Թղթե բարակ երիզներից կարելի է պատրաստել բազմապիսի փաթիլներ։
Շատ նուրբ մի փաթիլ կպատրաստենք միասին։
Այս փաթիլը պատրաստելու համար անհրաժեշտ են սպիտակ թղթե երիզներ և սոսինձ։
Ծայրերիր սոսնձելով իրար ենք ամրացնում 2-ական երիզներ և ստանում 6 երկար երիզ։ Այդ երիզներից թույլ պարույրներ ենք փաթաթում, ապա ծայրերը սոսնձում.
Մատների ծայրերով սեղմելով պարույրները, ստանում ենք շեղանկյուն դետալներ.
Փաթիլի մյուս բաղադրիչ մասերը ծաղկանման դետալներն են։ Դրանք պատրաստելու համար վերցնում ենք մեկ երիզ, մեջտեղից ծալում 2 հավասար մասի և մասերից յուրաքանչյուրը հերթով փաթաթում դեպի դուրս այնքան, մինչև մոտ 2սմ չփաթաթված երիզ մնա.
Պատրաստում ենք նմանատիպ 6 դետալ.
Հաջորդ դետալը նման է այս ծաղկանման դետալին, սակայն նրա չոլորված երիզներն ավելի երկար են և դրանք իրար են սոսնձվում.
Պատրաստում ենք այսպիսի 6 դետալ.
Այժմ հավաքենք փաթիլը։
Նախ ծաղկանման դետալները իրար են սոսնձում.
Շեղանկյուն դետալները դասավորում ենք ծաղկաբույլի նման, իսկ դրանց արանքում դնում ծաղկանման դետալները։ Ամրացնում ենք միմյանց սոսնձով.
Կարելի է ամենավերին ծաղիկների եզրերին փոքրիկ ձիգ պարույրներ տեղադրել։
Երբ փաթիլը պատրաստ լինի, վրան վրձնի օգնությամբ բարակ շերտով քսում ենք էմուլսիայի և ջրի խառնուրդ և թողում, որ չորանա։ Դա կապահովի փաթիլի ամրությունը։ Ցանկության դեպքում մինչ սոսնձի չորանալը կարելի է փայլ շաղ տալ փաթիլի վրա։ Իսկ չորանալուց հետո թել անցկացնել անցքերից մեկով։
Փաթիլը պատրաստ է։
Հավես բան ա