Կարապը եռանկյուն մոդուլներից կազմված օրիգամիի ամենապարզ օրինակներից մեկն է։
Կարապ կառուցելու համար անհրաժեշտ է 458 հատ սպիտակ և մեկ կարմի կամ նարնջագույն (կտուցի համար) եռանկյուն մոդուլ։
Սկսենք կառուցել առաջին երկու շարքը։ Դրա համար վերցնում ենք երեք մոդուլ և նման ձևով դասավորում.
2 մոդուլների անկյունները մտցնում ենք երրորդի գրպանիկների մեջ.
Վերցնում ենք ևս 2 մոդուլ ու միացնում ստացված կոնստրուկցիային.
Այնուհետ նման ձևով միացնում ենք ևս երկու մոդուլ… Ընթացքում երևում է, որ ստացվածը փխրուն զանգված է և քանդվում է ամեն անզգույշ շարժումից։ Ամուր դետալ ստանալու համար միանգամից 3 շարք կհավաքենք.
Դրա համար մոդուլը դնում ենք այս դիրքում
և կրկնում անկյունները մոդուլի գրպանիկները դնելը.
Այս մեթոդով հավաքում ենք 3 շարք և փակում շրջանը։ Յուրաքանչյուր շարքը բաղկացած է 30 մոդուլից։
Երրորդ շարքի նման հավաքում ենք չորրորդ և հինգերորդ շարքերը.
Այժմ երկու ձեռքերվ վերցնելով դետալը աջ և ձախ կողմերից, բութ մատերի օգնությամբ սեղմում ենք կենտրոնը և պատրաստվածքը «շուռ տալիս» դեպի դուրս.
Ստանում ենք թասանման դետալ.
Եզրերը զգուշությամբ թեքում ենք դեպի վեր և ստանում ահա այսպիսի տեսք.
Տեսքը կողքից.
Տեսքը ներքևից.
Այնուհետ, չմոռանալով որ մոդուլները դասավորվում են շախմատային հերթականությամբ, նախորդ շարքի նման կառուցում ենք վեցերորդ շարքը.
7-րդ շարքից արդեն սկսում ենք պատրաստել թևերը։ Ինչպես նախորդ շարքերում, դասավորում ենք 12 մոդուլ, ապա բաց ենք թողում 2 անկյուն (2 հարևան մոդուլների անկյունները) և կրկին հավաքում 12 մոդուլ։ Բաց թողնված 2 անկյունները վզի համար են, իսկ ավելի լայն հատվածը՝ պոչի համար է։
Հաջորդ շարքում ամեն մի թևի վրա մի մոդուլ քչացնում ենք։ 8-րդ շարքում ամեն թևի վրա կլինի 11 մոդուլ։
Տեսքը կողքից՝
Այսպես յուրաքանչյուր շարք պակասեցնում ենք մեկ մոդուլով, մինչև հենց մեկ մոդուլ չի մնում (ընթացքում թևերը փոքր ինչ թեքում ենք, անհրաժեշտ դիրք հաղորդելով)
Այժմ բաց թողնված լայն հատվածի վրա կառուցում ենք կարապի պոչը (յուրաքանչյուր շարքում մեկ մոդուլ քչացնելու սկզբունքով)
Մնաց պատրաստել կարապի վիզն ու գլուխը։ Դրա համար մեզ անհրաժեշտ է 19 սպիտակ և մեկ կարմիր մոդուլ։ Կարմիր մոդուլի անկյունները ցանկալի է նախօրոք սոսնձել, որպեսի կարապի կտուցը երկատված չլինի։
Կարապի վիզը փոքր-ինչ այլ սկզբունքով է հավաքվում։ Դրա համար վերցնում ենք երկու մոդուլ՝ ահա այս դիրքով.
մեկի անկյունները տեղավորում ենք մյուսի գրպանիկների մեջ.
Նման ձևով հավաքում ենք ամբող վիզը՝ ընթացքում այն ճկելով կարապի վզի տեսքով.
Այժմ կարապի վիզը հագցնենք մարմնի վրա մնացած ազատ երկու անկյունների վրա։ Կարապը պատրաստ է.
