Թղթից պատրաստված ձնե փաթիլներն այնքան տարբեր ու անկրկնելի են, ինչպես իսկական ձնե փաթիլները։ Նրանցով կարելի է զարդարել տոնածառը, լուսամուտը, պատերը։ Դրանցից կարելի է ստանալ նույնիսկ շղթաներ… Իսկ դրանց պատրաստման եղանակը շատ հեշտ է։
Դրա համար ձեզ անհրաժեշտ կլինի թուղթ և մկրատ։
Թղթե փաթիլներ սարքելու համար ցանկալի է վերցնել ոչ շատ հաստ թուղթ (ինչպես օրինակ ալբոմի թուղթը). առաջին հերթին մկրատը մեծ դժվարությամբ կկտրատի թղթի 12 շերտը, սակայն նույնիսկ եթե հաջողվի կտրել, ապա նրա վրա նախշերը կտրատելը գրեթե անհնար կլինի, իսկ արդեն պատրաստի փաթիլը կլինի անհամաչափ ու տգեղ։ Դրա համար պետք է ուղղակի վերցնել գրասենյակային թուղթ, թղթե անձեռոցիկներ և այլն։ Ինչքան բարակ լինի թուղթը, այնքան ավելի շատ նախշեր կարող ենք կտրատել փաթիլի վրա։ Սակայն, դրանով հանդերձ, պետք է շատ զգույշ աշխատել թղթի հետ, որպեսզի այն պատահաբար չպատռվի։
Վերցրեք թղթի կտոր (չափսը ձեր ցանկությամբ՝ փաթիլները կարող են լինել և խոշոր, և մանր)։
Թուղթը ծալեք 2 հավասար մասերի.
Այժմ անհրաժեշտ է թղթի ծալված հատվածի կենտրոնը գտնել։ Դրա համար ծալված ուղղանկյան ծայրերը բերում ենք իրար վրա՝ առանց ծալքի առաջացման, միայն կենտրոնը նշելու համար։
Այժմ ծալված թղթի ձախ անկյունը ծալեք դեպի ներս այնպես, որ ստացվող եռանկյան գագաթը գտնվի հենց նոր արված նշանի վրա։ Այդ եռանկյան ներքևի գագաթը պիտի գտնվի այն հատվածի վրա, որը թղթի երկրորդ հատվածը բաժանում է հավասար մասերի։ Մի քիչ բարդ է հնչում, բայց նկարի օգնությամբ ամեն ինչ հեշտությամբ կանեք։
Այժմ աջ անկյունը ծալում ենք ստացված անկյան վրա։ Երկրորդ ծալքի ձախ եզրը պետք է հավասարապես համընկնի առաջինի ձախ եզրի հետ։
Ստացված եռանկյունը մեջտեղից ծալեք։
Պատրաստի թղթի ներքևի «պոչը» կտրեք։ Այժմ ունեք համաչափ եռանկյուն։ Մնաց միայն կտրատել փաթիլի նախշերը, իսկ հետո զգուշությամբ բացելով այն, դուք կտեսնեք ձեր չարչարանքի արդյունքը։
Ներքոհիշյալ բերվում է մի քանի փաթիլների նախշերի օրինակներ։ Մի քիչ փորձ ձեռք բերելով, արդեն կարող եք ինքնուրույն ձևավորել փաթիլներ։ Սկսնակներին խորհուրդ է տրվում մինչև նախշերը կտրատելը, դրանք մատիտով եզրագծել եռանկյունու վրա։
shattt lavnnneinn