Պատրաստենք «Ավտոները» մուլտֆիլմի հերոս Քարշակի թղթե տարբերակը։
Այն պատրաստելու համար անհրաժեշտ է՝
գրասենյակային սպիտակ թուղթ կամ ստվարաթուղթ, գունավոր տպիչ, մկրատ, սոսինձ։
1. Ներբեռնիր և գրասենյակային թղթի կամ ստվարաթղթի վրա տպիր շաբլոնը։ Կտրատիր համապատասխան մասերը։ Գծիկավոր հատվածները ծալիր դեպի ներս։
2. Աշխատանքը սկսիր կափարիչից։ Սոսնձի կամ երկկողմանի կպչուն ժապավենի օգնությամբ իրար սոսնձիր այբբենական կարգով համապատասխան հատվածները։
3. Նման կերպ ամրացրու նաև հատակի և կտուրի համապատասխան հատվածները։
4. Քարշակի հատակն ու կտուրն իրար միացրու 1 հատվածի օգնությամբ, այնուհետև դրանց ամրացրու նաև կափարիչը 2 հատվածի օգնությամբ։
5. Պատրաստիր Քարշակի հանգույցի հենարանները և դրանք ամրացրու հատակի բարձր հատվածի վրա՝ հետին ապակու անմիջապես հետևում։
6. Պատրաստեք հանգույցը և այն ամրացրեք անմիջապես հենարանների վերևը։ Հանգույցի վրայի լույսը պետք է գտնվի հետևից նայելուց Քարշակի ձախ կողմում։
7. Պատրաստեք ամբարձիչը և այն ամրացրեք Քարշակի հատակին՝ խցիկի և բարձր մասի միացման հատվածում։
8. Գծիկավոր հատվածներից ծալեք հայելիներից յուրաքանչյուրը։ Սոսնձվող հատվածները ևս ծալեք, ապա սոսնձի օգնությամբ դրանցից յուրաքանչյուրն ամրացրեք Քարշակի առջևի կողային ապակուն։ Հայելիների նարնջագույն հատվածները պետք է դեպի դուրս լինեն։
9. Պատրաստիր ազդանշանային լուսարձակը և այն ամրացրու հանգույցի կենտրոնական հատվածում։
10. Ծալիր կողային ու կտուրի լուսարձակները մեջտեղից, և դրանց երկու կտորները սոսնձիր իրար։ Սոսնձման հատվածների օգնությամբ դրանք ամրացրու Քարշակի իրանին։ Կտուրի լուսարձակը պետք է հանգույցի աջ կողմում լինի։ Կողային լուսարձակները պետք է լինեն Քարշակի հատակին հետին մասում աջ և ձախ կողմերում։
11. Պատրաստիր Քարշակի շարժիչը և ամրացրու այն կափարիչի համապատասխան մասում։
12. Ծալիր խարիսխը և սոսնձիր դրա երկու կեսերն իրար։ Կստացվի երկկողմանի խարիսխ։ Նշված կետում անցք բացիր և շագանակագույն թելն այդ ծակի միջով անցկացնելով խարիսխը ամրացրու ամբարձիչին։
13. Վերջում թելի ծայրերից յուրաքանչյուրն ամրացրու հանգույցի երկու ծայրերին։
Պետք է ստացվի ահա այսպիսի մեքենա.
Շաբլոնները.
Շաբլոնները իրական չափով տպելու համար ակտիվացրեք նկարները։
