Զատիկի սեղանի դեկորատիվ ձևավորման համար շատ գեղեցիկ մեթոդ է քվիլլինգի միջոցով ձվիկի պատրաստումը։
Դրա համար անհրաժեշտ է՝
1. Ձվի տեսքով հիմք
2. Վառ կանաչ, բաց կանաչ, սպիտակ, վարդագույն և դեղին գույնի թղթեր
3. Սոսինձ, մկրատ, ունելի, քանոն, գրասենյակային դանակ
Ձվիկի հիմք կարելի է օգտագործել ցանկացած ձվանման իր կամ կարելի է այն ինքնուրույն պատրաստել։ Պատրաստելու համար 10մլ էմուլսիա (ՊՎՔ) սոսինձը լցնում ենք թասիկի մեջ լցրած տաք ջրի մեջ, ապա դրա մեջ լցնում ճմրթած ու գունդ արած անպետք թերթեր, թղթերի մնացորդներ։ Մի քանի րոպե անց այն հանելով, ձեռքերի օգնությամբ քամում և ձվիկի տեսք ենք հաղորդում։ Թաց ձվիկը անհրաժեշտ է մեկ օր թողնել որևէ տաք տեղում, որպեսզի չորանա։ Չորանալուց հետո այն պետք է ակրիլային սպիտակ ներկի օգնությամբ հարթեցնել։ Պատրաստվածքի համար օգտագործելուց առաջ ձվիկը ամբողջությամբ պետք է պատվի սոսնձով։
Ձվիկի հետ աշխատելու հարմարավետության համար կարելի է ձվիկի պատրաստվածքի մեջ մեկ-երկու ատամմաքրից չոփիկ մտցնել և դա օգտագործել որպես բռնակ։
Ինչպես հայտնի է, քվիլլինգի հիմնական բաղադրիչը 3-ից մինչև 10մմ լայնություն ունեցող գունավոր երիզներն են։
Երիզները փաթաթվում են պարույրաձև, ապա դրանց ձև է տրվում։ Քվիլլինգի հիմնական դետալները պատրաստելու գաղտնիքներին կարող եք ծանոթանալ «Քվիլլինգի հիմնական դետալները։ Ինչպես դրանք պատրաստել» հոդվածում։
Պատրաստի դետալները անհրաժեշտ է ունելիի օգնությամբ ամրացնել սոսնձված մակերեսով ձվիկի վրա։
Ձվիկի ամբողջ մակերեսը կանաչ ու վարդագույն դետալներով պատելուց հետո ձվիկը անհրաժեշտ է թողնել մի որոշ ժամանակ, որ սոսինձը չորանա, ապա արդեն կանաչ մակերեսի վրա սոսնձել ծաղիկները.
Ահա քվիլլինգի միջոցով ձևավորված ձվիկների օրինակներ.
