Կովիկ պատրաստելու համար անհրաժեշտ է՝Դեղին, նարնջագույն, վարդագույն, շագանակագույն և սև գույնի պլաստիլիններ, ծեփի գործիք։
1. Մարմինը
Հաստ գլանակ պատրաստենք, երկու ծայրերից ծռենք, ապա ծեփի գործիքով երկու կողմից բաժանենք մասերի այնպես, որ ստանանք 4 ոտք։ Ոտքեր փոքր ինչ բացում ենք և ներքևի մասում մի պուճուր սուր տեսք հաղորդում։
2. Գլուխը
Պատրաստում ենք գունդ, ձվի տեսք տալիս, մի ծայրին ամրացնում քթի հատվածը։
3. Վիզը
Վզի համար փոքր գլան ենք պատրստում, ու այդ գլանի միջոցով գլուխն ու մարմինն իրար կպցնում։
4. Գլխի ձևավորումը
Պոզիկներ ենք դնում գլխին (ծռած գլանակներ), դրանց կողքը ականջներ (տափակացրած գլաններ) և աչքերը։
5. Զարդարենք կովիկին.
Կովիկին զարդարում ենք խալերով, դրա համար փոքր պլաստիլինի կտորներ վերցնում և լղոզում մարմնի վրա։
Պոչը պատրաստում ենք երկար-բարակ գլանակից, որի ծայրը փոքր-ինչ հաստ է։
Կուրծքը վարդագույն գունդ է, որի վրա մատների օգնությամբ պատրաստում ենք պտուկները, կամ էլ գնդի վրա վարդագույն փոքրիկ գլանիկներ ենք ամրացնում։
Կովիկը պատրաստ է։
