Սովորենք նկարել ամենատարբեր պատկերներ ամենապարզ եղանակով։ 

Անհրաժեշտ է հետևել բերված քայլերի հաջորդականությանը և նույնությամբ կրկնել դրանք։

Այս հոդվածում կսովորեցնենք նկարել կենդանիներ ամենափոքրիկներին.

Օրիգամի տեխնոլոգիայով պատրաստենք բևեռային սպիտակ արջուկ։

Անհրաժեշտ է սպիտակ քառակուսի թուղթ, սև մատիտ։

1. Քառակուսի թուղթը քառատակ ծալեք և բացեք։ Շուռ տվեք այն հակառակ կողմ.

2. Ծալեք և ծալքը բացեք նաև անկյունագծերով.

3. Այժմ նշված գծերով միաժամանակ ծալեք այնպես, որ ստանաք դեպի ներս ծալքեր ունեցող կրկնակի եռանկյուն.

4. Այդ եռանկյան վերին արտաքին անկյունները ծալեք դեպի կենտրոնը.

5. Շուռ տվեք պատրաստվածքը հակառակ կողմ.

6. Այժմ աջ հատվածը դեպի ձախ ծալեք այնպես, որպեսզի ծալքի գիծը հավասար մասերի բաժանի նշված հատվածը.

7. Արջուկի ապագա թաթիկը վեր բարձրացրեք և նկարում ցույց տրված ձևով ծալեք.

8. Վերջին երկու կետերը կրկնեք նաև ձախ հատվածի համար.

9. Արջուկի ապագա թաթիկները ծալեք դեպի պատրաստվածքի կենտրոն։ Ծալքի գծերը կողային եզրերից փոքր-ինչ պետք է դուրս մնան։

10. Այժմ պատրաստեք գլուխը։ Դրա համար պատրաստվածքի վերին հատվածը ծալեք դեպի ներքև.

11. Այժմ «բացեք» արջուկի թաթերի գրպանիկները՝ դրանք փոքր-ինչ դեպի կողք տեղաշարժելով։

12. Նշված գծերում ուղիղ անկյունով ծալքեր կատարեք և արջուկին դրանց օգնությամբ նստեցրեք սեղանին։ Հաստատուն դիրքի բերելու համար պատարստվածքը մի փոքր դեպի առաջ թեքեք։

13. Գլխի վրա նկարեք աչքերը, քիթն ու բերանը։

Սպիտակ արջուկը պատրաստ է։

Հետաքրքիր փաստ. բևեռային սպիտակ արջերը երբեմն նստում են հենց այս դիրքով։