Կիրիգամի տեխնոլոգիայով պատրաստենք գեղեցիկ կոմպոզիցիա՝ ձնեմարդ իր սահնակով։
Անհրաժեշտ է ներբեռնել շաբլոնները, տպել դրանք, ապա, գրասենյակային դանակի օգնությամբ կտրվածքներ անելով, հեռացնել փոքրիկ հատվածները։ Ցանկալի է շաբլոնները տպել ստվարաթղթի վրա։
Ձնեմարդը
1. Ներբեռնեք շաբլոնը, տպեք այն.
2. Շաբլոնի տակ դնում ենք երկրորդ թուղթը, ստեպլերի օգնությամբ դրանք ամրացնում ենք իրար, ապա գրասենյակային դանակի օգնությամբ կտրատում և հեռացնում փոքրիկ հատվածները.
Ամբողջությամբ մանր հատվածները հեռացնելուց հետո կտրում ենք եզրային գծերը և ստանում 2 ձնեմարդ։
Երկու ձնեմարդը իրար ենք միացնում գոտենման երիզներն իրար հագցնելու մեթոդով։ Եզրերը սոսնձի օգնությամբ ամրացնում ենք։
Սահնակը
Ներբեռնում և տպում ենք շաբլոնը (հեշտ կամ բարդ տարբերակներից մեկը)
Դանակի օգնությամբ հեռացնում ենք փոքրիկ կտորները, ապա եզրային գծերով եդնք կտրվածքներ անում։
Կտրելուց հետո կրկնակի գծերի հատվածում ծալքեր ենք անում դեպի դուրս։ Եթե ստվարաթուղթը շատ հաստ է, ապա կարելի է դանակի բութ կողմով թեթև ակոսներ անել և հեշտությամբ ծալել։
Սոսնձի օգնությամբ ամրացնում ենք թիկնակը.
Եղևնիները
Ներբեռնեք շաբլոնները և տպեք։
Եղևնին պատրաստվում է ձնեմարդու տեխնոլոգիայով.
Պատրաստվածքները կարելի է օգտագործել առանձին-առանձին, կամ դրանցից կոմպոզիցիա ստանալ.
