Ձվիկի համար անձեռոցիկե տակդիր պատրաստելու համար անհրաժեշտ է թղթե անձեռոցիկ և մամլակ (скрепка)։
Եթե նախատեսում եք ձուն ձևավորել նախշերով ու նկարներով, այդ դեպքում միագույն անձեռոցիկը բավարար է, իսկ մի գույնով ներկված կամ ընդհանրապես չներկված ձվիկի դեպքում գեղեցիկ կդիտվի ծաղկազարդ անձեռոցիկը։
1. Անձեռոցիկն անկյունագծով ծալեք հավասար մասերի այնպես, որ ստացվի եռանկյուն։
2. Եռանկյան հիմքում գտնվող անկյունները ծալեք միացնելով գագաթի անկյանը։ Էլի կստացվի քառակուսի։
3. Քառակուսու ներքևի անկյունից սկսած անձեռոցիկը ոլորելով հասցրեք մինչև կենտրոն։
4. Պատրաստվածքը շուռ տվեք հակառակ կողմ և մամլակով ամրացրեք ներքևի անկյունները.
5. Այժմ կրկին պատրաստվածքը շուռ տվեք բարձր անկյունը դեպի ձեզ (որպեսզի մամլակը մնա հետևում)։ Անձեռոցիկի ազատ շերտերը ծալեք դեպի դուրս։ Կստանաք երեք թերթիկներ՝ տարբեր կողմեր ուղղված։ Տակդիրը պատրաստ է։
