Այս գեղեցիկ ծննդյան տորթով բացիկը հրաշալի լրացում կդառնա ձեր նվերին, հատկապես, եթե փոքրիկի ձեռքով այն պատրաստված լինի։
Անհրաժեշտ է
Թուղթ, մատիտ ու ֆլոմաստեր (եթե բացիկը ցանկանում եք ինքներդ նկարազարդել), մկրատ, գրասենյակային դանակ, սոսինձ։
Բացիկը բաղկացած է երկու մասից՝ կազմից, որը սոսնձվում է բացիկի մակերեսին և ծալվող հատվածից։
Ահա այսպիսի բացիկ նկարեք ինքնուրույն, կամ շաբլոնը բեռնեք այստեղից, կտրատեք ու տպեք։ Բացիկի չափսը 18×12.5 սմ է, ծալված վիճակում՝ 12.5×9 սմ։
Տորթի հոծ, չկտրտվող գծերով կտրվածքներ արեք։ Դրանք 4 ուղղահայաց գծերն են, հետո մոմերի հատվածը։ Զգուշորեն կտրեք շրջանաձև հատվածը։ Կտրվածքները կարելի է մկրատով կատարել, բայց առավել հարմար է գրասենյակային դանակը։ Դրանով բացիկը համ համաչափ համ գեղեցիկ կստացվի։ Չմոռանաք դանակով աշխատելուց առաջ թղթի տակ տախտակ դնել՝ սեղանի մակերեսը չվնասելու համար։
Գծիկավոր գծերի հատվածներում անհրաժեշտ է դեպի ներս ծալքեր անել։ Ծալքերից հետո տորթի հատվածները այնպես ծալեք, որպեսզի նրանք միմյանց նկատմամբ ուղղահայաց լինեն, իսկ մոմերի հատվածը ուղիղ դիրք ընդունի։
Մոտավորապես այսպիսի տեսք կունենա բացված բացիկը։ Բայց այն նախ պետք է ծալել, ու բացի այդ, նրա երեսային կողմը գեղեցիկ չի լինի։ Դրա համար պետք է կազմ կպցնել երեսային կողմից։ Ուշադրություն դարձրեք, որ սոսնձել պետք է ոչ թե կազմի թուղթը, այլ հենց բացիկը՝ տորթի կտրված հատվածները չսոսնձոտելով։ Այլապես այն ևս կկպնի կազմին։
Երբ ամեն ինչ պատրաստ կլինի, բացիկը կիսով չափ բացեք և զգուշորեն ծալվածքները բերեք վերջնական տեսքի։
Բացիկը պատրաստ է՝
Ես շատ գոհ ու շնորհակալ եմ💖