Հովհար պատրաստելու համար անհրաժեշտ է՝
- մոտ 1մ երկարությամբ և 14սմ լայնությամբ թուղթ
- պաղպաղակի կամ բժշկական 2 փայտիկներ
- կպչուն երիզ (սկոտչ)
- գունավոր մատիտներ ու ֆլոմաստերներ
1. Նախևառաջ պատրաստում ենք 1մ երկարությամբ և 14սմ լայնությամբ թուղթը։ Դրա համար իրար են սոսնձում 4 հատ A4 չափսի գրասենյակային սպիտակ թուղթ։ Ավելորդ հատվածները մկրատով հեռացնում ենք։
2. Թղթի վրա գունավոր մատիտներով ու ֆլոմաստերներով նկարում ենք ծաղիկներ ու նածշեր։
3. Թղթից հարմոն ենք պատրաստում, որի ծալքերի լայնությունը պետք է լինի 1-1.5սմ։
4. Ծալված թղթի եզրերին սոսնձում ենք փայտիկներն այնպես, որ դրանց մի ծայրը գոնե 2սմ թղթից դուրս մնա։
5. Թղթի ներքին եզրը հավաքում և փաթաթում ենք կպչուն երիզով։
6. Հովհար օրիգամին պատրաստ է։ Այն բացել-օգտագործելու համար պտտեք փայտիկներն այնպես, որ փայտիկներն իրար միանան։
