Մոդուլային օրիգամի «Եղևնի»

Եռանկյուն մոդուլներից անտառային այս գեղեցկուհուն պատրաստելը բացարձակապես դժվար չէ։ Այն կազմված է առանձին ճյուղերից։ Այդ պատճառով կարելի է ձևավորել տարբեր չափսերի ու ձևերի եղևնիներ։ Այս եղևնու համար անհրաժեշտ է վերցնել կանաչ թուղթ մեկ կամ երկու երանգներով։

1. Սկսենք հավաքել ճյուղը։ Վերցնենք 3 մոդուլ և իրար միացնենք նկարում պատկերվածի նման։ Այդպիսի տեսք ունեն առաջին երկու շարքերի ճյուղերը։ Առաջին շարքում՝ 2 մոդուլ, իսկ երկրորդում՝ 1 մոդուլ։ Եթե ճյուղը կարճ է, ապա այն պետք է սկսել հավաքել 1 մոդուլից, իսկ եթե երկար՝ ապա հարմար է սկսել 2 մոդուլից։

2. Երրորդ շարքը հավաքելու համար երկրորդ շարքի մոդուլների գրպանիկների մեջ ևս 2 մոդուլ ենք մտցնում։ Մոդուլներն անհրաժեշտ է տեղադրել իրար մոտ գտնվող գրպանների մեջ։ Այդ դեպքում եզրային անկյունները ազատ կլինեն և կնմանվեն փշերի։

3. Շարունակենք հավաքել ճյուղը՝ իրար հաջորդելով 1 և 2 մոդուլներ։ Այդպես հավաքենք 12 շարք մուգ կանաչ մոդուլներից, իսկ վերջին 2 շարքը՝ բաց կանաչ մոդուլներից։ Երբ ճյուղը պատրաստ կլինի, մի փոքր այն ճկենք՝ իրական եղևնու ճյուղին նմանեցնելու համար։

4. 5 շարքից բաղկացած 2 կողային ճյուղիկներ պատրաստենք։

5. Ճյուղի սկզբից հաշվենք 3 «փուշ» և 4-րդ «փշի» վրա հագցնենք կողային փոքրիկ ճյուղերը։

6. Եղևնու ներքևի շարքը ձևավորելու համար մեզ անհրաժեշտ է այդպիսի 5 ճյուղ։ Դրանք իրար միացնելու համար պետք է վերցնել 1 մոդուլ և այն մտցնել հարևան ճյուղերի գրպանիկների մեջ։ Այդպես մի քանի մոդուլի օգնությամբ ներքևի շարքը պատրաստ կլինի։

7. Պատրաստենք միջանկյալ օղ, որի շնորհիվ եղևնու ճյուղերը հստակ կընդգծվեն։ Դրա համար վերցնենք 7 մոդուլ առաջին շարքի և 7 մոդուլ՝ երկրորդ շարքի համար։ Դրանք միացնենք իրար, ինչպես ցույց է տրված նկարում։

8. Մոդուլների շղթան փակենք և պատրաստենք այդպիսի 4 օղեր։

9. Եղևնու ճյուղերի մյուս շարքի համար պատրաստենք համեմատաբար կարճ ճյուղեր՝ հիմնական ճյուղը 12 մոդուլից, իսկ կողային ճյուղիկները՝ 3 մոդուլից։ Պատրաստենք 5 նման ճյուղ և դրանք օղի պես միացնենք։

10. Հաջորդ շարքի ճյուղերը ավելի փոքր են։ Դրանք պատրաստելու համար պետք են 10 մոդուլ կենտրոնական ճյուղի համար և 3 մոդուլ՝ կողային ճյուղիկների համար։ Պատրաստելով 5 ճյուղ, դրանցից օղ ենք պատրաստում։

11. Այժմ պատրաստենք ճյուղերի 2 փոքր օղեր՝ առանց կողային ճյուղիկների։ Դրանց դեպքում առաջին փոքր օղի մի ճյուղը կունենա 8, իսկ երկրորդ փոքր օղի մի ճյուղը՝ 6 մոդուլ։

12. Եղևնու կատարը պատրաստում ենք ինչպես 8 մոդուլանի ճյուղ։ Խիտ ստացվելու համար կողերից դնենք 2-ական մոդուլներ։

13. Վերցնենք փայտյա երկար ձողիկ և այն մտցնենք ռետինի մեջ։

14. Դրա վրա հագցնենք առաջին շարքը, այնուհետև միջանկյալ օղը։ Հագցնենք ճյուղերի հաջորդ շարքը, ապա էլի միջանկյալ օղը և այդպես շարունակ, մինչև բոլոր դետալները հագնեն փայտիկի վրա։ Վերջինը ամրացնում ենք կատարը։ Եթե հետագայում տոնածառը չեք քանդելու, ապա միացումները կատարելիս կարելի է օգտագործել էմուլսիա սոսինձ։

Տոնածառը պատրաստ է.

Խորհուրդ. Ճյուղերը հավաքելուց մոդուլները պետք չէ իրար ամուր հագցնել

Տոնածառի ճյուղերի նմանությամբ կարելի է ձյան փաթիլ պատրաստել՝ ընտրելով համապատասխան գույն։ Փաթիլները կարող են լինել տարբեր չափերի և ձևերի։ Դրանք հավաքելիս կարելի է սոսնձի միջոցով ամրացնել և ստանալ տոնածառի խաղալիք կամ կախազարդ։