Ամանորի տոնի անբաժան մասնիկը Ձմեռ պապն է։ Սովորենք միասին կարել Ձմեռ պապիկի գլուխ.
Անհրաժեշտ է.
Սպիտակ, կարմիր և վարդագույն կտոր, թել-ասեղ։
1. Ներբեռնեք շաբլոնը և տպեք այն։
2. Կտրատելով շաբլոնը, դրեք դրանք համապատասխան կտորների վրա, և կտորի վրա ուրվագծելով՝ կտրատեք կտորը։
- Այսպես պետք է ստանանք հետևյալ կտորները.
- Մորուքը հետևից՝ 1 հատ, սպիտակ գույն
- Մորուքը առջևից՝ 1 հատ, սպիտակ գույն
- Բեղերը՝ 1 հատ, սպիտակ գույն
- Դեմքը ՝ 1 հատ, վարդագույն
- Քիթը՝ 1 հատ վարդագույն,
- Գլխարկի եռանկյուն կտորը՝ 2 հատ, կարմիր գույն
- Գլխարկի երկար կտորը՝ 2 հատ, կարմիր գույն
- Գլխարկի կլոր կտորը՝ 1 հատ, սպիտակ գույն։
3. Դեմքը և մորուքի առջևի հատվածը եզրերը կարելով միացնում ենք իրար, ապա կարում մորուքի հետևի հատվածը։ Ստացված գլխի մեջ մի փոքր բամբակ ենք լցնում, ապա կարելու միջոցով ամրացնում գլխարկի եռանկյուն հատվածները միաժամանակ։ Գլխարկի երկար կտորները կարում ենք այնպես, որ ծածկի դեմքի և գլխարկի միացման կարը։ Վերջում կարում ենք բեղերն ու քիթը և գլխարկի փոմփոնը։
4. Աչքերը սարքում ենք սև թելով կարելու միջոցով կամ կարելի է պատրաստի աչք-կոճակներ ամրացնել։
Ստացված Ձմեռ պապիկը կարելի է օգտագործել որպես տոնածառի խաղալիք։
