Ցանկացած եղևնի ցանկանում է Ամանորի տոնին ամենագեղեցիկը լինել։ Դու կարող ես օգնել նրան՝ խաղալով այս խաղը։ Խաղի իմաստը կայանում է նրանում, որ պետք է գծերով միացնել փաթիլները և նկարել խաղալիքներ։

Խաղի կանոնները

* Ներբեռնեք և տպեք բերված նկարը։
* Խաղին կարող են մասնակցել 2 և ավել խաղացողներ։
* Մեկ քայլի ընթացքում խաղացողը կարող է գծով իրար միացնել միայն 2 փաթիլ։
* Անհրաժեշտ է այնպես միացնել փաթիլները, որպեսզի փակ «շրջան» ստացվի։ Այն խաղացողը, ում գծած գիծը կփակի «շրջանը», փաթիլի վրա նկարում է տոնածառի խաղալիք։

Միասին պատրաստենք ժապավեններ, որոնցով կարելի է զարդարել տոնածառը, ինչպես նաև դրանք օգտագործել այլ նպատակներով։

Անհրաժեշտ են. կարմիր ատլասե ժապավեններ 5-7սմ լայնությամբ և մոտավորապես 30սմ երկարությամբ, թել ու ասեղ, սիլիկոնե սոսինձ։ 

1. Վերցնում ենք ժապավենը և նրա եզրերը բերում իրար վրա՝ փայլուն կողմը դեպի դուրս վիճակում.

2. Թել  ու ասեղի օգնությամբ ստացված դետալը ֆիքսում ենք։

3. Թելի ծայրից քաշում և թելը փաթաթում ենք ստացված հանգույցի վրա.

4. Ստացված ժապավենի ծայրերը մկրատի օգնությամբ ձևավորում ենք, ապա եզրերը թեթևակի հալեցնում մոմի վրա, որպեսզի ժապավենի թելերը չքանդվեն։

5. Վերցնում ենք 1.5-2սմ երկարությամբ նույն ժապավենից և այն ծալում այնպես, որ ստանանք 0.5սմ լայնությամբ դետալ.

6. Սիլիկոնե սոսնձի օգնությամբ այդ դետալն ամրացնում ենք ժապավենի հանգույցի վրա.

7. Ժապավենը պատրաստ է. 

Յուրաքնաչյուր տանը կգտնվեն բազմաթիվ պլաստիկ շշեր։ Այդ կենցաղային աղբը կարելի է օգտագործել տոնածառի զարդ պատրաստելու համար։
Պատրաստենք փաթիլներ պլաստիկ շշերից։

Անհրաժեշտ են՝ պլաստիկ շշեր, գրասենյակային դանակ, գուաշ կամ այլ ներկ։

1. Պլաստիկ շշերից գրասենյակային դանակի օգնությամբ զգուշությամբ կտրենք նրանց հատակի հատվածը.

2. Գուաշի օգնությամբ սպիտակ կամ երկնագույն ներկով փոս ընկած հատվածները հիմք վերցնելով, նկարում ենք փաթիլներ.

3. Փաթիլները պատրաստ են, այժմ, դրանց վրա կարելի է շիկացած ասեղով անցքեր բացել և թել անցկացնել ու դրանք կախել տոնածառից.

Յուրաքանչյուր տոն փոքրիկի համար իսկական հրաշք է, որի ընթացքում նա սպասում է իր ամենաբաղձալի երազանքների իրականացմանը։ Ամանորն իր յուրօրինակ, հեքիաթային մթնոլորտով ոչ մի ուրիշ տոնի հետ չի կարելի համեմատել։
Ցանկացած ծնող ուզում է իր փոքրիկի համար նոր տարվա գիշերը անկրկնելի դարձնել։ Իսկ ինչպե՞ս կազմակերպել Ամանորի տոնն այնպես, որ այն երկար հիշվի։ Փոքրիկի համար գեղեցիկ տոն կազմակերպելը բացարձակապես դժվար չէ։ Անհրաժեշտ է մի փոքր երևակայել ու ժամանակը չխնայել։

Այսպես. հիշեք, որ նախատոնական ընտանեկան զբոսանքը տոնին պատրաստվող քաղաքի մեջ երեխայի համար բավական հետաքրքիր իրադարձություն է։ Չէ՞ որ շուրջ բոլորը գեղեցիկ զարդարված տոնածառներ են, փողոցներն ու խանութների ցուցափեղկերը գեղեցիկ լուսավորված։ Այդ ընթացքում երեխային պատմեք տոնի մասին, այն մասին, թե ի՞նչ է նրան սպասվում Նոր տարվա գիշերը, պատմեք, որ շատ հյուրեր եք ունենալու և նրան այցելելու են Ձմեռ Պապն ու Ձյունանուշը։
1-3 տարեկան երեխաները խիստ կախման մեջ են գտնվում իրենց ծնողների հույզերից և նյարդային կծիկի վերածված ծնողներին տեսնելով չեն կարողանա ուրախանալ։ Այդ իսկ պատճառով ամբողջ հոգով ձուլվեք տոնին և թույլ մի տվեք առօրյա և տոնական հոգսերն իրենց զգացնել տան փոքրիկի ներկայությամբ։

Տոնը երեխաների հետ ցանկալի է նշել տանը։ Եթե փոքրիկն արդեն բոլորել է երկու տարին, ապա նրան կարելի է համարել տոնակատարության լիիրավ մասնակից։ Եթե Ձեր հյուրերի թվում սպասվում են նաև երեխաներ, ապա նրանց համար տոնական անկյուն պատրաստեք, որտեղ նրանք կխաղան ու կզբաղվեն։ Հիշեք, որ 2-3 տարեկան երեխաները շատ արագ են ձանձրանում միևնույն խաղերից։ Այդ իսկ պատճառով պետք է մի քանի հետաքրքիր զբաղմունք նախօրոք մտածել։ Օրինակ, կարելի է այդ տարիքի երեխաների հետ խաղալ «ձնագնդիկ» ճմրթած անձեռոցիկների միջոցով։ Երեխաների հետ «շոգեքարշ-գնացք» խաղացեք տոնական գեղեցիկ երաժշտության ներքո։ Գնացքով երթի ընթացքում պարբերաբար կանգնեք, ու թող երեխաներն այդ ընթացքում որևէ բան արտասանեն ու երգեն։ Խրախուսեք երեխաներին փոքրիկ մրցանակներով։ Երեխաների վերջին «կանգառը» տոնածառի լույսերը վառելու գործընթացն է։ Դա ևս կարելի է վերափոխել խաղի։ Օրինակ, թող երեխաները փչեն տոնածառի վրա, այդ ընթացքում տոնածառի լույսերը կհանգչեն, իսկ երբ ծափ տան, ապա կվառվեն։ Եվ վերջապես, ամենասպասված պահը նվերների բաժանումն է։ Այն ևս կարելի է խաղի վերածել։ Երեխաներին կարող եք բաժանել բացիկներ, որոնց վրա նրանց ծանոթ առարկաների նկարներ են փակցված։ Եվ այդ նույն նկարներից փակցնեք նաև յուրաքանչյուր նվերի վրա։ Այդպիսով, նրանք կկարողանան ճանաչել հենց իրենց նվերը։
Ոչ մի դեպքում մի մոռացեք ռեժիմի մասին։ Թույլ տվեք փոքրիկին Ձեզ հետ միասին դիմավորել ամանորը, ապա պառկեցրեք քնելու։ Մի շտապեք նվերները տալ դեկտեմբերի 31-ին։ Թող երեխաներն առավոտյան դրանք գտնեն եղևնու տակ, չէ՞ որ հեքիաթում Ձմեռ Պապիկը այցելում է, երբ փոքրիկը քնած է։

Ինչքան երեխան մեծ է, այնքան հեշտ է նրա և հյուրերի համար զբաղմունք գտնել։ Միջոցառման սցենարը նախապես մտածեք։ Օրինակ, կարելի է երեխաների համար «կազմակերպել ճանապարհորդություն հեքիաթների աշխարհ»։ Կարող եք հանելուկներ առաջարկել, որպեսզի նրանք լուծեն։ Կարելի է առաջարկել գտնել նվերների պարկը, որը գողացել են Ձմեռ Պապիկի մոտից։ Կարող եք վերցնել ցանկացած այլ միջոցառումների սցենարներ և դրանք մի փոքր հարմարեցնել ամանորի տոնին։ Քանի որ երեխաները նվերներ շատ են սիրում, կարելի է նախապես մի քանի նվեր պատրաստել։ Բայց նվերները պետք չէ միանգամից տալ երեխային։ Գլխավոր նվերները դրեք տոնածառի ու բարձի տակ։ Մեկ այլ նվեր կարելի է դնել ամանորյա գուլպայի մեջ։ Նվեր կարելի է դնել երկարաճիտ կոշիկի մեջ։ Պատկերացրեք, ինչքան կուրախանա երեխան, երբ զբոսանքի գնալուց առաջ հայտնաբերի այն։ Նվերները պետք է լինեն ոչ միայն հետաքրքիր, այլ նաև օգտակար և ուսուցանող։ Տղաներին կարելի է նվիրել կոնստրուկտոր-լեգոներ, իսկ աղջիկներին՝ կարուձևի պարագաներ։

Ավելի մեծ տարիքի երեխան կարող է մի օր հայտնաբերի, որ Ձմեռ Պապիկ գոյություն չունի։ Սակայն դա չի նշանակում, որ տասնամյա փոքրիկը ամանորի տոնին Ձեզնից հրաշք ու կախարդանք չի ակնկալում։ Չէ՞ որ նույնիսկ մեծերը ժամացույցի զարկերի հետ միաժամանակ երազանք են պահում։ Ամանորի գիշերը կարող եք մանկանալ։ Հագեք դիմակահանդեսային հագուստ երեխաների հետ։ Մանկական միջոցառման համար նախապես վիկտորինաներ մտածեք և դրանց մասնակից դարձրեք նաև մեծահասակներին։ Կարող եք երեխաների հետ միաժամանակ խաղալ «փչացած հեռախոս»։ Կարելի է կազմակերպել նաև հետևյալ խաղը. յուրաքանչյուր երեխա (կամ մեծահասակ) միմիկաներով անխոս նկարագրում է, թե կողքինի համար ինչ նվեր կցանկանար պատրաստել։ Երեխաները պետք է գուշակեն այդ նվերը։
Այս տարիքի երեխաների համար նվերը պետք է հաճելի անկնկալ լինի։ Իսկ ընտանիքի մյուս անդամների համար նվերներ ընտրելիս կարելի է խորհրդակցել երեխայի հետ։ Այդ դեպքում նա իրեն օգտակար ու հպարտ կզգա։

Տոն մաքուր օդում

Եթե ամանորին նախօրեին ձյուն գա, ապա կարելի է երեխաներին հետ բակում ձնեմարդ ծեփել, բակային եղևնին զարդարել ու նրա շուրջը պարել։ Ձնե բակը զարդարելը շատ ինքնատիպ ու հաճելի զբաղմունք է։ Կարելի է նախօրոք պատրաստել գունավոր սառույցներ ու դրանցով զարդարել շուրջբոլորը։ Դրա համար պետք է ջրաներկով լուծված ջուրը սառցախցիկում սառեցնել։ Ձյունից կարելի է գեղեցիկ ամրոցներ ու ձնե մարդուկներ պատրաստել։ Իսկ եթե ձյուն չլինի, ամենևին հոգ չէ, կարելի է նաև պայծառ եղանակին բակի եղևնին զարդարել ու պարել նրա շուրջը։ Միայն պետք է հիշել, որ այս դեպքում երեխաներն ինչքան շատ լինեն, այնքան հետաքրքիր կլինի։

Մանկական միջոցառումները պետք չէ ձգձգել, որպեսզի երեխաները չհոգնեն ու չձանձրանան։ Միջոցառումից հետո երեխաները պետք է հանգստանան։ Կարելի է նրանց քնացնել կամ թույլ տալ հանգիստ զբաղմունքի անցնել՝ նկարել, մուլտֆիլմ դիտել։ 2-3 տարեկան երեխաների համար միջոցառումը կես ժամից ավելի չպետք է տևի։ 3-5 տարեկան երեխաների համար այն պետք է լինի մոտ 1 ժամ տևողությամբ, իսկ 5-8 տարեկանների համար՝ ոչ ավել, քան 2 ժամը։

Զարդարում ենք տունը երեխաների հետ միասին

Տոնածառ զարդարելը երեխաների ամենասիրելի զբաղմունքներից մեկն է։ Տոնածառը կարելի է զարդարել ոչ միայն հատուկ զարդարվելու համար նախատեսված խաղալիքներով։ Պարզապես պետք է հիշել, որ այդ զարդերը պետք է կոտրվող չլինեն։
Այն տանը, որտեղ փոքրիկ երեխա կա, միշտ էլ կգտնվեն փոքրիկ խաղալիքներ, որով հնարավոր կլինի զարդարել տոնածառը։ Օրինակ, որպես տոնածառի խաղալիք կարելի է օգտագործել կինդեր-ձվիկների միջից դուրս եկած խաղալիքները։

Ձնե նախշեր լուսամուտների վրա
Տան պատուհանները կարելի է զարդարել սեփական նկարներով։ Ցանկալի է նկարել գուաշով, որը հետո հեշտությամբ մաքրվում է ապակիների վրայից։ Պետք է հիշել, որ նկարները պետք է թեմատիկ լինեն՝ նվիրված ձմռանն ու ամանորին։

Իսկ թղթերից և այլ նյութերից ամանորի զարդերի պատրաստման նկարագրություններ կգտնեք մեր կայքի հոդվածներում։

Շուտով ձեր երեխայի ծննդյան տո՞նն է և դուք ուզո՞ւմ եք հիշարժան, յուրահատուկ տոն կազմակերպել։ Դրա համար բացարձակապես
պարտադիր չի խաղավարներ հրավիրել, դիմել հատուկ կազմակերպությունների կամ մանկական սրճարանում նշել։ Ուրախ, հետաքրքիր ու հիշարժան ծննդյան տոն կարելի է կազմակերպել նաև տան պայմաններում՝ սեփական ձեռքերով և ունակություններով։ Պարզապես անհրաժեշտ է մի փոքր ժամանակ ու համբերություն՝ ամեն ինչ նախօրոք պլանավորելու և կազմակերպելու համար։

1. Քանի՞ օր մնաց…
Երեխան անհամբերությամբ է սպասում իր ծննդյան տոնին և անընդհատ հարցնում. «Ե՞րբ, ինչքա՞ն մնաց, քանի՞ օրից…»։ Նման «բարդ» հարցերին ամեն օր չպատասխանելու համար պատրաստեք օրացույց՝ «Տոնին սպասելիս», որ երեխան ամեն օր պոկի համապատասխան նիշը և տեսնի, թե քանի՞ օր է մնացել։

Ամենահետաքրքիրն այն է, որ երբ երեխան բոլոր թվերը պոկի, վերջում կմնա միայն թղթե տորթը, որը երեկոյան կդառնա իսկական ծննդյան տորթ։

Դրա համար պարզապես պահանջվում է նկարել այնպիսի տորթ, որը պատրաստվում եք պատրաստել կամ պատվիրել։

2. Զարդարենք տունը մեր ձեռքերով
Փոքրիկ հյուրերի համար, և ընդհանրապես, տոնական մթնոլորտ ստեղծելու համար անհրաժեշտ է զարդարել տունը։ Իհարկե, նման տոներին անպայման փուչիկներ պետք է առկա լինեն տան զարդարանքի մեջ։ Հրաշալի կլինի, եթե հելիումով լցված փուչկներ լինեն։

Շատ գեղեցիկ են նայվում կրեպ-թղթերից պատրաստված գնդերը՝

Այդպիսի գնդեր պատրաստելը բավական հեշտ է։ Դրա համար վերցնում եք մի քանի շերտ իրար վրա դրված կրեպ-թղթեր, դրանք ծալծում հարմոնի (ակորդեոնի) նման, մեջտեղում ամրացնում մետաղալարով, եզրերին կլոր տեսք հաղորդում և շերտ առ շերտ բացում.

Խանութներում վաճառվում են չինական լապտերիկներ, որոնք ևս տոնական տեսք կհաղորդեն տանը.

Լապտերիկներ կարելի է պատրաստել ինքնուրույն։ Այդպիսի լապտերիկների պատրաստման եղանակը բերված է այս հոդվածում.

Չմոռանաք նաև տոնական շղթաների մասին։ Դրանք կարելի է պատրաստել կրեպ-թղթից, պոմպոններից, սովորական թղթից, դրոշակներից և այլն։ Դրանց պատրաստման ձևը բերված է այս հոդվածում.

Հետաքրքիր գաղափար է փուչիկներից կամ այլ նյութերից գրել այն թիվը, որը համապատասխանում է երեխայի ծննդյան տարեդարձի թվին։

Այս հոդվածում կներկայացնենք տարբեր նյութերից սարքված շղթաների պատրաստման եղանակները.

1. Ամենապարզ շղթան՝ գունավոր թղթից.
Գունավոր թղթերից կտրատում ենք երիզներ մոտ 0.5սմ լայնության և 5-7սմ երկարության, ապա մեկը մյուսի մեջ հագցնում՝ սոսնձելով ծայրերը.

2. Գեղեցիկ շղթաներ կարելի է պատրաստել՝ նախօրոք թղթերը ձևավոր կտրատելով և իրար մեջ հագցնելով։ Դրա համար անհրաժեշտ է գունավոր թուղթը ուղղանկյուններով կտրատել և համաչափ ծալել։ Ստացված ուղղանկյան մի կողմի վրա նկարել շղթայի մի մասնիկի գծապատկերը, ապա մկրատով կտրել այն և բացել ծալվածքը։ Երկար շղթա ստանալու համար պետք են նմանատիպ շատ դետալներ։ Այնուհետև հերթականությամբ հագցվում են դետալները մեկը մյուսի միջև։

Ահա թղթե շղթա ստանալու մեկ տարբերակ ևս.

3. Կարելի է սրտիկներով գեղեցիկ շղթա կառուցել հետևյալ կերպ.

Ահա նմանատիպ շղթայի ավելի բարդ տարբերակը.

4. Շղթա սարքելու բավական հեշտ եղանակ է հետևյալը.
11

Այսպիսի շղթա սարքելու համար անհրաժեշտ է գունավոր թուղթ, մկրատ ու սոսինձ (ստեպլեր կամ էլ կպչուն ժապավեն).
   
Առանձին դետալները պետք է իրար սոսնձել ավելի երկար շղթա ստանալու համար և կախել համապատասխան տեղում.
Մեջտեղից ծալած գունավոր թղթին նման մեթոդով կարելի է ստանալ ահա այսպիսի շղթա.

Գեղեցիկ թղթե շղթաներ կարելի է ստանալ՝ գունավոր թուղթը կտրատելով պարույրաձև.

5. Հետաքրքիր շղթա կարելի է ստանալ գունավոր ստվարաթուղթը փոքր երիզներով կտրատելով, ապա դրանք կարի մեքենայի միջոցով կենտրոնական հատվածից կարելով։ Շղթայի մի ծայրին ամրացվում է փոքր-ինչ ծանր բեռ (պլաստիլինի, կոճակ),որպեսզի շղթան շատ չտատանվի, իսկ մյուս ծայրը ամրացվում է առաստաղին, լուսամփոփին.
     
Այս մեթոդով կարելի է շղթաներ պատրաստել ոչ միայն երիզներից, այլև շրջաններից ու այլ պատկերներից.
   
6. Կարելի է գեղեցիկ շղթաներ պատրաստել քաղցրավենիքի միջոցով.
Ահա օրինակ այս շղթան բաղկացած է փոփ-քորնից և կոնֆետներից.
 
7. Դրոշակներով սարքած շղթաները տոնական տեսք կհաղորդեն ցանկացած միջոցառմանը։ Դրոշակները կարելի է պատրաստել թղթից և կտորից.