Միասին պատրաստենք տարածական փաթիլներ թղթե երիզներից։
Փաթիլը պատրաստելու համար անհրաժեշտ են՝ թղթե երիզներ (գրասենյակային, գունավոր թղթեր կամ լրագիր), սոսինձ, թել և զարդարելու համար փայլեր։
1. Թղթե երիզները դասավորում ենք շախմատային կարգով, մեկական կաթիլ սոսնձով ամրացնելով հատման կետերը.
2. Հերթով սկսում ենք սոսնձի օգնությամբ իրար ամրացնել անկյունագծերով հարևան երիզները.
Արդյունքում պետք է ստանանք նման դետալ.
3. Պատրաստում ենք մեկ նմանատիպ դետալ ևս.
4. Դետալներն ուռուցիկ մասերով դնում ենք իրար վրա այնպես, որ ազատ երիզները համընկնեն անկյուններում սոսնձված հատվածների հետ.
5. Ազատ երիզները սոսնձի օգնությամբ ամրացնում ենք մյուս դետալի անկյունային սոսնձված հատվածների հետ.
6. Փաթիլի հիմնական հատվածը պատրաստ է։ Այն կարելի է թողնել փքված տեսքով, կարելի է մի քիչ սեղմել և երկու շերտերի որոշ կետեր իրար սոսնձել։ Պատրաստի փաթիլը կարելի է ձևավորել փայլով և մի անկյունից թել կապելով, ստանալ տոնածառի խաղալիք.
