Պատրաստենք փոքրիկ խաղալիք՝ սկյուռիկ։Անհրաժեշտ է շագանակագույն և սպիտակ ֆետր կտորներ, մկրատ, թել ու ասեղ, մետաղալար, լցոն (սինտեպոն կամ բամբակ)։
1. Կտորի վրա շաբլոնի միջոցով ուրվագծում և կտրատում ենք սկյուռիկի դետալները։ Եթե պահպանենք շաբլոնի 1։5 մասշտաբը, ապա կստանանք 7սմ բարձրությամբ խաղալիք.
(շաբլոնը իրական չափով ներբեռնելու համար ակտիվացրեք նկարը)։
Ահա դրանք կտրատված վիճակում։
2. Կարում ենք սկյուռիկի այտերի կտրվածքները և փորի վրայի շեղանկյունը։ Կարերը արվում է ներսի կողմից.
3. Գլուխը սկսում ենք կարել դնչից դեպի ետ։
4. Կարելով ամրացնում ենք սպիտակ փորը.
5. Մետաղալարը դնում ենք ոտքերի մեջ, մարմնի մեջ լցոն լցնում (սինտեպոն կամ բամբակ).
6. Կարում ենք քիթը, ամրացնում կոճակ-աչքերը։
7. Կարում ենք ականջները։ Դրանք ծալում ենք և ծալված վիճակում ամրացնում գլխին.
8. Կարում ենք պոչը։ Մեջը լցոն ենք լցնում և ամրացնում մեջքին։
9. Ֆլոմաստերով վրան զոլեր ենք անում.
Սկյուռիկը պատրաստ է.
