Կոնական պարույրները պատրաստվում են լայն երիզներից ստացված ձիգ պարույրներից։ Կոնական պարույրները կարող են լինել երկար ու բարակ, ինչպես նաև մեծ ու լայն։ Խնդիրը կայանում է դրանց անհրաժեշտ ձև ու չափ հաղորդելուն այնպես, որպեսզի դրանք չքանդվեն։
1. 5 մմ լայնությամբ երիզից պատրաստեք ձիգ պարույր և նրան թասանման ձև հաղորդեք։
2. Պարույրը ցուցամատով և բութ մատով բռնելով սեղմեք և մյուս ձեռքի ափի մեջ դրեք, այն կերկարի։
3. Պարույրին կարելի է կոնական տեսք հաղորդել հատուկ փայտիկի միջոցով, որը պետք է ունենա կոնական ծայր։
4. Ցուցամատը մտցնելով կոնի մեջ բութի և ցուցամատի միջոցով կոնը փաթաթվածքի ուղղությամբ պտտելով կարելի է ստանալ անհրաժեշտ չափն ու ձևը։
Կոնը ամուր պահելու համար նրա ներսի մակերեսին բարակ շերտով սոսինձ է քսվում։ Ցանկալի է դա արվի մատով, ոչ թե վրձինով, քանի որ մատի միջոցով հնարավոր է զգալ պարույրի թույլ հատվածները։ Կարելի է նաև դրսի մակերեսը ևս պատել սոսնձով։ Դա կպաշտպանի պատրաստվածքը փոշուց ու կեղտից։ Եթե ցանկանում եք կոնին օվալաձև կամ շեղ տեսք հաղորդել, ապա դա պետք է անել, քանի դեռ սոսինձը չի չորացել։
