Պլաստիլինից ծեփենք աքաղաղ։

Անհրաժեշտ են գունավոր պլաստիլիններ։

1. Մարմինն ու կատարը
ա) Պատրաստեք 3փոքրիկ կարմիր գունդ կատարի համար և 1 դեղին մեծ գունդ։

բ) Դեղին գնդից պատրաստեք հաստ գլան ու նրան ձվի տեսք հաղորդեք։

գ) 3 կարմիր գնդերը միացրեք իրար ու դրանք ամրացրեք մարմնի վրա, ինչպես ցույց է տրված նկարում։

2. Աչքերն ու կտուցը
ա) Պատրաստեք 2 փոքր սպիտակ գունդ (աչքերը), 2 ավելի փոքր սև կետիկներ (բբերը) և 1 նարնջագույն գունդ։

բ) Սև բբերն ամրացրեք աչքերի կենտրոնում։ Նարնջագույն գնդից պատրաստեք փոքր-ինչ սրված ծայրերով գլան։

գ) Ստացված նարնջագույն գլանը ծալեք և կստանաք կտուցը։

դ) Ստացած աչքերն ու կտոցն ամրացրեք աքաղաղքի գլխին։

3. Թևերը
ա) Խոշոր ոլոռի չափով 2 կանաչ գունդ պատրաստեք։

բ) Այդ գնդերից 2 հաստ գլան սարքեք։

գ) Գլանները տափակեցրեք (կստացվեն թևերը)։

դ) Ստացված պատրաստվածքները ծայրերը փոքր-ինչ դեպի վեր թեքեք։

ե) Ամրացրեք թևերը աքլորի մարմնին։

4. Պոչը
ա) Պատրաստեք փոքրիկ ոլոռի չափով տարբեր գույների գնդեր։

բ) Ստացված գնդերից պատրաստեք գլաններ։

գ) Ստացված գլանները թեթևակի ծռեք և մի ծայրից ամրացրեք մեկը մյուսին։

դ) Ստացված պոչը ամրացրեք աքաղաղի մարմնի հետին մասին։

5. Թաթերը
ա) Պատրաստեք 2 փոքր նարնջագույն գունդ՝ փոքր ոլոռի չափով։

բ) Ստացված գնդերից պատրաստեք 2 հաստ գլան։

գ) Գլանները տափակեցրեք սրածայր կոնի տեսք հաղորդելով դրանց։

դ) Յուրաքանչյուր թաթի վրա ճեղքեր արեք, ինչպես ցույց է տրված նկարում։

ե) Ստացված թաթերն ամրացրեք աքաղաղքի մարմնին։

Այս փիղը պատրաստվում է շատ հեշտությամբ։ Նախատեսված է նախադպրոցական տարիքի երեխաների համար։

Անհրաժեշտ են՝ մոխրագույն և սպիտակ գույնի բարակ ստվարաթղթեր, նարնջագույն կրեպ թուղթ, ինքնակպչուն փոքրիկ շրջաններ կարմիր գույնի, կանաչ գույնի ինքնակպչուն աստղ, սպիտակ և սև գույնի մատիտներ, չոր սոսինձ (ստիկ), մկրատ, քանոն։

1. Մոխրագույն ստվարաթղթի վրանկարեք և կտրեք ուղղանկյուն, որը կունենա 2 ելուստ։ Մի ելուստի ծայրին կտրվածքներ արեք, դա կլինի փղի պոչը, իսկ մյուսը պետք է համեմատաբար հաստ լինի։ Դրա վրա պետք է սոսնձվի գլուխը։

2. Ուղղանկյան խայրերը ծալիր, ինչպես պատկերված է նկարում։ Մատիտով նկարիր փղի ոտքերը։ Պոչի ծայրը մատիտով ներկիր։

3. Ուղղանկյան ծալված ծայրերը սոսնձիր իրար։ Կստանաս փղի մարմինը։

4. Մոխրագույն թղթի վրա նկարիր և կտրիր փղի գլուխը։ Նրա վրա նկարիր աչքերը, կնճիթի ծալքերը, իսկ կնճիթի մոտ սոսնձիր սպիտակ ստվարաթղթից կտրված ժանիքները։ Գլուխը սոսնձիր մարմնին։

5. Ծածկոցի համար նարնջագույն կրեպ թղթից կտրիր ուղղանկյուն, նրա ծայրերին ծոպքեր կտրատիր (կտրվածքներ արա) և զարդարիր այն ինքնակպչուն շրջանակներով ու աստղով։

6. Ծածկոցը սոսնձիր փղի մեջքին։

Միասին պատրաստենք օրիգամի «ճուտիկ»։

Անհրաժեշտ են՝ դեղին քառակուսի թուղթ, գունավոր մատիտներ։

1. Անկյունագծով ծալիր թուղթը, ապա բացիր այն։

2. Նկարում պատկերվածի պես ծալիր վերին անկյունը։

3. Գծիկավոր հատվածից անկյունը ծալիր դեպի ետ։

4. Թուղթը անկյունագծով ծալիր։

5. Ներքևի անկյունները ծալիր դեպի ներս, ինչպես ցույց է տրված նկարում։

6. Ներկիր ճուտիկի կտուցն ու նկարիր աչքը։

Այսօր փայլաթիթեղից կպատրաստենք փայլփլուն ձկնիկներ և դրանց բաց կթողնենք մեր նկարած ծովի մեջ։

Անհրաժեշտ են՝ ջրաներկ, ֆլոմաստերներ, ստվարաթուղթ, աղ, փայլաթիթեղ, ցանցավոր կտոր։

1. Ծով ստանալու համար ստվարաթուղթը ներկենք երկնագույն, ապա դրա վրա շաղ տանք կապույտ ջրաներկ, և, քանի դեռ թուղթը թաց է, թղթի վրա շաղ տանք խոշոր աղ։

2. Երկինք ստանալու համար մեկ ուրիշ ստվարաթուղթը ներկենք բաց երկնագույն ջրաներկով, ապա մի քանի կետում կաթեցնենք համեմատաբար մուգ երկնագույնը։ Այնուհետև այդ հատվածները «սրբենք» անձեռոցիկով։

3. Քանի դեռ ներկը չորանում է, փայլաթիթեղի վրա նկարենք ձկան ուրվագիծը, իսկ այնուհետև փայլաթիթեղի տակ տեղադրենք ցանցավոր կտորը։

4. Եղունգը թեթևակի սեղմելով տանենք-բերենք փայլաթիթեղի վրա։ Արդյունքում կստանանք ձկան թեփուկների տեսքով նախշ։

5. Ձկնիկը ներկենք ֆլոմաստերներով։ Օրինակ՝ ձկան մեջքը կարող է լինել կանաչ գույն, իսկ փորը՝ դեղին։ Պատրաստի ձկնիկներին կտրատենք մկրատով։

6. Այն թղթի վրայից, որի վրա նկարված էր ծովը, թափ տանք աղը և անկյունագծով ալիքաձև գիծ գծենք։ Այդ գծով կտրենք թուղթը։ «Ծովը» և ձկնիկները սոսնձենք երկնքի վրա։

Աշխատանքը պատրաստ է.

Նոր ուսումնական տարին դիմավորենք մեր ձեռքերով պատրաստված թղթե զանգերով։

Անհրաժեշտ են՝ գունավոր ոչ շատ հաստ ստվարաթուղթ, գրասենյակային դանակ, տպիչ։

Ներբեռնեք և ստվարաթղթի վրա տպեք շաբլոնը։ (Շաբլոնն ամբողջական չափով տպելու համար կտացրեք նկարի վրա)։

Գրասենյակային դանակի օգնությամբ զգուշորեն հեռացրեք սև հոծ գծերի միջև ընկած հատվածները։

Կտրվածքները վերջացնելուց հետո սլաքատիպ հատվածը հագցրեք զանգի հակառակ կողմում դանակով բացված ճեղքի մեջ, իսկ զանգի գլուխները՝ իրար վրա։

Զանգը պատրաստ է։ Կարելի է զանգի հակառակ՝ չկտրված մակերեսին մակագրել և զանգը նվիրել ուսուցչին։

Բարակ ստվարաթղթից պատրաստենք խնձոր։

Անհրաժեշտ են
Կարմիր, դեղին և կանաչ գույնի բարակ ստվարաթղթեր, նարնջագույն կրեպ թուղթ, կամրի և կանաչ մատիտներ, սև գույնի ֆլոմաստեր, թափանցիկ ինքնակպչուն ժապավեն (սկոչ), մկրատ, քանոն, բիզ

1. Կարմիր բարակ ստվարաթղթից կտրատեք 4 իրար հավազար երիզներ և դրանցից յուրաքանչյուրի կենտրոնում բզի օգնությամբ անցքեր բացեք։

2. Բացված անցքերի միջով անց կացրեք նարնջագույն կրեպ թղթից պատրաստված քուղը (որը ստացվում է թուղթը իրար վրա փաթաթելու միջոցով) և ներսի կողմից այն ամրացրեք ինքնակպչուն ժապավենի միջոցով։

3. Եթե բոլոր երիզների ծայրերը իրար միացնես ինքնակպչուն ժապավենով, կստանաս գունդ՝ խնձորը։

4. Կանաչ ստվարաթղթի վրա նկարիր տերևը և կտրիր այն։

5. Դեղին բարակ ստվարաթղթի վրա նկարիր և կտրիր որդը։ Տերևը սոսնձիր խնձորի պոչին, իսկ որդը ամրացրու խնձորի կարմիր երիզների արանքում։

Խնձորը պատրաստ է.

Միասին պատրաստենք զամբյուղ փոքրիկ նվերների, ծաղիկների կամ խաղալիքների համար։

Անհրաժեշտ են՝ ստվարաթղթե տուփ, 3 երանգի կրեպ-թուղթ, բարակ ստվարաթուղթ (կրեպ-թղթերից որևէ մեկի գույն), սոսինձ, մկրատ։

1. Կրեպ թղթերից որևէ մեկից կտրիր 2 երիզ և դրանք խաչաձև դիր իրար վրա ու դրանց սոսնձով ամրացրու տուփը։

2. Արկղի տակից դուրս եկող յուրաքանչյուր երիզ բաժանիր ավելի մանր 4 երիզների։

3. Մյուս երկու գույնի կրեպ-թղթերից յուրաքանչյուրից կտրատիրբարակ երիզներ և շախմատային հերթականությամբ դրանք հյուսիր տուփի վրա՝ նախօրոք դրանցից յուրաքանչյուրի ծայրը սոսնձելով տուփին։

4. Երիզների դուրս մնացած հատվածները ծալիր դեպի տուփի ներսը և դրանք սոսնձով ամրացրու տուփին։ Այնուհետև տուփի ներքին հատվածին ևս սոսնձիր կրեպ-թուղթ։

5. Բարակ ստվարաթղթե երիզից պատրաստիր զամբյուղի պոչը, դրա վրա փաթաթիր 3 գույնի կրեպ-թղթերը։ Պոչը սոսնձիր զամբյուղի ներսի կողմում։

Զամբյուղը պատրաստ է.

Ուրվական պատրաստելու համար անհրաժեշտ են՝
թանզիֆ (մառլա), պլաստմասսե շիշ, գնդակ, մետաղալար, էմուլսիա սոսինձ, ջրցան շիշ։

Պլաստմասսե շշի վրա տեղադրում ենք գնդակը, շշի բերանի մոտ փաթաթում ենք մետաղալարն այնպես, որ ձեռքերի տեսք ստանա։

Վրան գցում ենք մառլան։

Էմուլսիան 1:1 հարաբերությամբ բացում ենք ջրի հետ, և ստացված զանգվածը լցնում ջրցան շշի մեջ։

Մառլայի վրա ջրցան շշի միջոցով ցանում ենք էմուլսիա-ջուր զանգվածը և թողնում, որ մառլան ամբողջությամբ չորանա։

Չորանալուց հետո մառլան հանում ենք շշի վրայից ու գլխի վրա ամրացնում աչքերը (սև թղթից պատրաստված շրջանակներ)։

Ուրվականը պատրաստ է։

Պատրաստենք խխունջ պլաստլինից.

1. Խեցին
ա) Պատրաստեք երկնագույն գունդ։

բ) Գնդից երկար գլան ստացեք, որի մի ծայրը սուր է։

գ) Գլանը պարույրաձև փաթաթեք այնպես, որ սուր ծայրը պարույրի ներսում լինի։

դ) Խեցին պատրաստ է։

2. Մարմինն ու գլուխը
ա) Պատրաստեք 2 վարդագույն գունդ։

բ) Մի գնդից գլան պատրաստեք։

գ) Գլանը տափակեցրեք՝ հաղորդելով նրան կոնի տեսք։ Կստանաք խխունջի մարմինը։

դ) Խեցին ամրացրեք մարմնի վրա։ Մարմնի լայն հատվածը փոքր-ինչ դեպի վեր բարձրացրեք ու նրա վրա ամրացրեք մյուս վարդագույն գունդը (գլուխը)։ Լուցկու հատիկի ծծմբային հատվածով փոքրիկ անցք բացեք գլխի վրա՝ բերանի հատվածում։

3. Մռութը
ա) Նախևառաջ պատրաստեք երկու փոքրիկ մուգ վարդագույն գունդ և երկու երկնագույն, համեմատաբար փոքր գնդեր, այնուհետև՝ շատ փոքր երկու սև գնդեր (աչքի բբերը), երկու սպիտակ գնդեր (աչքերը) և ևս մեկ մուգ վարդագույն գունդ։

բ) Խխունջի աչքերը պատրաստելու համար երկու սպիտակ գնդերը թեթև կպցրեք իրար։ Դրանց վրա ամրացրեք բբերը։ Աչքերի ներքևում ամրացրեք մուգ վարդագույն քիթը։

գ) Երկու մուգ վարդագույն գնդերից փոքրիկ գլաններ պատրաստեք և դրանց խխունջի եղջյուրների տեսք հաղորդեք։ Երկու երկնագույն գնդերից պատրաստեք գլաններ և դրանք ունքերի նման կիսաշրջանաձև դարձրեք։

դ) Խխունջի գլխին ամրացրեք եղջյուրները։ Ձևավորեք խխունջի մռութը՝ եղջյուրների տակ ամրացնելով ունքերը, իսկ ունքերի տակ՝ աչքերն ու քիթը։

Խխունջի մարմինը կարող եք պատրաստել վարդագույն, բաց շագանակագույն, երկնագույն կամ մանուշակագույն։ Մի մոռացեք, որ այն անպայման պետք է բաց երանգ ունենա։ Խեցին կարող է լինել ցանկացած գույնի։ Փորձեք խեցին պատաստել բազմերանգ՝ դրա համար գլանը պատրաստելով բազմերանգ պլաստիլինից։

Գունավոր թղթից կարելի է պատրաստել գեղեցիկ «հուլունքներ», որոնցից էլ՝ բազմազան զարդեր։

Անհրաժեշտ են՝ գունավոր թղթեր, սոսինձ, մկրատ, քանոն, սև հասարակ մատիտ, փայտե ձողիկ։

Քանոնի և մատիտ օգնությամբ գունավոր թղթի վրա գծում ենք երկար եռանկյուններ, որի հիմքի լայնությունը կարող է լինել 2-4 սմ, իսկ բարձրությունը՝ 9-15 սմ։

Եռանկյունները կտրատում ենք.

Ստացված եռանկյունների վրա բարակ երիզով սոսինձ ենք քսում, ապա այն փաթաթում փայտիկի վրա.

Սոսինձը քսում ենք հիմքից մոտ կես սմ հեռավորւթյան վրա, որպեսզի փաթաթելիս թուղթը փայտիկին չկպչի։

Ստացված «հուլունքները» զգուշորեն հանում ենք փայտիկի վրայից.

Մնում է այս դետալները անցկացնել թելի կամ ռեզինի վրա և ստանալ վզնոց կամ թևնոց։

Նմանատիպ «հուլունքներ» ստանալու համար կարելի է օգտագործել նաև գույնզգույն ամսագրերի թղթերը։