակ ծալում, ապա յուրաքանչյուր շերտն իր հերթին ծալում ենք դեպի դուրս՝ մինչև կենտրոնական ծալքը.

Ստացված դետալի վրա ուրվագծում ենք ձնեմարդ։ Ձնեմարդու թաթիկները (եթե թաթիկներ չեք անում, ապա մեծ գունդը) պետք է թղթի եզրին կպած լինեն և մկրատով չկտրվեն.

Մկրատի օգնությամբ զգուշությամբ կտրում ենք ձնեմարդու ուրվագիծը.

Այն բացելուց հետո կստանանք այսպիսի պատկեր.

Մատիտների օգնությամբ ներկում ենք ձնեմարդուկներին.

Ծայրերի ձնեմարդուկները սոսնձի օգնությամբ ամրացնում ենք ստվարաթղթին.

Բացիկի ներքին հատվածը պատրաստ է։ Բացիկը փակելուց ձնեմարդուկները ծալվում են, իսկ բացելուց գեղեցիկ բացվում՝ եղևնիների ֆոնի վրա։

Բացիկի արտաքին մակերեսը զարդարելու համար կօգտնվենք քվիլլինգ տեխնոլոգիայից։ Դրա համար վերցնում ենք 25 հատ 2-3մմ լայնություն ունեցող կանաչ թղթե երիզներ, դրանցից թույլ պարույր պատրաստում, թողնում, որ այն ինքն իրեն բացվի։ Ապա սոսնձում ենք ծայրը և 25 եռանկյունի դետալներ սարքում։

Այս դետալներն օգտագործելու ենք տոնածառ ստանալու համար։ Բացիկի արտաքին մակերեսին նախօրոք սոսինձ քսելով գագաթները դեպի վեր շարում ենք 5 եռանկյուն, ապա դրանց միջև մնացած արանքներում սոսնձով ամրացնում 4 եռանկյուններ՝ գագաթները դեպի ներքև։

Աստիճանաբար պակասեցնելով եռանկյուն դետալների քանակը, ստանում ենք տոնածառ։

Գագաթի սրտիկանման դետալը ստանալու համար վերցնում ենք մոտ 5սմ երկարությամբ կարմիր երիզ, այն ծալում հավասար մասերի, ապա դեպի ներս ոլորում նախ մի, ապա մյուս ծայրերը.

Բացիկի անկյունները ևս զարդարաում ենք նման սրտիկներով, տոնածառի տակ բամբակի բարակ շերտ ենք սոսնձում, իսկ տոնածառը և նրա շուրջը զարդարում ենք փայլերով։

Բացիկը պատրաստ է։ Բացիկներ պատրաստելու համար կարելի է օգտագործել այստեղ կիրառված տեխնոլոգիաներից միայն մեկը, օրինակ միայն ապլիկացիա կամ միայն քվիլլինգ։

Շնորհվոր Նոր Տարի։

Գուլպայից ձնեմարդ պատրաստելը բավականին հեշտ գործընթաց է և շատ նյութ չի պահանջում։

Անհրաժեշտ են՝ հին սպիտակ գուլպա, գունավոր գուլպա, թել, ասեղ, բամբակ, հուլունքներ կամ կոճակներ և ատամմաքրիչ փայտիկ։

1. Սպիտակ գուլպան կրունկի հատվածից կտրում ենք.

2. Թելի օգնությամբ կապում ենք կրունկի հատվածը.

3. Շուռ ենք տալիս գուլպան հակառակ կողմ այնպես, որ կապը մնա ներսում։

4. Այն լցնում ենք բամբակով և կապում մյուս ծայրը։

5. Վերցնում ենք գունավոր գուլպան և այն ևս կրկունկի հատվածից կտրում.

6. Երկու կողմից բաց ծայրերով հատվածը հագցնում ենք սպիտակ գուլպայի վրա.

7. Թելերի օգնությամբ ձիգ կապում ենք գունավոր գուլպայի եզրային հատվածներից.

8. Գուլպայի թաթի հատվածը հագցնում ենք կապի վրա, որպես գլխարկ.

Կարելի է թել ու ասեղի օգնությամբ գլխարկն ամրացնել գլխին, որպեսզի այն դուրս չգա։

9. Հուլունքների օգնությամբ աչքեր ենք պատրաստում, գազարի փոխարեն քթի տեղը մտցնում ենք ատամմաքրիչ չոփիկի կեսը, գլխարկի եզրը թելով կապում ենք, իսկ ձնեմարդու վզին օձիք ենք կապում.