Նմանատիպ զբաղմունքը զարգացնում է երեխայի երևակայություն, մանր մոտորիկան։ Ձեռքը նախապատրաստում է դպրոցին։

Այսօր միասին կպատրաստենք ճուտիկ՝ ձվիկի մեջ։ 

Անհրաժեշտ են՝ գրասենյակային թուղթ, տպիչ, բութ ծայրով իր, գրասենյակային դանակ, սոսինձ։

Այս գեղեցիկ պատրաստվածքը պատրաստելու համար անհրաժեշտ է ներբեռնել և տպել շաբլոնները գրասենյակային թղթի վրա, ապա, հետևելով հրահանգներին՝ կատարել քայլերի հաջորդականություն։

Շաբլոնները

Շաբլոններն իրական չափերով տպելու համար ակտիվացրեք նկարները։

Աշխատանքի ընթացքը

1. Որևէ բութ ծայր ունեցող իրով (օրինակ թանաքը վերջացած գրիչ) եզրագծեք բերված շաբլոնի գծերը։

2. Գրասենյակային դանակի օգնությամբ կտրեք բոլոր հոծ գծերը։ Կտրված դետալների հետևի մասում նշեք դրանց համապատասխան համարները՝ հետագայում խառնաշփոթից խուսափելու համար։

3. Ծալեք և սոսնձեք E09 և E10 կտորները։

4. Ծալեք և սոսնձեք C01, C02, C03, C04, C05 և C06 կտորները։

5. Ծալեք և սոսնձեք C01 կտորը C08 կտորին։ Ճուտիկը պատրաստ է։

6. Եվ վերջապես սոսնձեք ճուտիկին ձվին ներսի կողմը։

Նյութի հեղինակային իրավունքները պատկանում են Epson կայքին։

Գունավոր թղթերի միջոցով պատրաստենք զատիկ։

Անհրաժեշտ են՝ կարմիր թուղթ, սպիտակ թուղթ, սոսինձ, սև մատիտ։

Տարբերակ 1

1. Քառակուսի թուղթը ծալում ենք հավասար մասերի, նրա վրա կիսաշրջան նկարում և կտրում այն, ապա կտրված թուղթը բացում ենք ու ստանում շրջան։

2. Ծալքի գծով կտրվածք են անում ու երկու կիսաշրջաններն իրարից մի քիչ հեռացնում ենք։ Ստանում ենք թևերը։

3. Սև մատիտով նկարում ենք զատիկի մարմինը, գլուխն ու բեղերը։ Չենք մոռանում թևերի վրա պտերի մասին։
Զատիկը պատրաստ է։

Տարբերակ 2

1. Վերցնում ենք քառակուսի թուղթը, ծալում այն երկու անգամ։

2. Անկյունը մկրատի օգնությամբ կլորացնում ենք ու բացում թուղթը։ Ստանում ենք շրջան։

3. Ծալքի գծով շրջանը բաժանում ենք երկու հավասար մասերի։ Ստանում ենք թևերը։

4. Մի կիսաշրջանը հիմք ընդունելով, սև մատիտով նկարում ենք գլուխը, բեղերը, ոտքերն ու թևերի պտերը։ Զատիկը պատրաստ է։

Ձվերը նախշազարդելու հետաքրքիր ու հեշտ տարբերակ է ձվի դեկուպաժը: Այս մեթոդով զարդարված ձվերը հատկապես դուր կգան երեխաներին:
Անհրաժեշտ են՝ պինդ խաշած ձվեր (ցանկալի է սպիտակ), հում ձվի սպիտակուց, նկարազարդ անձեռոցիկներ, վրձին:

Անձեռոցիկի նկարազարդ շերտը առանձնացում ենք (սպիտակ շերտերը չենք օգտագործելու), ապա կտրատում վրայի պատկերները:

Նկարը դնում ենք ձվի վրա, ապա վրձնի օգնությամբ պատկերի վրա և նրա կողքերը քսում ենք ձվի սպիտակուցը:

Արդեն նկարազարդ ձվերը թողնում ենք մոտ 15 րոպե, որպեսզի ձվի սպիտակուցը չորանա:

Քվիլլինգ տեխնոլոգիայով պատրաստենք ճուտիկ։

Անհրաժեշտ են՝ գունավոր թղթի 2-3մմ լայնությամբ երիզներ, սոսինձ, մկրատ։

Դեղին երիզներից մեկից մոտ 4սմ տրամագծով շրջան ենք պատրաստում՝ սոսնձելով ծայրերը.

Դեղին երիզներից պատրաստում ենք ձիգ պարույրներ, թողնում, որ դրանք բացվեն ու դառնան ազատ պարույրներ, ապա ծայրերը սոսնձում։ Ստացված ազատ պարույրներից պատրաստում ենք քվիլլինգի զանազան դետալներ։

Պատրաստի դետալները սկսում ենք սոսնձի օգնությամբ ամրացնել նախօրոք պատրաստված շրջանի մեջ։

Ստանում ենք ճուտիկի մարմինը։ Համանման ձևով պատրաստում ենք գլուխը։ Նախ պատրաստում ենք մոտ 2սմ տրամագծով շրջան, պատրաստում ենք քվիլլինգի դետալներ։ Գլխի դեպքում չենք մոռանում պատրաստել աչքը։ Աչքը պատրաստելու համար երկնագույն կամ կապույտ թղթից ձիգ պարույր ենք պատրաստում, սոսնձում ծայրը, ապա այդ պարույրի վրա ձիգ փաթաթում ենք սպիտակ երիզ։

Երբ գլուխը պատարստ է, սոսնձով այն ամրացնում ենք մարմնին։

Կարմիր երիզից պատրաստում ենք կտուցը։ Կտուցը պատրաստվում է ազատ պարույրից եռանկյունաձև դետալ սարքելով։

Չենք մոռանում պատրաստել նաև ճուտիկի պոչը։ Այն կարող է լինել եռանկյուն դետալ, շեղանկյուն դետալ, կաթիլ և այլն։

Ճուտիկը պատրաստ է։ Որպեսզի նրան ամրություն հաղորդենք, վրան քսում ենք 1։1 հարաբերությամբ էմուլսիա-ջուր խառնուրդը և թողնում, որ չորանա։ Այս գեղեցիկ ճուտիկը կարելի է օգտագործել որպես կախազարդ, կարելի է սրանով զարդարել բացիկները, ինչպես նաև կարելի է զարդարել զատիկի սեղանը։

Այս հեշտ և արագ պատրաստվող տակդիրները կարող են պատրաստել նույնիսկ նախադպրոցական տարիքի երեխաները։ Անհրաժեշտ են՝ ստվարաթղթե գլանակ, գունավոր թուղթ, մկրատ և սոսինձ։

Ստվարաթղթե գլանակը բաժանում ենք 3 հավասար մասերի՝

Վերցնում ենք գունավոր թղթի կեսը (A5 չափս), նրա մի երիզը մոտ 1սմ լայնությամբ կտրում պոչի համար, իսկ մնացած թղթի վրա ստացված գլանների բարձրության չափով նշում ենք անում։

Թղթի վրա 0.7սմ լայնությամբ ծոպքեր ենք կտրատում՝ մինչև նշման գիծը.

Չկտրված հատվածի վրա սոսինձ քսում և այդ հատվածն ամրացնում ենք գլանին.

Ծոպքերի ծայրին սոսնձի կաթիլ ենք կաթեցնում և այն ամրացնում գլանե հիմքին.

Բոլոր ծոպքերը ամրացնելուց հետո սոսնձի օգնությամբ կպցնում ենք պոչը.

Տակդիրը պատրաստ է.

«Զատիկ»-ն այն տոներից է, որին անհամբերությամբ սպասում են երեխաները։ Իրենց ձեռքվ աճեցրած կանաչ ծածկույթը, բազմերանգ ձվերի խաղը երեխաների ամենասիրելի պահերից է։ Ձեզ ենք առաջարկում Զատիկի դեկոր, տունը զարդարելու համար, որը պատրաստելու համար պետք է օգտագործենք մինչ այժմ սովորած ու պատրաստած դետալները։

Անհրաժեշտ են՝ ձվաձև փուչիկ, բամբակյա թել, էմուլսիա սոսինձ, մկրատ, գունավոր թղթեր, գործվածքի դեղին կամ դարչնագույն թել, հուլունքներ և պլաստիկ բաժակ։

• Ձվիկը պատրաստում ենք ինչպես թելի գունդը, բայց վերցնելով ձվաձև փուչիկ, և փուչիկի մի մասը թելով չպատելով։

Թելի գնդի պատրաստման եղանակը բերված ա այս հոդվածում. «Գունդ թելից»։

• Ճուտիկը

Թելից ճուտիկը պատրաստում ենք ինչպես ցույց է տրված այս հոդվածում. «Ճուտիկ թելից։ Զատիկի պատրաստվածքներ»։

• Ծաղիկները.

Ծաղիկները պատրաստվում են քվիլլինգ տեխնոլոգիայով. «Խատուտիկ թղթից»

Պատրաստելով և իրար միավորելով բերված դետալները, ստանում ենք գեղեցիկ դեկոր։

Գեղեցիկ մատուցմամբ լոլիկը երեխայի ախորժակը կբացի։ Այս գաղափարները կարելի է իրականացնել երեխայի հետ միասին։ 

«Ոզնի»

Լոլիկը բաժանիր 2 մասի, վրան հորիզոնական կտրվածքներ արա՝ «փշերի» համար։ Բարակ օղերով կտրատի բողկն ու վարունգը, ապա յուրաքանչյուր օղ բաժանի 4 մասի։ Կտրված հատվածներից յուրաքանչյուրը սուր ծայրով «հագցրու» լոլիկի կտրվածքների մեջ՝ ասես դրանք փշեր լինեն։ Ոզնու մռութը պատրաստելու համար 1 բողկը բաժանի 4 մասի, և 1 ձիթապտուղը՝ 2 մասի։ Ձիթապտղի վրա հագցրու ոլոռ, իսկ աչքերը նկարի թթվասերով կամ մայոնեզով։

«Լոլիկ եղբայրներ»

Զույգ եղբայրների համար անհրաժեշտ է լոլիկներով ճյուղ։ Ականջների համար լոլիկի կողային հատվածներում կտրվածքներ արա և դրանց մեջ դիր վարունգի կտորներ։ Քթի ու աչքերի համար օգտագործիր ոլոռ ու եգիպտացորեն։ Լայն ժպիտը նկարի թթվասերով.

«Զատիկներ»

Միջին չափի լոլիկը բաժանիր երկու մասի և յուրաքանչյուր կեսի վրա փոքրիկ եռանկյուն կտրվածք արա։ Ատամի չոփիկով անցքեր արա և այդ անցքերի մեջ դիր ձիթապտղի կտորներ։ Ձիթապտղի կեսն օգտագործիր գլուխը պատրաստելու համար, իսկ աչքերը նկարիր թթվասերով։

Պատրաստենք Զատիկի զամբյուղ քվիլլինգ մեթոդով։

Անհրաժեշտ է. Երկկողմանի գունավոր թուղթ, սոսինձ, կլոր ստվարաթղթե տուփ,ստվարաթուղթ։

1. Զամբյուղը պատրաստելու համար կլոր տուփին սոսնձում ենք ստվարաթղթից կտրված 2.5-3սմ լայնությամբ երիզներ՝ այն դարձնելով միագույն և ամրացնում ենք 1սմ լայնությամբ ստվարաթղթե պոչը.

2. Զամբյուղի վրա ամրացնում ենք նախապես քվիլլինգ մեթոդով պատրաստված դետալներ.

3. Զամբյուղի հատակին սոսնձում ենք թավշյա գունավոր թուղթ։ Կանաչ թղթից պատրաստում ենք խոտ՝ զամբյուղի հատակին դնելու համար.

4. Ձվիկները պատրաստելու համար պետք է քվիլլինգ մեթոդով փաթաթել ձիգ պարույր։ Պարույրը փաթաթվում է 0.5մմ լայնությամբ և 30սմ երկարությամբ 15-20 երիզներից (դրանք իրար են սոսնձվում)։ Մեկ ձվի համար անհրաժեշտ է երկու ձիգ պարույր։

5. Պարույրներից մատների օգնությամբ սեղմելով ստանում ենք կոներ, որոնք ներսի կողմից պատում ենք էմուլսիա սոսնձով և թողնում, որ չորանան։

6. Ձվիկի երկու կտորները (երկու կոներ) իրար ենք սոսնձում, ապա միացման հատվածին սոսնձում ենք գունավոր թղթե երիզ։

Դեկորատիվ զամբյուղը պատրաստ է՝

Պատրաստենք դեկորատիվ զամբյուղներ Զատիկի սեղանը զարդարելու համար.

Անհրաժեշտ է՝

մեկանգամյա օգտագործման պլաստիկ բաժակ, կրեպ թուղթ, դեկորատիվ ձվեր, կանաչ թուղթ, ստեպլեր։

1. Վերցնենք մեկանգամյա օգտագործման պլաստիկե բաժակը.

2. Նկարում պատկերվածի նման բաժակը երիզների բաժանենք՝ մինչև հատակից 1-2սմ բարձրությունը.

3. Ստեպլերի օգնությամբ ամրացնում ենք նախօրոք պատրաստված պոչը (այն կարող է պատրաստված լինել գունավոր թղթից, մեծ պլաստիկե ափսեներից և այլն)

4. Ոլորում ենք երիզները ինչպես ցույց է տրված նկարում։

Ահա այսպիսի զամբյուղ պետք է ստանանք.

5. Կրեպ թղթից կտրատում ենք ծաղկի թերթիկներ ու ծաղիկներ պատրաստում.

Զամբյուղի հատակին դնում մի քանի երիզ կանաչ թուղթ, վրան դնում մի քանի հատիկ դեկորատիվ գունավոր ձու, ամրացնում ծաղիկները զամբյուղներին։ Զամբյուղը պատրաստ է.