Ձմերուկի անպետք կեղևը կարելի է օգտագործել գեղեցիկ ծաղկաման ստանալու համար։

Անհրաժեշտ են՝ ձմերուկ, ծաղիկներ, ջրով աման։

Կտրում ենք ձմերուկի վերին հատվածը։ Զգուշորեն, գդալի օգնությամբ հեռացնում ենք ձմերուկի միջուկը և ուտում այն։ Ձմերուկի կեղևի մեջ տեղադրում ենք ջրով լի ամանը։ Մեջը գեղեցիկ դասավորում ենք ծաղիկներն այնպես, որ ամանը չերևա։

Այսպիսի ծաղկամանը կարող է դիմանալ մեկ շաբաթից մինչև մեկ ամիս, կախված նրանից, թե ձմերուկի միջուկը ինչպես եք մաքրել։ Ձմերուկի փոխարեն կարելի է դդում օգտագործել։
Նմանատիպ ծաղկամաններում գեղեցիկ են նայվում խոշոր ծաղիկներն ու մեծ դեկորատիվ տերևներ ունեցող ճյուղերը։ Ծաղիկների կյանքը երկարացնելու համար անհրաժեշտ է թեք կտրվածքի օգնությամբ հեռացնել ծաղիկների ցողունների ծայրերը։

Անհրաժեշտ է՝ ձևանմուշ ծաղկաման, հին թերթեր, փուչիկ, էմուլսիա սոսինձ, սոսնձի վրձին, գունավոր թուղթ, կոնֆետի թղթեր, ֆլոմաստեր, մկրատ, անձեռոցիկներ, մոմլաթ։

Ձևանմուշը պատեք վազելինով կամ քսուքով, ու առանց սոսնձի այն պատեք թաց թերթի կտորներով, ապա 6-8 շերտ սոսնձված կտորներով։ Թողեք չորանա մի քանի օր։

Գրասենյակային դանակի կամ մկրատի օգնությամբ ստացված նմուշը բաժանեք երկու մասի.

Արտաքինից կրկին պատեք 5-6 շերտ սոսնձված թղթերով, մասերը իրար ամրացրեք սոսնձված թղթերի երիզներով.

Ամրության համար ևս 2 շերտ սոսնձված թղթի կտորներ ամրացրեք.

Հղկաթուղթով հարթեցրեք և արտաքին շերտը նախաներկեք.

Նախշազարդեք ծաղկամանը ըստ ձեր ցանկության.

Ամենագեղեցիկ նվերը պատրաստ է.