Թաթիկ-Ձմեռ Պապիկ
Պատրաստենք բավականին հետաքրքիր հուշ-զարդ՝ «Թաթիկ-Ձմեռ Պապիկ»։
Այն հիմնված է աղի խմորի վրա։ Այս հուշը պատրաստելու համար անհրաժեշտ են.
1/2 բաժակ ցորենի ալյուր
1/2 բաժակ կերակրի աղ
1/4 բաժակ ջուր
դանակ, ներկեր և վառարան։
Բաղադրիչները լավ խառնում ենք, խմոր հունցում։
Ստացված խմորը տափակեցնում ենք և երեխայի ձեռքը զգուշորեն տպում վրան.
Դանակի օգնությամբ հեռացնում ենք ավելորդ խմորները.
Ստացված խմորե թաթիկը դնում ենք վառարանի մեջ եփվելու 100 աստիճան ջերմաստիճանում մոտ 3 ժամ։ Եփվելուց հետո թողում ենք սառչի, ապա գուաշի օգնությամբ սկսում ներկել և ստանալ մեր երևակայության Ձմեռ Պապիկը.
Տվյալ խմորի ծավալն այնքան է, որ կարելի է ստանալ 2 Ձմեռ Պապիկ։
Կարելի է յուրաքանչյուր տարի պատրաստել այս Ձմեռ Պապիկից և հետևել, թե ինչպե՞ս է մեծանում նա։