Մի քանի րոպեում հասարակ թղթից կարելի է ստանալ գեղեցիկ թիթեռ։ Ձեզ ենք ներկայացնում օրիգամի մեթոդով թիթեռնիկ պատրաստելու քայլ-առ-քայլ հերթականությունը։
1. Թուղթն անկյունագծով ծալենք.
2. Բացենք ծալվածքը և հակառակ անկյունագծով ևս ծալենք.
3. Բացենք թուղթը
4. Կենտրոնական հատվածից ծալենք հորիզոնական գծով.
5. Բացելով թուղթը, եռանկյունաձև ծալքեր ենք անում դեպի ներս.
6. Արտաքին եռանկյան մի թևը ծալենք դեպի վեր
7. Նույնը կրկնենք մյուս հատվածի համար.
8. Ստացված դետալը շուռ տանք հակառակ կողմ.
9. Հորիզոնական ծալք անենք՝ եզրը հասցնելով գագաթից փոքր-ինչ ներքև.
10 . Դետալը շուռ տանք.
11. Բացենք արտաքին եռանկյան մի շերտը և ստացված եռանկյան գագաթի մոտ մեկ ծալվածք անենք դեպի հիմքը.
12. Նույնը կրկնենք մյուս շերտի համար.
13. Շուռ տանք պատրաստվածքը.
14. Պատրաստվածքի վերին հատվածում գտնվող եռանկյունը ծալենք դեպի ներքև, ապա մի քանի մմ թողելով էլի ծալենք դեպի վեր.
15. Թեթևակի ծալք ենք անում դեպի ներս.
16. Թիթեռի աջակողմյան թևերը ծալում ենք դեպի դուրս
17. Նույնը կրկնում ձախակողմյան թևերի հետ.
18. Թեքությամբ դեպի ներս ծալք ենք կատարում երկու թևերի հետ.
19. Թիթեռը պատրաստ է.
